Matthew 24:38 - Chishemanituu Utayimuwin: Kaa Uskaach Testament

³⁸ Eshkw ekaa uhchi aschiputech aschii mikw waa ihtitwaau chii ihtuuch anichii iinuuch, chii miichisuuch, chii minihkweuch, kaye chii niipuuch piihiim kaa utihchipayihch che piihchet Noah uchiimaan.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁸ ᐁᔥᒄ ᐁᑳ ᐅᐦᒋ ᐊᔅᒋᐳᑌᒡ ᐊᔅᒌ ᒥᒄ ᐙ ᐃᐦᑎᑣᐤ ᒌ ᐃᐦᑑᒡ ᐊᓂᒌ ᐄᓅᒡ, ᒌ ᒦᒋᓲᒡ, ᒌ ᒥᓂᐦᑴᐅᒡ, ᑲᔦ ᒌ ᓃᐴᒡ ᐲᐦᐄᒻ ᑳ ᐅᑎᐦᒋᐸᔨᐦᒡ ᒉ ᐲᐦᒉᑦ ᓄᐗ ᐅᒌᒫᓐ᙮

Matthew 24:38 Iomraidhean Croise

Matthew 22:30

Wesh iskutak utihchipayihche che wanishkaatwaau anichii kaa puunipimaatisiitwaau, taapaa kata uhchi niipuuch kaye namui kata uhchi niipuuhaakanuuch, wesh aniyuu e iteyihtaakusiyich Chishemanituu utenchilimh kihchikiishikuhch kaa ihtaayich ekun mwehch che iteyihtaakusitwaau.

Luke 12:19

Ekw maak che itisuyaan, nuwach niweyuuchihtaan chekwaayuu anite nitashtaasunikamikuhch mihchetu pipun chechii uhchi ispayaan. Ekw maak namui nika uhchi aapatisin. Shaash nika weyuuchihtaan miichim kaye e minihkweyaan chekwaan ekw maak che muuchikahtaayaan.’

Luke 12:45

Mikw maak ishi maamituneyihtahke an aapachihaakan, eshkw chineush che ishpish takushihk miin nuuchimaam, iteyihtahke. Ekw maak naashch nanehkaachihaate aniyuu wiichaapachihaakanh kaa uchimaahkahtuwaat e utataamahwaat kaye mikw miichisute maak chiishkwepete,

Luke 21:34

“Yaakwaamiikw taan e ishi pimaatisiyekw. Ekaawii utamihiisukw pisikw chechii minihkweyekw maak pisikw chechii miichisuyekw maak pisikw chechii aayimeyihtamekw taan e ishi pimaatisiinaanuuhch, wesh eukw e ihtitwaau kutakach awenichii. An ihtiyekwe chika chii ishinaakun sischikuuch chechii takushiniyaan mekwaach anit ekaa iteyihtamekwe. An maak sischikuuch takushiniyaane, muyaam nakwaakan ekaa peshuweyihtahk awesiis che nakwaasut eukun che iteyihtaakuhch.