Matthew 25:13 - Chishemanituu Utayimuwin: Kaa Uskaach Testament

¹³ Ekw Jesus kaa ati itwet, “Eukw maak uu uhchi kaye chiyawaau muush chipaa ayeskuwiinaawaau wesh namui chichischeyihtenaawaau taaishpish nihaau che takushinit Iinuu Ukusisa.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹³ ᐁᒄ ᒌᓴᔅ ᑳ ᐊᑎ ᐃᑗᑦ, ᐁᐅᒄ ᒫᒃ ᐆ ᐅᐦᒋ ᑲᔦ ᒋᔭᐙᐤ ᒨᔥ ᒋᐹ ᐊᔦᔅᑯᐐᓈᐙᐤ ᐌᔥ ᓇᒧᐃ ᒋᒋᔅᒉᔨᐦᑌᓈᐙᐤ ᑖᐃᔥᐱᔥ ᓂᐦᐋᐤ ᒉ ᑕᑯᔑᓂᑦ ᐄᓅ ᐅᑯᓯᓴ᙮

Matthew 25:13 Iomraidhean Croise

Matthew 24:50

iskutak maak uchimaam takushiniyichen anit ekaa mitun peshuweyimaat kaye ekaa mitun chischeyihtahk,

Matthew 25:12

Ekw kaa itikutwaau aniyuu uschinaapewaan, ‘Chihchiwe chititinaawaau, namui chichischeyimitinaawaau.’ ”

Luke 21:36

Yaakwaamiikw. Ekaawii puuniikw e ayimihaayekw e nitutamaayekw chechii yaaichikaapuyekw kaye chechii shaapushkamekw misiwe taan che ispayihch. Kaye maak ekaa chechii aatuweyimitaakw Iinuu Ukusisa iskutak uhchishkuukaapuushtawekwe.” Eukw maak uyuu kaa ishi wiihtamuwaat Jesus aniyuu uchischinuhamuwaakan.

ᐊᐸᔅᑕᓚᒡ 20:31

Yaakwaamiikw maak, muush chischisikw nishtu pipun utaahch ishi ekaa uhchi puuniyaan muush e chii yaakwaamimitakuch, kaye e chii maatuuyaan kaa ishpish suuhk chii wii wiichihiitakuch.”

1 Corinthians 16:13

Waaskamisiikw, ahchaahkuwinihch ishi yaakwaamiikw. Suuhk yaaichikaapuukw taan e ishi taapwehtamekw. Ekaawii kushtaachikw. Suuhk suuhchikaapuukw.

1 Thessalonians 5:6

Namui maak chipaa uhchi ihtinaanuu ekaa chechii yaapateyihtamuhkw kaye ekaa mitun chechii nanaakatuweyihtamuhkw taanit che utihchipayiyich Utipeyihchikeu uchiishikaam mwehch e ihtitwaau anichii ekaa kaa taapwehtahkwaau miywaachimuwiniyuu. Muush chipaa ayeskuwiinaanuu, muush chipaa wii waaskameyimunaanuu.

2 Timothy 4:5

Mikw maak suuhk nanaakataweyimisuu chiya, kuiskw chechii ishi maamituneyihtaman taan mikw che ispayuwane. Siipiiwesiistah taan che ishi nanehkaachihiikuwane. Suuhk wiichihiich kutakach e waawiihtamuutwaau miywaachimuwiniyuu. Kaye maak mitun tekash ihtuut misiwe aniyuu taan kaa wii itaapachihiisk Chishemanituu.

1 Peter 4:7

Shaash peshunaakun misiwe chekwaan che iskwaapayihch. Chinituweyihtaakusinaawaau chechii ishi nanaakatuweyihtamekw taan e ihtiyekw kaye ashuwaapikw e ayimihaayekw.

1 Peter 5:8

Muush yaakwaamiishtuwaahkw machimanituu, an muush kaa wii naanituu machipayihiikuyekw, wesh muyaam mistatim muush kaa papaamuhtet e papaanemut e naanituu miichisut ekun e ishinaakusit. Machimanituu muush naanituuweyimeu aweyuu chechii wanaachihaat.

Revelation 16:15

Utipeyihchikeu maak iteu, “Muyaam chimutisk e iteyihtaakuniyich e takushihk ekun che iteyihtaakuhch niya takushiniyaane. Chika shaweyihtaakusuu maak an awen ekaa che kauhkusit mekwaach e ashuwaapit kaye che ayeskuushtaakwe uchekwaanimh mikw chechii ishi pushchishkahk ekw maak namui chika uhchi musheshkateu wiiwiite chechii pimaameyimut mushe anite e waapamaakanuut.”