Matthew 25:10 - Chishemanituu Utayimuwin: Kaa Uskaach Testament

¹⁰ Ekw anichii ekaa naashch kaa iipwaahkaatwaau ishkweshach kaa nituu utinihkwaau pimiyuu. Mekwaach maak e ispihtanihutwaau, chii takushiniyuu aniyuu uschinaapewaan. Anichii maak ishkweshach kaa ayeskuwiitwaau chii ati wiicheweuch e ati piihcheyich anite e makushaanuyich, ekw kaa chipahwaakanuut an chishtuhkan.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁰ ᐁᒄ ᐊᓂᒌ ᐁᑳ ᓈᔥᒡ ᑳ ᐄᑆᐦᑳᑣᐤ ᐃᔥᑴᔕᒡ ᑳ ᓂᑑ ᐅᑎᓂᐦᒀᐤ ᐱᒥᔫ᙮ ᒣᒀᒡ ᒫᒃ ᐁ ᐃᔅᐱᐦᑕᓂᐦᐅᑣᐤ, ᒌ ᑕᑯᔑᓂᔫ ᐊᓂᔫ ᐅᔅᒋᓈᐯᐙᓐ᙮ ᐊᓂᒌ ᒫᒃ ᐃᔥᑴᔕᒡ ᑳ ᐊᔦᔅᑯᐐᑣᐤ ᒌ ᐊᑎ ᐐᒉᐌᐅᒡ ᐁ ᐊᑎ ᐲᐦᒉᔨᒡ ᐊᓂᑌ ᐁ ᒪᑯᔖᓄᔨᒡ, ᐁᒄ ᑳ ᒋᐸᐦᐙᑲᓅᑦ ᐊᓐ ᒋᔥᑐᐦᑲᓐ᙮

Matthew 25:10 Iomraidhean Croise

Matthew 24:42

Yaakwaamiikw maak wesh namui chichischeyihtenaawaau taaishpish che takushihk Chitipeyihchikemuwaau.

Matthew 24:43

Wii nisituhtamukw maak uu. Muyaam awen wiichihch e ihtaat chischeyimaat maak chimutiska che pechi takushiniyich, chipaa ayeskuwiishtuweu. Aatuchiwii chipaa uhchi pachishtineu mikw chechii ishi kachemutiyich anit uwaaskaahiikanimihch.

Matthew 24:44

Eukw maak uu uhchi kaye chiyawaau muush chipaa ayeskuwiinaawaau. Wesh Iinuu Ukusisa kata takushin taanit anit ekaa mitun peshuweyimekwe chechii takushinit.”

Matthew 25:6

“Shaash maak chii aapihtaatipiskaayuu, kaa mate tepwet awen e itwet, ‘Shaash takushinuu uschinaapewaan, pechi nachishkawaahkw.’

Matthew 7:21

“Namui misiwe awen kaa pechi ishinihkaasit, ‘Utipeyihchikeu, Utipeyihchikeu,’ chika uhchi piihcheu kihchikiishikw chisheuchimaawinihch, anichii eukw kaa ihtuutahkwaau taan e ishi nituweyimikutwaau Nuuhtaawii kihchikiishikuhch kaa ihtaayich eukunich anichii che piihchetwaau.”

Luke 12:35

“Ayeskuwiikw e ashuwaapamekw Utipeyihchikeu, mitun tekash chipaa itaaspisunaawaau kaye chiwaashtenamaakanawaau chipaa saskahenaawaau.

Luke 13:25

Ekaa maak wehchi piihchewekwe, iskutak chipahwaate ishkwaahtem an kaa tipeyihtahk aniyuu waaskaahiikaniyuu, wiiwiitamihch niipuuyekwe e paahpawahiicheyekw chika itwenaawaau, ‘Utipeyihchikeu, pechi aapahamuunaan.’ Ekw maak che ishi nishkweushihiitaakw, ‘Namui chika uhchi aapahamaatinaawaau wesh namui chichischeyimitinaawaau, namui kaye nichischeyihten taanite wehchiyekw.’

Colossians 1:12

Kaye maak e muuchicheyihtamekw che nanaaskumekw Uhtaawiimaau an kaa ihtuutaataakw chechii tepicheyihtaakusuwekw chechii ayaawekw aniyuu kaa itwet cheshtinaash che miyaat aniyuu kaa taapwehtamiyich waashtewinihch kaa ihtaayich.

2 Timothy 4:8

Shaash ayeskuushteu an chisheuchimaau astuutin aniyuu che miiyaakanuutwaau anichii che kuiskutaatisiitwaau. Eukw maak uyuu che pechi miit Utipeyihchikeu an kuiskw kaa ishi wiyaaskunichet miin pechi takushihke. Namui maak mikw niya nika uhchi miikuun uu e ishinaakuhch astutin, misiwe anichii saachihiiwewinihch kaa ishi pukuseyimutwaau Utipeyihchikeuh miin che takushiniyich kaye wiyawaau kata miyaakanuuch.

1 Peter 1:13

Suuhk maak muush wii ayeskuweyihtamukw taan mikw che ati ispayikwe chekwaan kaye suuhk nanaakatuweyimisukw taan e ihtiyekw. Tekash mitun aspeyimututamukw an chishewaatisiiwin che miikuyekw iskutak miin takushihke Jesus Christ.

Revelation 1:7

Iitaapikw maa. Pechi takushinuu kaskawanishkuhch e pechi aasiit. Misiwe aweyuuh chika waapamikuu, mechim aniyuuh kaa tahkamikut. Misiwe e itiskaanesiyich aweyuuh chika mista maatuuyuuh waapamikute. Cheshtinaash chika ispayuu uu. Amen.

Revelation 19:7

Muuchicheyihtahtaau maak kaye sichiyesitaau. Maamihchimaataau aniyuu e ishpish chisteyihtaakusit. Wesh shaash utihchipayuu che niipuut an Maanishchaanish. Shaash chiishi ayeskuwiihkaatisuu an uschiskwewaan.

Revelation 22:20

An maak awen kaa wiihtahk e taapwemakaniyich misiwe uyuu kaa ishi wiihtaakanuyich iteu, “Cheshtinaash shaash wiipach miin nika takushin.” Amen, Utipeyihchikeu Jesus, aashtam.