Matthew 26:10 - Chishemanituu Utayimuwin: Kaa Uskaach Testament

¹⁰ Jesus maak chii chischeyimeu taan e itituyich, ekw kaa itaat, “Chekwaan wehchi aayimeyihtamihekw. Mista miywaashiyuu aniyuu e chii ihtuutuut.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁰ ᒌᓴᔅ ᒫᒃ ᒌ ᒋᔅᒉᔨᒣᐤ ᑖᓐ ᐁ ᐃᑎᑐᔨᒡ, ᐁᒄ ᑳ ᐃᑖᑦ, ᒉᒀᓐ ᐌᐦᒋ ᐋᔨᒣᔨᐦᑕᒥᐦᐁᒄ᙮ ᒥᔅᑕ ᒥᔻᔑᔫ ᐊᓂᔫ ᐁ ᒌ ᐃᐦᑑᑑᑦ᙮

Matthew 26:10 Iomraidhean Croise

Matthew 26:11

Muush chika ihtaauch kaa chistimaatisiitwaau utah e ihtaayekw, niya maak namui muush nika uhchi ihtaan utah e ihtaayekw.

Matthew 26:9

Chipaachii ataawaakaanuyuu aniyuu wiihchimaakuhuuniyuu ekw maak chipaachii miyaakanuuch aniyuu shuuliyaayuu anichii awenichii kaa chistimaatisiitwaau.”

Mark 14:6

Jesus maak chii iteu, “Ekaawii pischeyimaahkw. Chekwaan wehchi aayimeyihtamihekw. Mista miywaashiyuu aniyuu e chii ihtuutuut.

Luke 8:49

Mekwaach maak e ayimit Jesus, chii takushinuu naapeu Jairus e ihtaayich e uhtuhtet chechii pechi itaat aniyuu Jairus, “Shaash namui pimaatisiyuu chitaanis. Ekaawii maak ekush utamihii chischinuhamaachesuu.”

2 Corinthians 9:8

Chika chii ihtuutam Chishemanituu paashich chechii ishpish miitaakw tahtwaau e shaweyimitaakw, ekw maak muush che ayaayekw taan che ishi nitaweyihtamuwekwe. Paashich chika ishpish miikuwaau kutakach awenichii chechii wiichihekuch.

Galatians 1:7

Taapaa ihtakun kutach miywaachimuwin. Mikw maak ihtaauch awenichii anite e ihtaayekw e mukushkaateyihtamihiitaakuch, e wii kwestinahkwaau aniyuu miywaachimuwiniyuu anit yaayimuumaakanuyich Christ.

Galatians 5:12

Kamaa etatuu maatishushutwaau anichii kaa chischinuwaachishwaakanuutwaau, anichii kaa mukushkaateyihtamihiitaakuch.

Galatians 6:17

Ekaawii awen nika wii nanehkaachihiikw. Ihtakun taan kaa ishi namehiikuyaan niyuuhch Christ uhchi e atushkuuk.

Ephesians 2:10

Wesh wiya Chishemanituu chichii ihtuutaakunuu chechii kuiskunaakusiyuuhkw aniyuu uhchi taan kaa ihtuutamiyich Christ Jesus. Christ maak e wiicheumuhkw, Chishemanituu chichii iteyihtaakuhiikunuu chechii mamiyuutuutamaamihkw aweyuuh, wesh eukw uyuu Shaash anite weskach niyaakan kaa ishi wiyeyihtahk che ihtuuhkw.

Colossians 1:10

Ekw maak chechii ishi pimaatisiyekw taan e ishi nituweyimitaakw Chishemanituu chechii ishi pimaatisiiwekw. Muush chika ihtuutamuwaanaawaau taan aniyuuh e ishi naheyihtamihiikut. Nanaahkuu chika ishi mamiyuutuutamuwaawaauch awenichii kaye wetaach chika miyu chischeyimaawaau Chishemanituu taan e iteyihtaakusit.

2 Thessalonians 2:17

Nitutamuwaanaanich chechii kaachiichihiikuyekw kaye chechii suuhchikaapuuyekw misiwe taan e ishi miyutuutamekw kaye taan e ishi ayimiyekw.

1 Timothy 3:1

Eukw uu taapwe tiyaapwemakahch itwewin, awen e iteyihtamahiikuukwe chechii niikaanishkuwaat umaamuuayimihaauh naashch miywaashiyuu uyuu aapatisuwiniyuu kaa ishi wiyeyihtamihiikut chechii ihtuutahk.

1 Timothy 5:10

Kaye chipaa ihtakuniyuu taan e ishi miywaachimaakanuut e mamiyuutuutamaachet, muyaam e chii miyu nihtaautinaat awaashah, e chii miyu kanuweyimaat maan maaniteuh, kaye muush e chii mamiyuututawaat kaa taapwehtamiitwaauh kaye muush e chii nanaatamuwaat aniyuuh kaa aayimihuyich ekw maak suuhk muush e chii naanituu miskahk taan che ishi mamiyuutuutamaachet.

2 Timothy 2:21

Michihpin maak awen payehchihiisute e nanaakatuweyihtahk ekaa chechii wiinihiikut machaatisiiwiniyuu, kata ihtakuniyuu aniyuu naashch e chisteyihtaakuniyich che ishi aapachihaakanuut, mitun tekash kata pachishtinisuu chechii miywaapachihiikut aniyuu kaa wii aapachihiikut e ihtuutahk mikw taan e itashumikut.

Titus 1:16

Itweuch e chischeyimaatwaau Chishemanituuh mikw maak aniyuu e itaatisiitwaau nuukuniyuu ekaa taapwe chischeyimaatwaau Chishemanituu wesh naashch machaatisiyuuch. Namui mitun nanihiihtuweuch Chishemanituu kaye namui mitun iteyihtaakusuuch chechii miyutuutahkwaau.

Titus 2:14

Chii pachishteyimitisuu Christ chiyaanuu uhchi, chechii wepeyihtamaakuyihkw misiwe chimachihtwaawinuuh kaye chechii payehchihiitahkw mikw wiya chechii ayaautahkw. Chinituweyimikunuu suuhk chechii iteyihtamihiikuyihkw kuiskw chechii ihtiihkw.

Titus 3:1

Chischisuumach chitiiniimach chechii nituhtawaatwaau aniyuu kaa uchimaamitwaau kaye chechii nanihiihtawaatwaau aniyuu kaa chisheuchimaau aapatisiyich kaye muush chechii ayeskuwiitwaau chechii aapatisiihkahtahkwaau kuiskw e ishinaakuniyich atushchewiniyuu.

Titus 3:14

Anichii maak chiyaanuu chitiiniiminuuch chipaawii chischeyihtamuch taan chipaa chii ishi miyu atushcheuch, e wiichihaatwaau aweyuuh naashch e nituweyihtamiyich chechii wiichihaakanuyich. Namui chipaa uhchi ishinaakusuuch ekaa wiyesh itaapatisitwaau.

Titus 3:8

Taapwemakan uu kaa itweyaan. Chinituweyimitin chechii siihchimatwaau anichii kaa taapweyimaatwaau Chishemanituu che wii miyutuutamuwaatwaau kutak aweyuu. Wesh miywaayuu kaye chika miyu wiichihiikuuch uyuu ihtuutahkwaawenich.

Hebrews 13:21

Mistahii chichii ihtuutamaakuwaau Chishemanituu Jesus uhchi ekw maak netutamuuk chechii miitaakw misiwe aniyuu kaa miywaayikwaau chekwaayuu e ishi nituweyihtamekw chechii ihtuutamuwekw utiteyihtamuwin. Nitayimihaau kaye chechii aapatisit anite chipimaatisiiwiniwaahch ekw maak chechii naniheyihtamihiikut aniyuu e itaatisiiwekw. Muush maak maamihchimaataau Jesus Christ kaachiche kaye kaachiche. Amen.

1 Peter 2:12

Suuhk wii kuiskupimaatisiikw mekwesiinuu anichii ekaa kaa taapwehtahkwaau e ihtaatwaau. Ekut chechii nisituunahkwaau chimiyuutuutamuwinawaau ekw maak che maamihchimaatwaau Chishemanituu iskutak takushiniyichen. Ekun che ihtitwaau aat anuhchiish nitamukw e ishi mamishimitaakuch mwehch e machituutamuwekw.