Matthew 24:7 - Chishemanituu Utayimuwin: Kaa Uskaach Testament

⁷ Peyakunihch kaa itiskaanesitwaau awenichii kata maasihiituuch aniyuuh kutak aweyuuh aahchiiuh kaa itiskaanesiyich. Kaye anichii kaa uchimaautwaau kata nitupayihkahtaweuch aniyuu kutak kaa uchimaawiyich. Chika ihtakun e kuihkuhch kaye maak e kauhkataanuuhch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷ ᐯᔭᑯᓂᐦᒡ ᑳ ᐃᑎᔅᑳᓀᓯᑣᐤ ᐊᐌᓂᒌ ᑲᑕ ᒫᓯᐦᐄᑑᒡ ᐊᓂᔫᐦ ᑯᑕᒃ ᐊᐌᔫᐦ ᐋᐦᒌᐤᐦ ᑳ ᐃᑎᔅᑳᓀᓯᔨᒡ᙮ ᑲᔦ ᐊᓂᒌ ᑳ ᐅᒋᒫᐅᑣᐤ ᑲᑕ ᓂᑐᐸᔨᐦᑲᐦᑕᐌᐅᒡ ᐊᓂᔫ ᑯᑕᒃ ᑳ ᐅᒋᒫᐎᔨᒡ᙮ ᒋᑲ ᐃᐦᑕᑯᓐ ᐁ ᑯᐃᐦᑯᐦᒡ ᑲᔦ ᒫᒃ ᐁ ᑲᐅᐦᑲᑖᓅᐦᒡ᙮

Matthew 24:7 Iomraidhean Croise

Luke 21:11

Kaye misiwe e ispichiskamikaach uu aschii, nanaahkuu anite chika kuihkun kaye chika kauhkataanuu, kaye mistahii e maayaatahkwaau aahkusuwin chika ihtakun. Kaye chika nuukunh chischinuwaapahtiiwewinh e kushtaatikuhkwaau anite chiishikuhch.

ᐊᐸᔅᑕᓚᒡ 11:28

Peyakw maak an Agabus e ishinihkaasut, chii pisikuu e miikut Kaa payehchisiyich Ahchaahkwa chechii ishi niikaan wiihtahk che pimipayiyich e kauhkataanuyich misiwe e ispichiskamikaayich aschiiyuu. Ekun maak taapwe kaa ispayiyich mekwaach Claudius kaa chisheuchimaawiyich.

ᐊᐸᔅᑕᓚᒡ 2:19

Nika waapahtiiwen maamishkaach chekwaayuu anite chiishikuhch kaye utah aschiihch. Chika ihtakun mihkw kaye ishkuteu kaye e kwaapahtech.

Hebrews 12:27

Aniyuu kaa itwet “Miin” uu ihtuutamaane, chiwiihtamaakunaanuu misiwe chekwaayuu kaa ushihtaakanuyich, misiwe e ispichiskamikaayich aschiiyuu che nanamipayiniyich kaye che wanaataniyich. Mikw an chekwaan ekaa chii ahtinikanuuhch ekun mikw an namui chika uhchi nanamipayuu.

Revelation 6:12

Ekw kaa waapamak an Maanishchaanish miin kutachiyuu chiishaawaach pasakuhiikaniyuu e aapahahk. Eukw ekw kutwaashch kaa aapahahk. Iskutak maak kaa aapahahk ekw kaa mista kuihkuhch. Piisim chii tipischipayuu muyaam machunish kaa suuhchekahch e wiipekahch ekun kaa ishinaakusit. Ekw tipischipiisim kaa mihkusit, muyaam e suukusit ekun kaa ishinaakusit.

Revelation 6:5

Miin chekwaan kaa ispayihch, miin kutachiyuu aniyuuh chiishaawaach pasakuhiikanh kaa aapahahk an Maanishchaanish. Ekw nishtu kaa aapahahk. Ekw an nishtu e ihtaat anichii neu kaa pimaatisiitwaau awenich kaa itwet, “Aashtam.” Iskutak maak e iitaapiyaan nichii waapamaau e wiipisit kaapalakaskweu. An maak kaa tehtapit aniyuuh kaapalakaskweu chii tahkunam tipaapeskuchikaniyuu.

Revelation 6:6

Ekw kaa pehtamaan pehtaakusuwin mwehch awen e ayimit e itihtaakuhch mekwesiinuu anichii neu kaa pimaatisiitwaau awenich e ihtaatwaau e uhtihtaakuhch. An awen kaa ayamit chii iteu, “Peyakw chiishikaauh e ishpish aapatisit awen mikw niishu tipaapekahiikan pahkweshikanh chika saakutahweu maak kutwaashch tipaapekahiikan ayuuminh. Mikw maak ekaawii wii wanaachihtaa an pimiih ekw maak an shuuminaapuuh.”

Revelation 6:8

Miin kaa waapamak kaapalakaskweu e uhchi wiiwiit. Chii waapiteusiyuu an kaapalakaskweu. An maak kaa tehtapit aniyuuh kaapalakaskweuh nipuwin chii ishinihkaasuu. Utaahchiis maak anit e ihtaat ekut kaa ihtakuniyich Hades kaa ishinihkaateyich chiipaischiyuu. Chii miyaakanuuch maak uchii tipeyihchichewiniyuu peyakw eshikum neu e tashiyich aweyuuh utah aschiihch chechii nipahaatwaau nituupayuwiniyuu uhchi, kaye kauhkatewiniyuu uhchi, kaye nanaahkuu aahkusiiwinh uhchi. Chii miyaakanuuch kaye tipeyihchichewiniyuu chechii ihtuutawaatwaau kaa kushtaatikusiyich awesiisa anite aschiihch kaa ihtaayich chechii nanipahaayich aweyuuh.