Matthew 26:28 - Chishemanituu Utayimuwin: Kaa Uskaach Testament

²⁸ Wesh eukun uu nimihkw che uhchi uschihtaakanuuhch niskumuwin, eukuu nimihkw che siikanikaatech chechii uhchi wepeyihtamuwaakanuutwaau mihchetu awenichii umachihtwaawinawaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁸ ᐌᔥ ᐁᐅᑯᓐ ᐆ ᓂᒥᐦᒄ ᒉ ᐅᐦᒋ ᐅᔅᒋᐦᑖᑲᓅᐦᒡ ᓂᔅᑯᒧᐎᓐ, ᐁᐅᑰ ᓂᒥᐦᒄ ᒉ ᓰᑲᓂᑳᑌᒡ ᒉᒌ ᐅᐦᒋ ᐌᐯᔨᐦᑕᒧᐙᑲᓅᑣᐤ ᒥᐦᒉᑐ ᐊᐌᓂᒌ ᐅᒪᒋᐦᑣᐎᓇᐙᐤ᙮

Matthew 26:28 Iomraidhean Croise

Matthew 20:28

Mwehch Iinuu Ukusisa namui uhchi pechi takushin chechii atushkuwaakanuut, chii takushin chechii atushkuwaat iinuuh. Kaye maak chii takushin chechii pachishtinahk upimaatiisiwin miiskuch mihchetu aweyuuh chechii aapihkunaakanuyich.”

Matthew 26:27

Ekw aniyuu minihkwaakaniyuu kaa utinahk, kaa nanaaskumaat Chishemanituu, ekw kaa miyaat aniyuu uchischinuhamuwaakan e itaat, “Niipitepayihtwaatukw uu chechii minihkweyekw misiwe e tashiyekw.

Matthew 26:29

Chiwiihtamaatinaawaau maak namui miin nika uhchi minihkwen shuuminaapuu utah wii paatishkaan anite Nuuhtaawii uchisheuchimaawinihch miin maamuu minihkweyihkwe.”

Matthew 6:12

Wepeyihtamuunaan nimachihtwaawinaanh muyaam taan kaa ishi wepeyihtamuwachihtwaau anichii kaa wanituutuuyimihtwaau.

Mark 1:4

Eukw maak uu John siikahaahtaacheu kaa aayimuumaakanuut. Anite maak pakwaatiskamikaahch chii papaa ihtaau e siikahaahtuwaat aweyuu kaye e kacheschimaat. Chii kacheschimeu aweyuuh chechii kweskaatisiyich kaye chechii siikahaahtuwaakanuutwaau ekw maak Chishemanituu che wepeyihtamaakutwaau umachihtwaawinawaau.

Mark 14:24

Kaa itaat, “Eukuu nimihkw, an che shiikanikaatech mihchetu awen uhchi. Uu nimihkw ekut che uhchi yaaitashtech uschi niskumuwin.

Luke 22:19

Chii utineu maak aaihkunaau, chii nanaaskumuu maak kaye chii pahkweneu ekw kaa maamiyaat, e itaat, “Eukw uu niyuu e ishi miiwaanuuhch chiyawaau uhchi, muwaahkw uu aaihkunaau, uu maak ihtuutamukw e chischisiitutawiyekw.”

Luke 22:20

Eukun yaapach kaa ihtuutahk e utinahk aniyuu minihkwaakaniyuu, iskutak kaa chiishi miichisutwaau. Chii iteu, “Uu shuuminaapuu eukw nimihkw, chiyawaau uhchi che ishi shiikanikaatech chechii uhchi miikuyekw e uskaach niskumuwin.”

Romans 5:15

Mikw maak aniyuu miiwewiniyuu sehchei kaa miitahkw Chishemanituu naashch taapwe aahchiiuh iteyihtaakuniyuu taan kaa iteyihtaakuniyich Adam umachihtuutamuwin. Mihchetu awen chii nipuu aniyuu uhchi peyakw naapeu, eukuu Adam, e chii machituutahk. Mikw maak etituu mihchetiyuu aweyuuh Chishemanituu e chii shaweyimaat. Etituu iteyihtaakuniyuu aniyuu miiwewiniyuu sehchei kaa miitahkw Christ ushaweyihchichewiniihch uhchi mihchetu awen chechii pimaachihut.

Romans 5:19

Peyakw awen, eukuu Adam, aniyuu ekaa uhchi nanihiihtuwaat Chishemanituu eukuu wehchi misiwe awen ataameyihtaakusit e machaatisiit. An maak kutak, eukuu Jesus, tekash e chii nanihiihtuwaat Chishemanituuh ekut wehchipayiyich mihchet awen e kuiskutaatisiit chechii ishi kanawaapamikut Chishemanituu.

1 Corinthians 11:25

Iskutak maak kaa chiishkwaa miichisutwaau, chii utinam aniyuu minihkwaakaniyuu, ekw kaa itwet, “Uu minihkwaakan eukw uu uschi niskumuwin nimihkuhch che uhchi yaaitashtech. Tahtwaau minihkweyekwe che chischisiitutauyekw.”

Ephesians 1:7

Wesh Christ kaa nipistamaatahkw aashiteyaahtikuhch, ekut kaa uhchi aapihkunikuyihkw, chimachihtwaawinuuh chichii wepeyihtamaakunaanuu. Taapwe mishaayuu Chishemanituu ushaweyihchichewin.

Colossians 1:14

Wesh wiya Christ uhchi chichii wepeyihtamaakunaanuu chimachihtwaawinuuh kaye Christ uhchi chichii aapihkunikunaanuu taan kaa ishi maahchikwaapihkaasuyihkw.

Colossians 1:20

Kaye maak chii iteyihtam aniyuu Ukusisa uhchi chechii ihtuutahk kaau wiya e ihtaat chechii ihtakuniyich misiwe chekwaayuu kaye kaau wiya e ihtaat chechii ihtaayich misiwe aweyuuh, wesh misiwe chekwaan kaye misiwe awen utah aschiihch kaye kihchikiishikuhch chii pahkaanihiisuumakan Chishemanituu uhchi e ihtaat. Aniyuu maak e chii pachishtinisuyich Ukusisa chechii nipahaakanuyich aashiteyaahtikuhch ekut kaa uhchi ihtuutahk Chishemanituu kaau chechii miyu wiicheutunaanuyich wiya ishi e ihtaat, kaau wiya e ihtaat chechii ihtakuniyich misiwe chekwaayuu kaye misiwe aweyuu utah aschiihch kaye kihchikiishikuhch.

Hebrews 10:29

Etituu maak chika iteyihtaakuniyuu an awen yaapach kaa machituutahk aat e chischeyihtahk ekaa kuiskw ihtit. Uyuu e ihtit maayeyimeu Chishemanituu Ukusiyuu. Maayeyihtamuweu umihkuyuu kaa siikanikaateyich aashiteyaahtikuhch kaa nipahaakanuyich. Maayeyihtam aniyuu kaa ushkaayich niskumuwiniyuu aniyuu Chishemanituu kaa ushihtamuwaayich utiiniimiyuu. An awen uyuu kaa ihtit maayeyimeu kaye Kaa payehtisiyich Ahchaahkwa an kaa chischeyihtamihiitahkw Chishemanituu ushaweyihchichewiniyuu. Uu awen ishinaakuniyuu taapwe chechii waweshihaakanuukupane.

Hebrews 13:20

Ekw maak nitayimihaau Chishemanituu, an kaa ihtuutaataakw chechii ayaawekw chiyaameyihtamuwiniyuu. Wiya chii wanishkaaneu aniyuuh maanishchaanishuiinuu kaa chisteyihtaakusiyich nipuwinihch uhchi, eukw uyuu Jesus. Chii ihtuutaweu chechii miyu kanuweyimaayich utiiniimiyuuh mwehch e ihtiyich manischaanishuiinuu e miyu kanuweyimaayich maanishchaanisha. Chishemanituu chii ihtuutam chechii aapataniyich aniyuu kaa ushkaayich niskumuwiniyuu kaachiche che ihtakuniyich Jesus umihkuhch uhchi.

Hebrews 9:28

Kaye wiya maak Christ mikw peyakwaa chii pachishtinam upimaatisiiwin anit chechii uhchi ihtakuniyich misiwe awen chechii wepeyihtamuwaakanuut umachihtwaawinh. Mikw maak miin chika takushinuu, namui wii chechii nihiipayihtaat anit chechii uhchi wepeyihtamaachaanuyich machihtwaawinh, chika takushinuu mikw chechii pimaachihaat aniyuuh aweyuu kaa ashuwaapamikut che ishpish takushihk.

1 John 2:2

Christ chichii nipistamaakunuu chechii uhchi wepeyihtamaakuyihkw chimachihtwaawinuuh. Namui maak mikw chiyaanuu chimachihtwaawinuuh chika chii wepeyihtamaakunaanuu kaye misiwe awen utah aschiihch kaa ihtaat kata chii wepeyihtamuwaakanuu umachihtwaawinh.

Revelation 7:14

Ekw kaa itak, “Namui niya nichischeyimaauch. Chii eukw chescheyimatwaau.” Nichii itikw maak, “Eukunich uchii kaa shaapushkahkwaau taan kaa ishi nanehkaachihaakanuutwaau. Chii chishtaapautaauch utakuhpuwaauh aniyuu Maanishchaanisha umihkuyich ekw maak kaa waapaayikwaauh aniyuuh utakuhpuwaauh.

Revelation 7:9

Iskutak kaa chiishipayihch uu maahchishtai kaa ishi waapahtiikuyaan ekw kaa waapamakwaau e mista mihchetitwaau awenichii, ekaa mechim chii achimaakanuutwaau kaa ishpish chii mihchetitwaau. Misiwe e itiskaanesinaanuyich e uhchiitwaau, misiwe e ishi maamuuteushiinaanuyich, kaye misiwe e ishi ayiminaanuyich misiwe chii uhchishkuukaapuushtamuweuch Chishemanituuh uchisheuchimaau tehtapuwiniyuu ekw maak aniyuuh maanishchaansha. Misiwe e tashitwaau chii waapaaspisuuch kaye chii tahkunamuch niipisiyaahtikw utihchiiwaahch e muuchicheyihtahkwaau.