Matthew 24:27 - Chishemanituu Utayimuwin: Kaa Uskaach Testament

²⁷ Wesh iskutak Iinuu Ukusisa takushihke misiwe aweyuuh kata waapamikuu. Muyaam e ishpish chiihkaanaakuhch e waashtepayihch anite chiishikuhch, anite waapanuutaahch e uhchi nuukuhch anite maak chiiwetinuutaahch e ishi paasikunaakuhch, ekun che ishinaakuniyich takushihke Iinuu Ukusisa.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁷ ᐌᔥ ᐃᔅᑯᑕᒃ ᐄᓅ ᐅᑯᓯᓴ ᑕᑯᔑᐦᑫ ᒥᓯᐌ ᐊᐌᔫᐦ ᑲᑕ ᐙᐸᒥᑰ᙮ ᒧᔮᒻ ᐁ ᐃᔥᐱᔥ ᒌᐦᑳᓈᑯᐦᒡ ᐁ ᐙᔥᑌᐸᔨᐦᒡ ᐊᓂᑌ ᒌᔑᑯᐦᒡ, ᐊᓂᑌ ᐙᐸᓅᑖᐦᒡ ᐁ ᐅᐦᒋ ᓅᑯᐦᒡ ᐊᓂᑌ ᒫᒃ ᒌᐌᑎᓅᑖᐦᒡ ᐁ ᐃᔑ ᐹᓯᑯᓈᑯᐦᒡ, ᐁᑯᓐ ᒉ ᐃᔑᓈᑯᓂᔨᒡ ᑕᑯᔑᐦᑫ ᐄᓅ ᐅᑯᓯᓴ᙮

Matthew 24:27 Iomraidhean Croise

Matthew 16:27

Wesh Iinuu Ukusisah chika takushiniyuuh Uhtaawiimaau uchisteyihtaakusuwiniihch kaye enchilh e pechi wiicheukut, ekw maak che tipahamuwaat misiwe aweyuu taan kaa ishi ihtuutaamiyich.

Matthew 16:28

Chiwiihtamaatinaawaau, taapwe e ihtaatwaau utah awenichii eshkw che pimaatisiitwaau iskutak utihchipayihche che takushiniyich Iinuu Ukusisa che pechi chisheuchimaawiyich.”

Matthew 24:26

“Ititaakwenich maak awenichii, ‘Kanawaapamaahkw maa Christ, nete pakwaatiskamikaahch ekute e ihtaat,’ ekaawii ituhtewaahkw anite. Maak ititaakwenich ‘Kanawaapamaahkw maa, maaute piihtakamihch e ihtaat,’ ekaawii taapwehtawaahkuch.

Matthew 24:3

Mekwaach maak Jesus e apit anit e iipetaauhkaayich aniyuu wachiyuu Olives kaa ishinihkaateyich, iskutak ekaa kaa ihtaayich aniyuu iinuu, chii pechi nituwaapamikuu uchischinuhamuwaakanh ekw kaa itikut, “Pechi wiihtamuunaan aahch taaishpish che ispayihkwaau uyuu chekwaayuu. Taanite che uhchi chischeyihtamaahch utihchipayihche miin che takushiniyin. Ekw maak taanite che uhchi chischeyihtamaahch che iskwaapayihch aschii.”

Matthew 24:37

Mwehch maak taan kaa iteyihtaakuniyich anit mekwaach kaa pimaatisiit aniyaa Noah, ekun che iteyihtaakuhch miin takushihke Iinuu Ukusisa.

Matthew 24:39

Namui maak uhchi chischeyihtamuch taan che ispayiyich paatish kaa aschiputeyich aschiiyuu, misiwe maak chii wanaachihuuch. Ekun maak mwehch che ispayihch iskutak pechi nuukusite Iinuu Ukusisa.

Matthew 24:44

Eukw maak uu uhchi kaye chiyawaau muush chipaa ayeskuwiinaawaau. Wesh Iinuu Ukusisa kata takushin taanit anit ekaa mitun peshuweyimekwe chechii takushinit.”

Matthew 8:20

Ekw Jesus kaa itaat, “Mahcheshuuch ihtakuniyuu uwaatakuwaauh, piyeshiishach kaye ihtakuniyuu uwachishtunawaauh, mikw maak Iinuu Ukusisa namui ayaayuuh taanit chechii waweyishiniyiyich chechii iiwepiyich.”

James 5:8

Chiyawaau maak kaye chipaawii siipiiwesiinaawaau. Yaayichikaapuukw chitehiiwaahch wesh shaash wiipach kata takushin Utipeyihchikeu.

2 Peter 3:4

Chika itweuch maak e maayeyimitaakuch, “Taan maak uu che takushihk Utipeyihchikeu muush kaa pechi aayimuumekw. Kaa ishpish chii pechi ihtakuhch uu aschii misiwe chekwaan muush peyakunihch ishpish mamiyuupayuu.”