Matthew 26:35 - Chishemanituu Utayimuwin: Kaa Uskaach Testament

³⁵ Peter maak chii iteu, “Aat kaye niya wii nipahiikuyaane iskutak nipahiikuyine namui yaapach nika uhchi itwen ekaa chischeyimitaan.” Ekw anichii kutakach chischinuhamuwaakanich ekun kaye wiyawaau kaa itwetwaau aniyuu kaa itweyich Peter.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁵ ᐲᑕᕐ ᒫᒃ ᒌ ᐃᑌᐤ, ᐋᑦ ᑲᔦ ᓂᔭ ᐐ ᓂᐸᐦᐄᑯᔮᓀ ᐃᔅᑯᑕᒃ ᓂᐸᐦᐄᑯᔨᓀ ᓇᒧᐃ ᔮᐸᒡ ᓂᑲ ᐅᐦᒋ ᐃᑗᓐ ᐁᑳ ᒋᔅᒉᔨᒥᑖᓐ᙮ ᐁᒄ ᐊᓂᒌ ᑯᑕᑲᒡ ᒋᔅᒋᓄᐦᐊᒧᐙᑲᓂᒡ ᐁᑯᓐ ᑲᔦ ᐎᔭᐙᐤ ᑳ ᐃᑗᑣᐤ ᐊᓂᔫ ᑳ ᐃᑗᔨᒡ ᐲᑕᕐ᙮

Matthew 26:35 Iomraidhean Croise

Matthew 10:33

Ekw maak awen e itaat aweyuu ekaa taapweyimit nika itaau kaye niya Nuuhtaawii kihchikiishikuhch kaa ihtaat, namui nichischeyimaau.”

John 13:37

Peter miin kaa kakwechimaat e itaat, “Utipeyihchikeu, chekwaan che uhchi ekaa chii wiicheutaan anuhchiish. Namui nika uhchi puuniin e nuushuushkaatan aat wii nipahiikuyaane.”

Romans 11:20

Taapwe kiipaa. Mikw maak, Chishemanituu chii iicheneu aniyuuh Jewa iinuuh wesa e chii aanuwehtaakut. Chiya maak wii, chimiyunihtaauchin anit an mistikw wesh chichii taapweyimaau Chishemanituu. Ekaawii chika uhchi nanaapeumun. Ihtakun teyakuch chechii yaakwaamiyin.

1 Corinthians 10:12

Yaakwaamiih chiya kaa iteyihtaman muush e suuhchikaapuuyin ekaa chechii pahchishiniyin machihtwaawinihch ishi.

Philippians 2:12

Ekw maak niichishaanitikw, muush chichii naanahiihtuunaawaau eshkw mekwaach anite Philippihch kaa ihtaayaan. Etituu maak iteyihtaakun anuhchiish muush chechii nanihiihtamekw taan kaa ishi wiihtamaatakuch mekwaach uu ekaa ihtaayaan anit e ihtaayekw. Suuhk aapatisitaau chechii chiishihtaauhkw aniyuu kaa ishi chihchipayihtaat Chishemanituu chipimaatisiiwinaahch iskutak kaa pimaachihiitahkw. Ihtuutahtaau uu e chischisiihkw Chishemanituu eukw chipaa nanihchiishtuwaanuu kaye wiya chipaa chisteyimaakanuu.

1 Peter 1:17

Suuhk maak muush chisteyimaahkw Chishemanituu wiya Nuuhtaawiinaan kaa ishinihkaatekw e ayimihaayekw. Eukw wesh uu kuiskw kaa ishi wiyaaskunaat misiwe aweyuu taan nihaau e ihtiyich. Aniyuu taan kaa ishi atushcheyich ekut wehchi wiyaaskunaat. Suuhk maak muush wii chisteyimaahkw Chishemanituu che ishkuhtaakwe chipimaatisiiwinaawaauh utah aschiihch.