Matthew 26:21 - Chishemanituu Utayimuwin: Kaa Uskaach Testament

²¹ Mekwaach maak e miichisutwaau, Jesus chii iteu, “Chihchiwe chititinaawaau, peyakw utah e tashiyekw nika wiyeshipachishtinikw.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²¹ ᒣᒀᒡ ᒫᒃ ᐁ ᒦᒋᓱᑣᐤ, ᒌᓴᔅ ᒌ ᐃᑌᐤ, ᒋᐦᒋᐌ ᒋᑎᑎᓈᐙᐤ, ᐯᔭᒄ ᐅᑕᐦ ᐁ ᑕᔑᔦᒄ ᓂᑲ ᐎᔦᔑᐸᒋᔥᑎᓂᒄ᙮

Matthew 26:21 Iomraidhean Croise

Matthew 26:2

“Chichischeyihtenaawaau niishu chiishikaau ishpish ekw che chihchipayihch miyaaskaacheu makushewin. Ekut maak an mekwaach ispayihche che pachishtinaakanuut Iinuu Ukusisa chechii chiistaaskuhwaakanuut.”

Matthew 26:22

Anichii maak chischinuhamuwaakanich chii misimeyihtamuch aniyuu e itweyich ekw paahpeyakw kaa itaatwaau, “Utipeyihchikeu, niya aa kaa iishiyin.”

John 13:18

“Namui maak misiwe chitaayimuumitinaawaau, nimiyuu chischeyimaauch anichii niya kaa wiyaapamakwaau. Itashteu Chishemanituu utayimuwinihch, An naapeu kaa wiich miichisuumit nika wiyeshipachishtinikw. Ekun maak uu shaash wiipach chipaa ispayuu.

John 13:21

Iskutak Jesus kaa itwet uyuu, naashch chii misimiteheu ekw kuiskw kaa wiihtamuwaat e itaat, “Chihchiwe chititinaawaau, peyakw utah e tashiyekw nika wiyeshipachishtinikw.”

John 13:22

Ekw anichii chischinuhamuwaakanich kaa kanawaapamitutwaau naashch e kushkupayitwaau kaye e wawaaneyihtahkwaau, ekaa chischeyihtahkwaau aweyuu aniyuu kaa aayimuumaakanuyich.

Hebrews 4:13

Misiwe chekwaayuu mushe waapahtam Chishemanituu. Misiwe aweyuuh tekash waapameu kaye misiwe chekwaayuu tekash waapahtam. Wiya maak chika wiihtamuwaanuu chekwaan wehchii ishi pimaatisiihkw taan kaa ishi pimaatisiihkw.

Revelation 2:23

Nika nipahaayuuh aniyuu kaa nuushuushkaakut. Ekw maak misiwe anichii umaamuuayimihaauch che chischeyimitwaau niya e aawiyaan an kaa chischeyimaat aweyuuh taan nihaau e iteyihtamiyich kaye taan nihaau e ishi teheyich. Misiwe e tashiyekw chika waweshihiitinaawaau taan mikw kaa ishi machituutamuwekwe.