Matthew 26:2 - Chishemanituu Utayimuwin: Kaa Uskaach Testament

² “Chichischeyihtenaawaau niishu chiishikaau ishpish ekw che chihchipayihch miyaaskaacheu makushewin. Ekut maak an mekwaach ispayihche che pachishtinaakanuut Iinuu Ukusisa chechii chiistaaskuhwaakanuut.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᒋᒋᔅᒉᔨᐦᑌᓈᐙᐤ ᓃᔓ ᒌᔑᑳᐤ ᐃᔥᐱᔥ ᐁᒄ ᒉ ᒋᐦᒋᐸᔨᐦᒡ ᒥᔮᔅᑳᒉᐤ ᒪᑯᔐᐎᓐ᙮ ᐁᑯᑦ ᒫᒃ ᐊᓐ ᒣᒀᒡ ᐃᔅᐸᔨᐦᒉ ᒉ ᐸᒋᔥᑎᓈᑲᓅᑦ ᐄᓅ ᐅᑯᓯᓴ ᒉᒌ ᒌᔅᑖᔅᑯᐦᐙᑲᓅᑦ᙮

Matthew 26:2 Iomraidhean Croise

Matthew 10:4

ekw maak Simon kaa ayimihewaatisiit kaa ishinihkaataakanuut, ekw maak Judas Iscariot, eukuu kaa wiyeshipachishtinaat Jesus.

Matthew 17:22

Iskutak maak misiwe anichii chischinuhamuwaakanich kaa pechi nishtuwiitwaau anite Galileehch, Jesus chii iteu, “Shaash wiipach chika pachishtinaakanuuch iinuuch taan waa ihtuutuwaatwaau chechii ihtuutuwaatwaau Iinuu Ukusisa.

Matthew 27:4

ekw kaa itaat, “Taapwe nuwach niwanituuten taan kaa ishi wiyeshipachishtinak naapeu ekaa uhchi machituutahk.” Ekw kaa itikut aniyuuh ayimiheuchimaau ekw maak aniyuu Jewa iinuuh kaa niikaanishkuwaayich, “Taapaa wiyesh nika chii ihtinaan niyaan. Chiya chikaa wii miyupayihtwaasun an.”

Luke 22:15

Chii iteu maak Jesus, “Naashch taapwe nichii pukuseyihtamihiikuun chechii wiichimiichisuumitakuch miyaaskaacheu makushaan eshkw ekaa utihchipayihch che ishi wawiisacheyihtamihiikuyaan.

John 11:55

Chii peshunaakun maak an Jewa miyaaskaacheu makushewin. Mihchetu awenich chii pechi ituhteuch Jerusalemihch nanaahkuu ihtaawinihch e uhtuhtetwaau e pechi takushihkwaau chechii ihtuutahkwaau taan kaa ishi wiishteyich ayimihewin wiishuwewinihch chipaa ihtuuch chechii payehchisiitwaau.

John 12:1

Kutwaashch chiishikaau chii ishpishinaakuniyuu miyaaskaacheu makushewiniyuu, Jesus kaa takushinit anite Bethanyihch anite Lazarus wiichiihch. Ekute uyuu kaa wanishkaanaat nipuwinihch uhchi.

John 18:2

Judas maak an che wiyeshipachishtinaat Jesus chii chischeyihtam taanite kaa ihtakuniyich aniyeyuu wesh mihchetwaau chii nishtawiyuuch anit Jesus ekw maak aniyuu uchischinuhamuwaakanh.

John 18:32

Eukw maak uu wehchi ispayihch uu chechii tipipayiyich taan nihaau kaa ishi niikaan wiihtahk Jesus che ishi nipikupane.

John 2:13

Shaash maak chii peshunaakuniyuu Jewa iinuuch kaa chii makushetwaau, miyaaskaacheu makushewin kaa ishinihkaateyich, ekw anite Jerusalemihch kaa ituhtet Jesus.