Matthew 24:21 - Chishemanituu Utayimuwin: Kaa Uskaach Testament

²¹ Wesh ekut maauch che ishi nanehkaateyimunaanuuhch ekaa wiiskaat uhchi ishpish nanehkaateyimunaanuuhch utah aschiihch kaye maak namui miin nihtaa chika uhchi iteyihtaakun taan nihaau che iteyihtaakuhch uu nanehkaateyimunaanuuhche.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²¹ ᐌᔥ ᐁᑯᑦ ᒫᐅᒡ ᒉ ᐃᔑ ᓇᓀᐦᑳᑌᔨᒧᓈᓅᐦᒡ ᐁᑳ ᐐᔅᑳᑦ ᐅᐦᒋ ᐃᔥᐱᔥ ᓇᓀᐦᑳᑌᔨᒧᓈᓅᐦᒡ ᐅᑕᐦ ᐊᔅᒌᐦᒡ ᑲᔦ ᒫᒃ ᓇᒧᐃ ᒦᓐ ᓂᐦᑖ ᒋᑲ ᐅᐦᒋ ᐃᑌᔨᐦᑖᑯᓐ ᑖᓐ ᓂᐦᐋᐤ ᒉ ᐃᑌᔨᐦᑖᑯᐦᒡ ᐆ ᓇᓀᐦᑳᑌᔨᒧᓈᓅᐦᒉ᙮

Matthew 24:21 Iomraidhean Croise

Matthew 24:20

Ayimihaakw ekaa e mekwaapipuhch chechii ispayihch uu maak ekaa nihaau anit e ayiwepuuchiishikaach chechii ispayihch uu wii ushimuyekwe.

Matthew 24:29

“Iskutak maak miyaaupayihche taan che ishpish aayimihch aniyuuh maak ati chiishikaakwaawenh, eukuu tiiwehch che ati ispayihch, Piisim chika tipischipayuu, kaye tipischipiisim namui kata uhchi chihkaashtuweu, kaye achahkushach kata paahpahchishinuuch chiishikuhch uhchi kaye misiwe chekwaan anite chiishikuhch kaa ihtakuhch kata aahchipayuu.

Mark 13:9

“Yaakwaamiikw wesh chika ihtaauch anichii che maakunitaakuch ekw anite kaa niikaanishkaacheyich e ihtaayich che ituhtahiitaakuch chechii wiyaaskunikuyekw. Kaye maak anite ayimiheukamikuhch ekute che papasistehukuyekw. Chika ituhtahiikunaawaau peshuch kaye chisheuchimaauch e ihtaatwaau chechii wiyaaskunitaakuch an uhchi e nuushuushkuyekw. Chika nitaweyihtaakusinaawaau kuiskw chechii ishi aayimuumiyekw.

Luke 21:24

Pasch awenich nitupayuuhkumaaniyuu chika aapataniyuu e nipahaakanuutwaau. Ekw kutakach che maakunaakanuutwaau, nanaahkuu aschiihch che ituhtahaakanuutwaau. Ekw anichii ekaa Jewa kaa itiskaanesitwaau mitun tekash kata wii nishuuwanaachihtaauch Jerusalemiyuu, paatish Chishemanituu chistahamaakutwaawenich.”

1 Thessalonians 2:16

Waawaach nichii wii chipihchihiikunaanich e waawiihtamuumichiht aniyuuh ekaa Jewa kaa itiskaanesiyich aniyuu miywaachimuwiniyuu che pimaachihiikuyich. Ekut wehchi tepipayihtaatwaau taan muush kaa ishi pechi wanituutahkwaau. Ekw maak wetihchipayiyich chechii chishuwaahaatwaau kaye chechii waweshihiikutwaau Chishemanituuh.

Revelation 16:18

Chii uhchi waaswaastepayuu maak. Chii pehtaakuniyuuh upehtaakusuwinawaauh awenichii. Nimischuuch chii pehtaakusuuch. Kaye chii mista kuihkun. Namui wiiskaat uhchi ihtakun e iteyihtaakuhch e kuihkuhch kaa ishpish pechi pimaatisiitwaau awenichii. Eukw uu mwaauch kaa kushtaatikuhch e kuihkuhch.

Revelation 7:14

Ekw kaa itak, “Namui niya nichischeyimaauch. Chii eukw chescheyimatwaau.” Nichii itikw maak, “Eukunich uchii kaa shaapushkahkwaau taan kaa ishi nanehkaachihaakanuutwaau. Chii chishtaapautaauch utakuhpuwaauh aniyuu Maanishchaanisha umihkuyich ekw maak kaa waapaayikwaauh aniyuuh utakuhpuwaauh.