Matthew 24:37 - Chishemanituu Utayimuwin: Kaa Uskaach Testament37 Mwehch maak taan kaa iteyihtaakuniyich anit mekwaach kaa pimaatisiit aniyaa Noah, ekun che iteyihtaakuhch miin takushihke Iinuu Ukusisa. Faic an caibideilᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ37 ᒬᐦᒡ ᒫᒃ ᑖᓐ ᑳ ᐃᑌᔨᐦᑖᑯᓂᔨᒡ ᐊᓂᑦ ᒣᒀᒡ ᑳ ᐱᒫᑎᓰᑦ ᐊᓂᔮ ᓄᐗ, ᐁᑯᓐ ᒉ ᐃᑌᔨᐦᑖᑯᐦᒡ ᒦᓐ ᑕᑯᔑᐦᑫ ᐄᓅ ᐅᑯᓯᓴ᙮ Faic an caibideil |
Mekwaach maak Jesus e apit anit e iipetaauhkaayich aniyuu wachiyuu Olives kaa ishinihkaateyich, iskutak ekaa kaa ihtaayich aniyuu iinuu, chii pechi nituwaapamikuu uchischinuhamuwaakanh ekw kaa itikut, “Pechi wiihtamuunaan aahch taaishpish che ispayihkwaau uyuu chekwaayuu. Taanite che uhchi chischeyihtamaahch utihchipayihche miin che takushiniyin. Ekw maak taanite che uhchi chischeyihtamaahch che iskwaapayihch aschii.”
Noah chii ishinihkaasuu miin kutak naapeu e chii taapweyimaat Chishemanituu. Iskutak Chishemanituu kaa wiihtamaakut taan che ispayiyich aschiputeyiche aschiiyuu, aat ekaa uhchi waapahtahk aniyuu chechii ispayiyich iskutak kaa wiihtamuwaakanuut, yaapach chii taapwehtaweu Chishemanituu ekw kaa chihchi ushihtaat e mishaayich chiimaaniyuu anite che ihtaat e peyakuteusiit ekaa chechii nistaapaawetwaau. Aniyuu e chii taapweyimaat Chishemanituuh Noah kaye e chii nanihiihtuwaat, chii waapahtiiweu Chishemanituu che wiyaaskunaayich kaye che waweshihaayich misiwe aniyuu kutak aweyuuh wesh namui uhchi wii taapwehtamiyuuh. Noah maak e chii taapweyimaat Chishemanituu ukuiskutaatisiiu chii ishi kanawaapamikuu.
Kaye maak, aniyuu niishtam aschiiyuu namui uhchi manaachihtaau Chishemanituu. Ekun kaa ishi aschiputaat kaa ishpish wesaa chii machaatisiinaanuyich anit aniyuu mekwaach. Mikw yaanaaneu aweyuu chii pimaachiheu, eukw uu Noah an kaa aayimuutahk chechii kuiskw itaatisiinaanuyich ekw maak aniyuu niishwaashch e tashiyich anit e peyakuteusiit.