Matthew 24:44 - Chishemanituu Utayimuwin: Kaa Uskaach Testament

⁴⁴ Eukw maak uu uhchi kaye chiyawaau muush chipaa ayeskuwiinaawaau. Wesh Iinuu Ukusisa kata takushin taanit anit ekaa mitun peshuweyimekwe chechii takushinit.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁴ ᐁᐅᒄ ᒫᒃ ᐆ ᐅᐦᒋ ᑲᔦ ᒋᔭᐙᐤ ᒨᔥ ᒋᐹ ᐊᔦᔅᑯᐐᓈᐙᐤ᙮ ᐌᔥ ᐄᓅ ᐅᑯᓯᓴ ᑲᑕ ᑕᑯᔑᓐ ᑖᓂᑦ ᐊᓂᑦ ᐁᑳ ᒥᑐᓐ ᐯᔓᐌᔨᒣᑴ ᒉᒌ ᑕᑯᔑᓂᑦ᙮

Matthew 24:44 Iomraidhean Croise

Matthew 24:27

Wesh iskutak Iinuu Ukusisa takushihke misiwe aweyuuh kata waapamikuu. Muyaam e ishpish chiihkaanaakuhch e waashtepayihch anite chiishikuhch, anite waapanuutaahch e uhchi nuukuhch anite maak chiiwetinuutaahch e ishi paasikunaakuhch, ekun che ishinaakuniyich takushihke Iinuu Ukusisa.”

Matthew 24:42

Yaakwaamiikw maak wesh namui chichischeyihtenaawaau taaishpish che takushihk Chitipeyihchikemuwaau.

Matthew 24:43

Wii nisituhtamukw maak uu. Muyaam awen wiichihch e ihtaat chischeyimaat maak chimutiska che pechi takushiniyich, chipaa ayeskuwiishtuweu. Aatuchiwii chipaa uhchi pachishtineu mikw chechii ishi kachemutiyich anit uwaaskaahiikanimihch.

Matthew 25:10

Ekw anichii ekaa naashch kaa iipwaahkaatwaau ishkweshach kaa nituu utinihkwaau pimiyuu. Mekwaach maak e ispihtanihutwaau, chii takushiniyuu aniyuu uschinaapewaan. Anichii maak ishkweshach kaa ayeskuwiitwaau chii ati wiicheweuch e ati piihcheyich anite e makushaanuyich, ekw kaa chipahwaakanuut an chishtuhkan.”

Matthew 25:13

Ekw Jesus kaa ati itwet, “Eukw maak uu uhchi kaye chiyawaau muush chipaa ayeskuwiinaawaau wesh namui chichischeyihtenaawaau taaishpish nihaau che takushinit Iinuu Ukusisa.”

Luke 12:39

Wii nisituhtamukw uu. Muyaam awen wiichihch e ihtaat chischeyimaat maak chimutiska che pechi takushiniyich, chipaa ayeskuwiishtuweu. Aatuchiwii chipaa uhchi pachishtineu mikw chechii ishi kachemutiyich anit uwaaskaahiikanimihch.

Luke 12:40

Eukw maak uu wehchi ishinaakuhch kaye chiyawaau muush chechii ayeskuwiyekw. Wesh Iinuu Ukusisa kata takushin taanit anit ekaa mitun peshuweyimekwe chechii takushinit.”

Luke 21:36

Yaakwaamiikw. Ekaawii puuniikw e ayimihaayekw e nitutamaayekw chechii yaaichikaapuyekw kaye chechii shaapushkamekw misiwe taan che ispayihch. Kaye maak ekaa chechii aatuweyimitaakw Iinuu Ukusisa iskutak uhchishkuukaapuushtawekwe.” Eukw maak uyuu kaa ishi wiihtamuwaat Jesus aniyuu uchischinuhamuwaakan.

Philippians 4:5

Iishi pimaatisiikw misiwe awenichii chechii chischeyimitaakuch e ishpish miyuhtwaawekw. Shaash peshunaakuniyuu che ishpish takushihk Utipeyihchikeu.

James 5:9

Ekaawii memehch ititikw, niichishaanitikw, ekw maak namui chika uhchi wiyaaskunikunaawaau. Shaash peshuch pechi ihtaau wiyaaskunichesuu, shaash chekaat nuukushuu.

Revelation 19:7

Muuchicheyihtahtaau maak kaye sichiyesitaau. Maamihchimaataau aniyuu e ishpish chisteyihtaakusit. Wesh shaash utihchipayuu che niipuut an Maanishchaanish. Shaash chiishi ayeskuwiihkaatisuu an uschiskwewaan.