Matthew 24:22 - Chishemanituu Utayimuwin: Kaa Uskaach Testament

²² Chishemanituu maak chii wiyeyihtam che achuunahk aniyuu e chiishikaayikwaauh anit chipaa nanehkaateyimunaanuuyuu. Ekaa uhchi ihtuutamukupane uyuu namui awen chipaa uhchii shaapushkam. Mikw maak e chischisiitutawaat aniyuu kaa wiyaapamaat utiiniim Chishemanituu eukun aniyu che uhchi achuunahk aniyuuh e chiishikaayikwaauh.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²² ᒋᔐᒪᓂᑑ ᒫᒃ ᒌ ᐎᔦᔨᐦᑕᒻ ᒉ ᐊᒎᓇᐦᒃ ᐊᓂᔫ ᐁ ᒌᔑᑳᔨᒀᐤᐦ ᐊᓂᑦ ᒋᐹ ᓇᓀᐦᑳᑌᔨᒧᓈᓅᔫ᙮ ᐁᑳ ᐅᐦᒋ ᐃᐦᑑᑕᒧᑯᐸᓀ ᐅᔫ ᓇᒧᐃ ᐊᐌᓐ ᒋᐹ ᐅᐦᒌ ᔖᐳᔥᑲᒻ᙮ ᒥᒄ ᒫᒃ ᐁ ᒋᔅᒋᓰᑐᑕᐙᑦ ᐊᓂᔫ ᑳ ᐎᔮᐸᒫᑦ ᐅᑏᓃᒻ ᒋᔐᒪᓂᑑ ᐁᐅᑯᓐ ᐊᓂᔪ ᒉ ᐅᐦᒋ ᐊᒎᓇᐦᒃ ᐊᓂᔫᐦ ᐁ ᒌᔑᑳᔨᒀᐤᐦ᙮

Matthew 24:22 Iomraidhean Croise

Matthew 22:14

Ekw Jesus kaa ati itwet, “Mihchetu awenichii tepwaataakanuuch, mikw maak namui mihchet wiyaapamaakanuuch.”

Matthew 24:24

Kata ihtaauch awenichii e wiyeshihiiwetwaau e itwetwaau niya Christ. Kata ihtaauch kaye machi uchischiwehiichesuuch. Eukunich maak uchii nanaahkuu maamishkaach waapahtiiwewinh che waapahtiiwetwaau kaye kata ihtuutamuch e maamishkaateyihtaakuniyikwaauh chekwaayuuh. Ekut maak che uhchi wiyeshihaatwaau aweyuu nitamukw chechii ishi taapwehtamiyich. Aniyuuh maak Chishemanituu kaa wiyaapamaayich aweyuuh eukunh aniyuuh che wii wiyeshihaatwaau.

Matthew 24:31

Iskutak maak pehtaakuhche kaa chishewemakahch puutaachikan ekw che itishahwaat Chishemanituu utenchilamh chechii nituu maamuunaayich aniyuu aweyuuh kaa wiyaapamaat neweyich e uhchiiweyich kaa uhchiyich. Tekash e iskwaayaayich aschiiyuu anite maak ishi tekash e iskwaayaach kihchikiishikuyuu kata uhtineyuu.”

Mark 13:20

Ekaa uhchi nakaahamukupane Chishemanituu etituu chineush chechii ihtakuniyich nanehkaateyimuwiniyuu namui chipaa uhchi ihtaau awen e pimaatisiit.”

Luke 18:7

Namui aa maak etituu Chishemanituu suuhk kata wiichiheu aniyuu utiiniim kanawaach kaa ayimihaayich e chiishikaayich kaye e tipiskaayich e nitutamaakut chechii naatamuwaat. Taapaa kata uhchi pwaashtawiyuu chechii naatamuwaat.

Romans 9:11

Eshkw maak ekaa uhchi pimaatisiyich uyuuh ukusisa Rebecca, “Eshkw ekaa mechim uhchi machituutamiyich kaye aat eshkw ekaa uhchi miyutuutamiyich,” chii itikuu Chishemanituuh,

2 Timothy 2:10

Ekw maak e suuhchipayihch misiwe chekwaan chechii shaakuuchihtaayaan taan che ishi nanehkaachihiikuwaane, e pukuseyimuyaan aniyuuh Chishemanituu kaa wiyaapamaat che utiiniimit che ayaayich pimaachihiikusiiwiniyuu kaye kaachiche chisteyihtaakusuwiniyuu Christ Jesus e ihtaayich kaa uhchipayiyich.

1 Peter 1:1

Niya Peter. Jesus Christ nichii wiyaapamukw kaye maak wiya nichii itishahuukw Apastal chechii ishi atushkuuk. Chiyawaau Chishemanituu utiiniimh chi masinahamaatinaawaau, chiyawaau paahpiiwe kaa ihtaayekw anite aniyuu aschiih Pontus, Galatia, Cappadocia, Asia ekw maak Bithynia kaa ishinihkaatekwaauh.