Matthew 24:4 - Chishemanituu Utayimuwin: Kaa Uskaach Testament

⁴ Jesus maak chii iteu, “Yaakwaamiikw, ekaa awen chechii wiyeshimitaakw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴ ᒌᓴᔅ ᒫᒃ ᒌ ᐃᑌᐤ, ᔮᒀᒦᒄ, ᐁᑳ ᐊᐌᓐ ᒉᒌ ᐎᔦᔑᒥᑖᒄ᙮

Matthew 24:4 Iomraidhean Croise

Mark 13:22

Kata ihtaauch awenichii e wiyeshihiiwetwaau e itwetwaau Niya Christ. Kata ihtaauch kaye machi uchischiwehiichesuuch. Eukunich maak uchii nanaahkuu maamishkaach waapahtiiwewinh che waapahtiiwetwaau kaye kata ihtuutamuch e maamishkaateyihtaakuniyikwaauh chekwaayuuh. Ekut maak che uhchi wiyeshihaatwaau aweyuu nitamukw chechii ishi taapwehtamiyich. Aniyuuh maak Chishemanituu kaa wiyaapamaayich aweyuuh eukunh aniyuuh che wii wiyeshihaatwaau.

Luke 21:8

Jesus maak chii iteu, “Yaakwaamiikw ekaa awen chechii wiyeshimitaakw. Wesh chika mihchetuuch awenichii e takushihkwaau nitishinihkaasuwiniyuu e aapachihtaatwaau e itwetwaau, Eukw niya Christ. Mihchetu maak aweyuu chika wiyeshimeuch. Kaye maak chika itweuch, shaash peshunaakun che ispayihkwaau uyuu chekwaayuu. Ekaawii maak chika uhchi nuushuushkuwaawaauch uchii.

Galatians 6:3

Chiishpin awen chihchiwe e iteyimisut aat maak ekaa wiyesh iteyihtaakusit wiya tekash wiyeshimitisuu.

Ephesians 4:14

Ekw maak namui chika uhchi awaashiyuuweyihtaakusinaanuu. Muyaam e papaamuwepahukuyihk taan e ishi Chiskutamaachetwaau kaa wiyeshihiiwetwaau chechii ishinaakusiihkw, eukw uchii kaa ihtuutuwaatwaau aweyuu chechii machituutamiyich nanaahkuu e ishi pisiiwiyaatwaau.

Ephesians 5:6

Yaakwaamiistuwaahkuch maak ekaa chechii wiyeshimitaakuch anichii kaa sasuuskuutaatwaau uyeyuu itaatisiiwiniyuu wesh nitamukw chika ishi chischinuhtahiikuwaauch. Uyuu e itaatisiitwaau anichii ekaa kaa nanihiihtuwaatwaau Chishemanituuh eukw uyuu wehchi utitahukutwaau utaahkuyuwesuwiniyuu.

Colossians 2:18

Ekaawii chika uhchi pachishtinaawaauch anichii awenichii ayaahch kaa ihtitwaau e tipihteyimisutwaau kaye enchilh kaa nuuchiishtuwaatwaau chechii pisiiwiitaakuch e wii ayaayekw chikaaniyuwinawaau. Euk uchii naashch taapwe piichishkweuhiikuuch taan e ishi waapahtahkwaau waapahtiiwewinh. Namui maak aapateyihtaakuniyuu aniyuu taan e ishi aayimuutahkwaau, wesh mikw e ishi maamituneyihtaakanuyich utah aschiihch ekun pishikw e ishi maamituneyihtahkwaau.

Colossians 2:8

Ekaawii maak awen chika uhchi wiyeshimikuwaau aniyuu uhchi taan e ishi nitamukw chiskutamaachet, wesh aniyuu taan e ishi taapwehtahk naapeuh chii aashuu chiskutamaacheyuu. Anichii ahchaahkuch kaa waawiishuwetwaau taan che ishi pimaatisiinaanuyich utah aschiihch wiyawaau e ihtaatwaau uhchipayiniyuu. Namui Christ e ihtaayich uhchipayiniyuu.

2 Thessalonians 2:3

Yaakwaamiikw ekaa mitun chechii wiyeshihiitaakuch awenichii. Eshkw ekaa utihchipayihche an e chiishikaach mihchetu awenichii maahchishtai chika suuhcheyimutuweuch Chishemanituuh. Kaye kata nuukuhaakanuu an awen kaa maayaatisiit ekaa mitun kaa aapateyihtamuwaat Chishemanituuh uwiishuwewiniyuu, eukw uyuu Chishemanituu anite machi ishkutehch che itishahwaat chechii wanaatisiyich.

1 John 4:1

Niichishaanitikw kaa saachihiitakuch ekaawii misiwe awen Chishemanituuh kaa aayimuutamaataakw mikw chika uhchi ishi taapwehtawaawaau. Yaakwaau nituu chischeyimaahkuch ati chechii uhchi chischeyihtamekw taapwe Chishemanituu e ihtaayich wehchipayikwe taan e ishi chiskutamaachetwaau. Wesh mihchetuuch mishihte utah aschiihch anichii machi uchischiwehiichesuuch.