Matthew 26:24 - Chishemanituu Utayimuwin: Kaa Uskaach Testament

²⁴ Kata nipahaakanuu Iinuu Ukusisa aniyuu nihaau taan kaa ishi pechi masinahiikanuyich masinahiikanihch anite utaahch. Mikw maak taapwe kata aahkwaach machipayuu an awen che wiyeshapachistinaat Iinuu Ukusisa. Uste chipaa miywaayikupane an awen ekaa mechim uhchi pimaatisiikupane.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁴ ᑲᑕ ᓂᐸᐦᐋᑲᓅ ᐄᓅ ᐅᑯᓯᓴ ᐊᓂᔫ ᓂᐦᐋᐤ ᑖᓐ ᑳ ᐃᔑ ᐯᒋ ᒪᓯᓇᐦᐄᑲᓄᔨᒡ ᒪᓯᓇᐦᐄᑲᓂᐦᒡ ᐊᓂᑌ ᐅᑖᐦᒡ᙮ ᒥᒄ ᒫᒃ ᑖᐺ ᑲᑕ ᐋᐦᒀᒡ ᒪᒋᐸᔫ ᐊᓐ ᐊᐌᓐ ᒉ ᐎᔦᔕᐸᒋᔅᑎᓈᑦ ᐄᓅ ᐅᑯᓯᓴ᙮ ᐅᔅᑌ ᒋᐹ ᒥᔻᔨᑯᐸᓀ ᐊᓐ ᐊᐌᓐ ᐁᑳ ᒣᒋᒻ ᐅᐦᒋ ᐱᒫᑎᓰᑯᐸᓀ᙮

Matthew 26:24 Iomraidhean Croise

Matthew 18:7

Taapwe maayaatan chekwaayuuh e ishi ihtakuhkwaauh utah aschiihch ati chechii uhchi machituutahkwaau awenichii. Muush kata ihtakuniyuu chekwaayuu che kakwechihiikutwaau awenichii chechii machituutahkwaau, mikw maak Chishemanituu kata waweshiheu aniyuu kaa ihtuutawaayich kutak aweyuu chechii machituutamiyich.”

Matthew 26:31

Ekw Jesus kaa itaat aniyuu uchischinuhamuwaakan, “Uu anuhchiish che tipiskaach misiwe e tashiyekw chika nakasinaawaau, an uhchi taan che ihtuutaakuyaan, wesh itashteyuu anite Chishemanituu utayimuwinihch, Nika niihtahwaau an maanishchaanishuiinuu, ekw anichii maanishchaanishach che ascheyaamuhchaanuuhch.”

Matthew 26:54

Mikw maak an ihtiyaane, taanite chechii uhchi ispayihch an kaa itashtech Chishemanituu utayimuwinihch an chipaa ispayuu.”

Matthew 26:56

Mikw maak shaakuuch misiwe tipapayuu taan kaa ishi masinahahkwaau anite Chishemanituu utayimuwiniihch aniyehkaanaanich uchischiwehiichesuuch. Iskutak maak uyuu kaa itaat ekw misiwe uchischinuhamuwaakan kaa ushimuyich e nakachipahiikut.

Mark 14:21

Kata nipahaakanuu Iinuu Ukusisa aniyuu taan kaa ishi pechi masinahiikanuyich masinahiikanihch anite utaahch. Mikw maak taapwe kata aahkwaach machipayuu an awen che wiyeshipachishtinaat Iinuu Ukusisa. Uste chipaa miywaayikupane an awen ekaa mechim uhchi pimaatisiikupane.”

Mark 9:12

Ekw kaa ishi nishkweushihiikutwaau, “Taapwe kiipaa Elijah niishtam kata takushin chechii ayeskuushtaat misiwe chekwaayuu. Chekwaan maak wehchi itashtech Chishemanituu umasinahiikanihch Iinuu Ukusisa mistahii che nanehkaateyimut kaye ekaa che uhchi aapateyimaakanuut.

Luke 22:22

Kata nipahaakanuu Iinuu Ukusisa aniyuu taan kaa ishi wiishtaat Chishemanituu che ihtuutuwaakanuyich. Mikw maak taapwe kata aahkwaach machipayuu an awen che wiyeshipachishtinaat Iinuu Ukusisaan.”

Luke 24:46

E itaat, “Itashteu Christ yaaitei che wiisacheyihtamukupane, ekw maak kaau che wanishkaat nipuwinihch uhchi chii nishtuchiishikaayiche.

John 17:12

Mekwaach kaa wiicheukwaau nichii kanuweyimaauch aniyuu ishinihkaasuwiniyuu kaa pechi miyuut uhchi. Nichii kanuweyimaauch, namui maak waachi peyakw uhchi wanishinuuch mikw an kaa iteyihtaakuniyikupane che wanishihk chii wanishinuu. Misiwe uu kaa ispayihch chii ispayuu chechii tipipayihch taan e itashtech chitayimuwinihch.

John 19:24

Chii itituuch maak anichii shimaakanishach, “Ekush ekaa uhchi piikushamuwaataau uyuu utakuhp. Kuchishihiitutaau e chaahkahiicheyihkw awen che taauhiichekwe aniyuu akuhpiyuu.” Uyuu maak kaa ihtitwaau ekut kaa tipipayiyich taan kaa itasinahiikanuyikupane Chishemanituu utayimuwinihch, Chii maamaatinamaatuuch nichekwaanimh kaye chii taauhiikaanuu nitakuhp.

John 19:28

Paatimaa maak Jesus chii chischeyihtam shaash misiwe chekwaayuu e chii chiishipayiniyich ekw kaa itwet, “Niwii minihkwen.” Eukw uyuu kaa itwet chechii tipipayiyich taan kaa ishi niikaan wiihtaakuniyich anite Chishemanituu utayimuwinihch che itwekupane.

ᐊᐸᔅᑕᓚᒡ 2:23

Shaash anite chii wiyeyihtam Chishemanituu chiyawaau e ihtaawekw che ishi pachishtinaat Jesus, chiyawaau maak chichii nipahaawaau e chii pachishtinekuch naapeuch e machaatisiitwaau chechii chiistaaskuhwaatwaau aashiteyaahtikuhch.

ᐊᐸᔅᑕᓚᒡ 28:23

Ekw anichii Jewa iinuuch kaa wiishtuwaatwaau aniyuu Paul anit e chiishikaayich chechii nishtuwiitwaau chechii nituhtawaatwaau taan che itweyich. Wetihchipayiyich maak aniyuu e chiishikaayich anit kaa niskumutwaau chechii nishtuwiitwaau mihchetu awenichii chii takushinuuch anit Paul e ihtaayich. E chechishepaayaayich piihiim e ati tipiskaayich, Paul chii waawiihtamuweu aniyuu Jewa iinuuh taan e iteyihtaakuniyich Chishemanituu uchisheuchimaawiniyuu. Kaye chii kacheschimeu e wii siihchimaat chechii taapwehtamiyich Jesus e aawiyich Christ an kaa aayimuumaakanuut anite Moses uwiishuwewinihch kaye aniyehkaanaan uchischiwehiichesuuh umasinahiikaniihch.

ᐊᐸᔅᑕᓚᒡ 4:28

Mikw maak uyuu taan kaa ishi ihtuutahkwaau, chiya shaash weskach chichii wiyeyihten che ispayihch, chiya maak chichii ihtuuten chechii tipipayihch.

1 Corinthians 15:3

Wesh chichii aashuu wiihtamaatinaawaau an kaa miikuyaan chechii chischeyihtamaan. Naashch taapwe chihchiwe iteyihtaakun uu kaa waawiihtamaatakuch. Maau e ishi wiihtamaachemakahch. Christ chichii nipistamaakunuu chechii wepeyihtamaakuuhkw chimachihtwaawinuuh mwehch e ishi aayimuuteyich anite Chishemanituu utayimuwinihch che ihtuutamaatahkupane.