Matthew 24:36 - Chishemanituu Utayimuwin: Kaa Uskaach Testament

³⁶ “Wesh namui awen chischeyihtam aniyuu e chiishikaayich maak aniyuu tipahiikaniyuu che ispayiyikwaau uyuuh chekwaayuuh. Namui mechim enchilich chischeyihtamuch, mechim Ukusisimaau, mikw Uhtaawiimaau chischeyihtam.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁶ ᐌᔥ ᓇᒧᐃ ᐊᐌᓐ ᒋᔅᒉᔨᐦᑕᒻ ᐊᓂᔫ ᐁ ᒌᔑᑳᔨᒡ ᒫᒃ ᐊᓂᔫ ᑎᐸᐦᐄᑲᓂᔫ ᒉ ᐃᔅᐸᔨᔨᒀᐤ ᐅᔫᐦ ᒉᒀᔫᐦ᙮ ᓇᒧᐃ ᒣᒋᒻ ᐁᓐᒋᓕᒡ ᒋᔅᒉᔨᐦᑕᒧᒡ, ᒣᒋᓐ ᐅᑯᓯᓯᒫᐤ, ᒥᒄ ᐅᐦᑖᐐᒫᐤ ᒋᔅᒉᔨᐦᑕᒻ᙮

Matthew 24:36 Iomraidhean Croise

Matthew 24:42

Yaakwaamiikw maak wesh namui chichischeyihtenaawaau taaishpish che takushihk Chitipeyihchikemuwaau.

Matthew 24:44

Eukw maak uu uhchi kaye chiyawaau muush chipaa ayeskuwiinaawaau. Wesh Iinuu Ukusisa kata takushin taanit anit ekaa mitun peshuweyimekwe chechii takushinit.”

Matthew 25:13

Ekw Jesus kaa ati itwet, “Eukw maak uu uhchi kaye chiyawaau muush chipaa ayeskuwiinaawaau wesh namui chichischeyihtenaawaau taaishpish nihaau che takushinit Iinuu Ukusisa.”

Mark 13:32

“Mikw maak namui awen chischeyihtam aniyuu e chiishikaayich maak aniyuu tipahiikaniyuu che ispayiyikwaau uyuuh chekwaayuuh. Namui mechim enchilich chischeyihtamuch, mechin Ukusisimaau, mikw Uhtaawiimaau chischeyihtam.

ᐊᐸᔅᑕᓚᒡ 1:7

Jesus maak chii iteu, “Namui chiyawaau chipaa uhchi naanituu kachescheyihtenaawaau taan che ispayihch anite niishtamihch. Aniyuu e tipeyihchiket Nuuhtaawii shaash chii wiyeyihtam taan che ishpish utihchipayiyich uyuu.

1 Thessalonians 5:2

Wesh chimiyu chischeyihtenaawaau chiihtihtawii che utihchipayihch an e chiishikaach Utipeyihchikeu che takushinit, mwehch awen chimutiska e piihtukaakut e tipiskaayich namui niyaakan chischeyihtam.

2 Peter 3:10

Mikw maak namui niyaakan chika uhchi muushihtaakanuyuu Utipeyihchikeu uchiishikaam, muyaam e iteyihtaakuhch chimutisk taanit waa piihchech waaskahiikaniyuu e wii kachemutit ekun che iteyihtaakuhch. Anit maak aniyuu Utipeyihchikeu uchiishikaam utihchipayiche uyuuh chiishikw chika paasikunaakun. Naasch taapwe chika chishewepayuu ati paasikunaakuhkwaawenh. Misiwe taan e ishi ihtakuhch chiishikuhch kata atihtiteuh che ishpish mista chishitech. Aschii kaye maak misiwe chekwaan utah kaa ihtakuhch, chika ati mestaahkahteu.

Revelation 16:15

Utipeyihchikeu maak iteu, “Muyaam chimutisk e iteyihtaakuniyich e takushihk ekun che iteyihtaakuhch niya takushiniyaane. Chika shaweyihtaakusuu maak an awen ekaa che kauhkusit mekwaach e ashuwaapit kaye che ayeskuushtaakwe uchekwaanimh mikw chechii ishi pushchishkahk ekw maak namui chika uhchi musheshkateu wiiwiite chechii pimaameyimut mushe anite e waapamaakanuut.”

Revelation 3:3

Chischisikw maa taan kaa ishi pehtamekw anite pechi kaye taan kaa ishi chiskutamaakuyekw. Nanihiihtamukw kaye ihtuutamukw an kaa ishi chiskutamaakuyekw. Kaye maak kweskaatisiikw, nakatamukw chimachituutamuwinawaauh. Wesh ekaa che uhchi wanishkaawekwe, nika takushin che pechi nituu wiyaaskunitikuch. Namui maak chika uhchi chischeyiminaawaau taaishpish nihaau che takushiniyaan muyaam chimutisk e ishpish ekaa chischeyimaakanuut taaishpish che takushinit.