Matthew 24:15 - Chishemanituu Utayimuwin: Kaa Uskaach Testament

¹⁵ “Iskutak maak waapamekwe an awen maauch kaa uhkaateyihtaakusit e niipuut anite maauch kaa payehkaniyich e maayeyimaat Chishemanituu, yaakwaamukw. Shaash chika peshunaakun che iskwaapayihch aschii. Eukun uyuuh aniyaa uchischiwehiichesuu Daniel kaa aayimuumaat. Chiyawaau kaa ayimihtaayekw uu suuhk wii nisituhtamukw taan e itwemakahch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁵ ᐃᔅᑯᑕᒃ ᒫᒃ ᐙᐸᒣᑴ ᐊᓐ ᐊᐌᓐ ᒫᐅᒡ ᑳ ᐅᐦᑳᑌᔨᐦᑖᑯᓯᑦ ᐁ ᓃᐴᑦ ᐊᓂᑌ ᒫᐅᒡ ᑳ ᐸᔦᐦᑲᓂᔨᒡ ᐁ ᒫᔦᔨᒫᑦ ᒋᔐᒪᓂᑑ, ᔮᒀᒧᒄ᙮ ᔖᔥ ᒋᑲ ᐯᔓᓈᑯᓐ ᒉ ᐃᔅᒀᐸᔨᐦᒡ ᐊᔅᒌ᙮ ᐁᐅᑯᓐ ᐅᔫᐦ ᐊᓂᔮ ᐅᒋᔅᒋᐌᐦᐄᒉᓲ ᑖᓂᔭᓪ ᑳ ᐋᔨᒨᒫᑦ᙮ ᒋᔭᐙᐤ ᑳ ᐊᔨᒥᐦᑖᔦᒄ ᐆ ᓲᐦᒃ ᐐ ᓂᓯᑐᐦᑕᒧᒄ ᑖᓐ ᐁ ᐃᑗᒪᑲᐦᒡ᙮

Matthew 24:15 Iomraidhean Croise

Matthew 24:16

Waapahtamekwe maak uu e ispayihch, anichii iinuuch anit Judea aschiihch kaa ihtaatwaau, ekush pachishtinaahkuch anite e wachuuniyich chechii itishimutwaau.

Mark 13:14

“Iskutak maak waapamekwe an awen maauch kaa uhkaateyihtaakusit e niipuut anite atuch chipaa uhchi niipuu” (an awen kaa ayimihtaat uyuu kata wii nisituhtam), “ekush pachishtinaahkuch anichii Judeahch kaa ihtaatwaau anite e wachuuniyich chechii itishimutwaau. Eukun uyuuh aniyaa uchischiwehiichesuu Daniel kaa aayimuumaat.

Luke 19:43

Chika utihchipayuu anichii kaa uhkaatitaakuch che chipunitaakuch anit an utenaau kaa ihtaayekw, chika chipunikuwaauch ekaa chechii wiiwiyekw.

Luke 21:20

“Iskutak maak waapamekwenich shimaakanishach e waaskaakaapuushtahkwaau Jerusalemiyuu, ekw che chischeyihtamekw shaash e peshunaakuhch che nishuuwanaachihtaakanuuhch.

John 11:48

Pachishtinihkwe chechii ihtit uyuu taan e ihtit misiwe aweyuu chek chika taapweyimikuu kaye maak anichii Rome tipeyihchichesuuch chika wanaachihtaauch anite aniyuu maauch kaa payehkaniyich chichisheayimiheukamikunaanaayuu kaye misiwe chiyaanuu Jewa kaa itiskaanesuuhkw chika wanaachihiikunuuch.”

ᐊᐸᔅᑕᓚᒡ 21:28

Chii ishi tepweuch maak, “Chiyawaau naapeutikw Israel kaa uhchiyekw, pechi wiichihiinaan, eukw uu naapeu misiwe kaa aituhtet e chiskutamuwaat misiwe aweyuu ekaa chechii aapateyimaayich Israel iinuu, kaye Moses uwiishuwewiniyuu kaye maak uyuu Chisheayimiheukamikuyuu namui aapateyihtam. Waawaach kaye chii pechi piihtakaheu maaniteu ekaa Jewa itiskaanesiyich utah chisheayimiheukamikuhch aniyuu ekaa chipaa uhchi piihcheyuu utah. Uyeyuu maak kaa ihtit naashch maayeyihtam aniyuu anit maauch kaa payehkaniyich.”

ᐊᐸᔅᑕᓚᒡ 6:13

Kaye chii wiishaameuch naapeuh chechii nitawiin itaachimaayich Stephen anit e nishtuwiinaanuyich. Chii itweyuuh maak, “Uu naapeu, namui chipihtuweu e mamaayeyihtahk uyuu maauch kaa payehkaniyich kaye aniyuu wiishuwewiniyuu Chishemanituu kaa miyaayich aniyaanaa Moses.

Hebrews 2:1

Eukw maak an wehchi iteyihtaakuhch etituu chechii mamechiminamuhkw an taapwewin kaa ishi pehtamuhkw ekaa chechii chiiwekaapuyihkw.

Revelation 1:3

Chika shaweyihtaakusuu an awen che ayimihtaat uyuu taan e itashteyich utah anit chechii uhchi pehtamiyich kutak aweyuuh. Anichii kaa pehtahkwaau kaye kaa nanihiihtahkwaau taan e itashteyich anit kaye wiyawaau chika shaweyihtaakusuuch. Wesh shaash peshunaakun che uhtihchipayihch misiwe chechii ispayihch taan kaa ishi waapahtiikuyaan.

Revelation 3:22

“Misiwe chiyawaau kaa nituhtamekw suuhk wii nisituhtamekw taan e itaat Kaa payehchisiit Ahchaahkw umaamuuayimihaauh.”