Matthew 26:13 - Chishemanituu Utayimuwin: Kaa Uskaach Testament

¹³ Chihchiwe chititinaawaau, taanite mikw che kacheskwaanuukwe e waawiihtaakanuuhch miywaachimuwin misiwe e ispichiskamikaach uu aschii kata wiihtaakanuuyuu uyuu taan kaa ihtit e chischisiitutuwaakanuut uu iskweu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹³ ᒋᐦᒋᐌ ᒋᑎᑎᓈᐙᐤ, ᑖᓂᑌ ᒥᒄ ᒉ ᑲᒉᔅᒀᓅᑴ ᐁ ᐙᐐᐦᑖᑲᓅᐦᒡ ᒥᔻᒋᒧᐎᓐ ᒥᓯᐌ ᐁ ᐃᔅᐱᒋᔅᑲᒥᑳᒡ ᐆ ᐊᔅᒌ ᑲᑕ ᐐᐦᑖᑲᓅᔫ ᐅᔫ ᑖᓐ ᑳ ᐃᐦᑎᑦ ᐁ ᒋᔅᒋᓰᑐᑐᐙᑲᓅᑦ ᐆ ᐃᔅᑴᐤ᙮

Matthew 26:13 Iomraidhean Croise

Matthew 24:14

Uu maak miywaachimuwin Chishemanituu uchisheuchimaawin kaa tipaatuteyich chika kacheskwaanuu utah misiwe aschiihch misiwe awen chechii pehtahk, ekw maak yaakw che iskwaapayihch.”

Matthew 28:19

Uu maak uhchi maachiikw nituwaapamaahkuch misiwe e itiskaanesitwaau awenichii che ihtuutawekuch chechii uchischinuhamuwaakaniyaan, che siikahaahtuwekuch utishinihkaasuwiniyuu Uhtaawiimaau nesht Ukusiisimaau nesht Kaa payehchisiyich Ahchaahkwa.

Mark 13:10

Eshkw maak ekaa ispayekwe uu, niishtam chipaa kacheschimaakanuuch misiwe e itiskaanesitwaau awenichii e waawiihtamuwaakanuutwaau miywaachimuwiniyuu.

Mark 14:9

Chihchiwe chititinaawaau, taanite mikw che kacheskwaanuukwe e waawiihtaakanuuhch miywaachimuwin misiwe e ispichiskamikaach uu aschii kata wiihtaakanuuyuu uyuu taan kaa ihtit e chischisiitutuwaakanuut uu iskweu.”

Mark 16:15

Ekw kaa itaat, “Maachiikw misiwe e ispichiskamikaach uu aschii che kacheskweyekw e waawiihtamekw uu miywaachimuwin misiwe awen chechii pehtahk.

Luke 24:47

Ekw maak chipaa waawiihtamuwaakanuuch misiwe e itiskaanesitwaau awenichii chechii kweskaatisiitwaau kaye chechii wepeyihtamuwaakanuutwaau umachihtwaawinawaauh niya pechi naashitwaawenich. Jerusalemihch maak niishtam chika uhchi mishihtepayuu uu che ishi waawiihtaakanuuhch.

ᐊᐸᔅᑕᓚᒡ 10:4

Chii mistakanuwaapameu maak aniyuu enchil e sechisit ekw kaa itaat, “Chekwaan, Utipeyihchikeu.” Ekw kaa itikut aniyuu enchil, “Chishemanituu chii naheyihtamihiikuu taan kaa ishi ayimihaayin, kaye taan kaa ishi miyu wiichihiitwaau kutakach awenichii, namui maak chika uhchi wanchischisiitutaakw.

Romans 10:18

Mikw maak niwii kakwechihchemun, namui aa maak Christ uhchi aayimuutamuwaakanuuch Jewa iinuuch. Ehe, kiipaa kaa aayimuutamuwaakanuutwaau. Wesh itashteu Chishemanituu utayimuwinihch, Misiwe e ispichiskamikaayich aschiihch chii waawiihtamuch aniyuu miywaachimuwiniyuu. Mitun nete e iskwaayaayich uyuu aschiiyuu chii pehtaakuniyuu utayimuwinawaau.

Romans 15:19

taan kaa ishi waapahtiyaakanuutwaau waapahtiiwewinh kaye e miskaateyihtaakuniyikwaauh chekwaayuuh e suuhcheyihtaakuniyikwaauh, kaye maak aniyuu taan kaa ishi miit suuhkaatisiiwiniyuu Kaa payehchisiit Ahchaahkw ekut kaa uhchi wiihkuchihaakanuutwaau. Misiwe taanite kaa ituhteyaan Jerusalemihch anite maak ishi Illyricum aschiihch nichii waawiihtamuwaan Jesus Christ umiywaachimuwin.

2 Corinthians 10:18

Wiya e miywaachimisut awen namui wiyesh itaapataniyuu. Michihpin maak Utipeyihchikeuh miywaachimikute eukw aniyuu yaakw yaapataniyich.

Colossians 1:23

Chinituweyihtaakusinaawaau yaaitei chechii kanuweyihtamekw taan e ishi taapwehtamekw uu miywaachimuwin, wesh ekut uu wehchi cheshtinaachikaapuyekw. Ekaawii maak chika uhchi ishinaakusinaawaau chechii ati waanihtaayekw an aspeyimuwin kaa ayaayekw iskunaak kaa pehtamekw miywaachimuwin. Wesh shaash mistahii mishihte chii ituhtataakanuu. Kaye niya Paul niwiichihiiwen e papaamuhtataakanuuhch uu miywaachimuwin.

Colossians 1:6

Uu miywaachimuwin tasine pimipayuu shaweyihchichewin anit uhchi kaye maak kanawaach mishihtepayuu e waawiihtaakanuuhch misiwe e ispichiskamikaach utah aschiihch. Ekun maak e ishinaakuhch miywaachimuwin anit mekwesiinuu e ihtaayekw iskunaak kaa pehtamekw e aayimuutaakanuyich Chishemanituu uchishewaatisiiwin kaye kaa nisituhtamekw taan nihaau e iteyihtaakuniyich.

1 Timothy 2:6

Eukw maak uu naapeu kaa pachishteyihtamihiikut upimaatisiiwin chechii uhchi wiihkuchihaat misiwe aweyuu umachihtwaawaniihch uhchi. Ekut maak kaa utihchipayihch anit che miyupayihch Chishemanituu chechii nuukuhtaat taanit chechii uhchi pimaachihaat misiwe aweyuu.

Hebrews 6:10

Ehe, chitaapweucheyimitinaawaau e chii pimaachihuyekw. Nichischeyimaau Chishemanituu kuiskw e ihtuutawaat misiwe aweyuuh. Chichischeyimikuwaau taan kaa ishi miyutuutamuwekw kaye taan kaa ishi nuukuhtawekw e saachihekw e chii wiichihiimekw kaa taapwehtamiitwaauh kaye eshkw e wiichihiimekw. Namui maak chika uhchi wanichischisuu uyuu.

Revelation 14:6

Ekw miin kutak enchil kaa waapamak naashch e ispahahk ishpimihch anite e pimihiyaat, e pechi waawiihtamuwaat aniyuuh aschiihch kaa ihtaayich miyu tipaachimuwiniyuu muush che taapwemakaniyich. Misiwe aweyuuh chika wiihtamuweu, misiwe itiskaanesiyich, misiwe e ishi ayimiyich, nanaahkuu e ishi maamuuteushiyich.