Matthew 25:2 - Chishemanituu Utayimuwin: Kaa Uskaach Testament

² Niyaain maak uchii namui naashch uhchi iipwaahkaauch, ekw anichii kutakach niyaain chii iipwaahkaauch wiyawaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᓂᔮᐃᓐ ᒫᒃ ᐅᒌ ᓇᒧᐃ ᓈᔥᒡ ᐅᐦᒋ ᐄᑆᐦᑳᐅᒡ, ᐁᒄ ᐊᓂᒌ ᑯᑕᑲᒡ ᓂᔮᐃᓐ ᒌ ᐄᑆᐦᑳᐅᒡ ᐎᔭᐙᐤ᙮

Matthew 25:2 Iomraidhean Croise

Matthew 10:16

“Nituhtamukw, chichihchitishahuutinaawaau mwehch maanishchaanishach e itishahwaakanuutwaau anite e mihchetiyich mahiihkanh e ihtaayich. Yaakwaau ihtikw mwehch chinepukw e ishi yaakwaau ihtit, kaye maak yuuspisiikw mwehch umiimiiu e ishpish yuuspisiit.

Matthew 24:45

“Aapachihaakan kuiskw kaa ihtuutahk utaapatisuwin kaye kaa iipwaahkaat eukuu che wiyaapamikut uchimaam wiya chechii uchimaahkahtuwaat misiwe aniyuu kutak aapachihaakan kaye chechii naanaakachihtaawaat nihaau chechii ishi ashamaakanuyich iskutak utihchipayihche che ashamaakanuyich.

Matthew 25:3

Anichii maak ekaa naashch kaa iipwaahkaatwaau chii chistuhtataauch uwaastenimaakanawaauh mikw maak namui ayuwaak uhchi ayaauch pimiyuu.

Matthew 25:4

Ekw anichii kaa iipwaahkaatwaau ayuwaak chii chistuhtataauch wiyawaau pimiyuu che piihchipimetwaau aniyuuh uwaastenimaakanawaauh.

Matthew 25:9

Ekw anichii kaa iipwaahkaatwaau ishkweshach kaa itaatwaau aniyuu, ‘Namui, namui chika uhchi ispayinaanuu taapishkun chechii aapachihtaayihkw uu pimii. Ataawaaukamikuhch nituu utinamaasukw pimii.’

1 John 2:19

Uchii maak awenichii namui chihchiwe chuuhchi wiicheukunuuch eukw maak uyuu wehchii nakatitahkwaau. Wesh taapwe chii wiicheutahkwaau eshkw chipaa wiicheukunuuch. Aniyuu maak kaa nakatitahkwaau ekut kaa uhchi miyu chischeyihtaakuniyich ekaa chihchiwe uhchi wiicheutahkwaau.

Jude 1:5

Aat maak shaash misiwe e chischeyihtamekw uu che ishi waawiihtamaatakuch, chiwii chischisuumitinaawaau Utipeyihchikeu e chii wiihkuchihaat aniyuuh Israel iinuuh Egypt kaa ishinihkaateyich aschiiyuu uhchi ekw aniyuu ekaa kaa taapwehtamiyich paatimaa chii wanaachiheu.