Matthew 25:5 - Chishemanituu Utayimuwin: Kaa Uskaach Testament

⁵ Namui maak tiiwehch uhchi takushinuu an uschinaapewaan. Chek kaa chisihkusitwaau anichii ishkweshach, ekw chek kaa kauhkusitwaau.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵ ᓇᒧᐃ ᒫᒃ ᑏᐌᐦᒡ ᐅᐦᒋ ᑕᑯᔑᓅ ᐊᓐ ᐅᔅᒋᓈᐯᐙᓐ᙮ ᒉᒃ ᑳ ᒋᓯᐦᑯᓯᑣᐤ ᐊᓂᒌ ᐃᔥᑴᔕᒡ, ᐁᒄ ᒉᒃ ᑳ ᑲᐅᐦᑯᓯᑣᐤ᙮

Matthew 25:5 Iomraidhean Croise

Matthew 24:48

Mikw maak machi aapachihaakanuu iteyihtahke, eshkw chineush che ishpish takushihk miin nuuchimaam.

Matthew 25:19

“Chineush maak namui uhchi ihtaayuuh aniyuu uchimaamuwaauh anichii aapachihaakanich chek kaa pechi chiiweyich ekw kaa kakwechimukutwaau taan kaa ihtuutahkwaau aniyuu shuuliyaayuu kaa miikutwaau.

Matthew 25:4

Ekw anichii kaa iipwaahkaatwaau ayuwaak chii chistuhtataauch wiyawaau pimiyuu che piihchipimetwaau aniyuuh uwaastenimaakanawaauh.

Matthew 25:6

“Shaash maak chii aapihtaatipiskaayuu, kaa mate tepwet awen e itwet, ‘Shaash takushinuu uschinaapewaan, pechi nachishkawaahkw.’

Matthew 26:40

Chii pisikuu maak kaa chiishi ayimihaat, kaau kaa nituwaapamaat aniyuu uchischinuhamuwaakan kaa ashuwaapamikut, wetihtaat maak chekwaayuu kaa nipaayich, ekw kaa itaat aniyuu Peter, “Taan e ihtiyekw wehchi ekaa waawaach peyakw tipahiikan uhchii ishpish ashuwaapamiyekw.

Matthew 26:43

Miin kaa nituwaahaat aniyuu uchischinuhamuwaakan, chekwaayuu eshkw kaa nipaayich, wesh shaash namui uhchii ihtiyuuh ekaa chechii nipaayich.

Luke 1:21

Anichii maak iinuuch chii ashuwaapameuch Zechariah che ishpish pechi wiiwiyich. Ekw kaa maamituneyihtamihiikutwaau chekwaayuu wehchi naashch chineush ihtaayich anite piihtakamihch.

Luke 12:45

Mikw maak ishi maamituneyihtahke an aapachihaakan, eshkw chineush che ishpish takushihk miin nuuchimaam, iteyihtahke. Ekw maak naashch nanehkaachihaate aniyuu wiichaapachihaakanh kaa uchimaahkahtuwaat e utataamahwaat kaye mikw miichisute maak chiishkwepete,

Luke 18:8

Chiwiihtamaatinaawaau, cheshtinaateyihtaakuniyuu wiipach che naatamuwaat. Ekw maak, Iinuu Ukusisa kata miskaweu kaakaye aweyuuh e taapweyimikut iskutak miin takushinite utah aschiihch.”

Luke 20:9

Jesus kaye chii wiihtamuweu uyuu chiskutamaacheu tipaachimuwiniyuu e itaat, “Naapeu chii ushihtaau shuuminaahtikw nihtaauchihchikan aschiiyuu, ekw pitamaa kaa pachishtishuwaatahk aweyuuh chechii naanaakachihtamaakut. Ekw kaa chistuhtet, waahiyuu e ihtakuniyich aschiiyuu kaa ituhtet. Chii itaapichiyuu maak.

Romans 13:11

Ekun uu chipaa ishi pimaatisiinaawaau e chischeyihtamekw taan che ispayihch ekw wiipach. Iteyihtaakun ekw taapwe chechii pekupayekw kaye chechii aasihcheyihtamekw. An e chiishikaach che pimaachihiitahkw Chishemanituu etituu ekw peshunaakun kaa ishpishinaakuhch anit niishtam kaa taapweyimahkw Jesus.

Ephesians 5:14

Eukw maak wehch iinaanuuhch maan, “Wanishkaah chiya kaa wiihchihkwaamuyin, wanishkaah anit nipuwinihch uhchi. Ekw maak Christ che miisk waashtewiniyuu.”

1 Peter 5:8

Muush yaakwaamiishtuwaahkw machimanituu, an muush kaa wii naanituu machipayihiikuyekw, wesh muyaam mistatim muush kaa papaamuhtet e papaanemut e naanituu miichisut ekun e ishinaakusit. Machimanituu muush naanituuweyimeu aweyuu chechii wanaachihaat.

Revelation 2:25

mikw suuhk che wii mamechiminamekw taan e ishi ayaayekw paatish utihchipayihche an e chiishikaach miin che takushiniyaan.