Matthew 24:14 - Chishemanituu Utayimuwin: Kaa Uskaach Testament

¹⁴ Uu maak miywaachimuwin Chishemanituu uchisheuchimaawin kaa tipaatuteyich chika kacheskwaanuu utah misiwe aschiihch misiwe awen chechii pehtahk, ekw maak yaakw che iskwaapayihch.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁴ ᐆ ᒫᒃ ᒥᔻᒋᒧᐎᓐ ᒋᔐᒪᓂᑑ ᐅᒋᔐᐅᒋᒫᐎᓐ ᑳ ᑎᐹᑐᑌᔨᒡ ᒋᑲ ᑲᒉᔅᒀᓅ ᐅᑕᐦ ᒥᓯᐌ ᐊᔅᒌᐦᒡ ᒥᓯᐌ ᐊᐌᓐ ᒉᒌ ᐯᐦᑕᐦᒃ, ᐁᒄ ᒫᒃ ᔮᒄ ᒉ ᐃᔅᒀᐸᔨᐦᒡ᙮

Matthew 24:14 Iomraidhean Croise

Matthew 10:7

Nituu kacheskwekw e wiihtamekw shaash e peshunaakuhch kihchikiishikw chisheuchimaawin.

Matthew 18:19

“Kaye maak chiwiihtamaatinaawaau, niishu awenichii taapishkun e iteyihtamihiikutwaau chekwaayuu taan e ishi ayimihchiketwaau ekun nihaau che ishi ihtuutamaakutwaau Nuuhtaawii kihchikiishikuhch kaa ihtaayich.

Matthew 24:3

Mekwaach maak Jesus e apit anit e iipetaauhkaayich aniyuu wachiyuu Olives kaa ishinihkaateyich, iskutak ekaa kaa ihtaayich aniyuu iinuu, chii pechi nituwaapamikuu uchischinuhamuwaakanh ekw kaa itikut, “Pechi wiihtamuunaan aahch taaishpish che ispayihkwaau uyuu chekwaayuu. Taanite che uhchi chischeyihtamaahch utihchipayihche miin che takushiniyin. Ekw maak taanite che uhchi chischeyihtamaahch che iskwaapayihch aschii.”

Matthew 24:6

Ekaawii kaye chika uhchi mukushkaateyihtamihiikunaawaau pehtamekwe e matwe nitupayinaanuuhch peshuch anite e ihtaayekw kaye pehtamekwe e tipaatutaakanuuhch e nanitupayinaanuuhch anite waahiyuu. Eukw wesuu niishtam netaweyihtaakuhch chechii ispayihch, mikw maak namui eshkw kata uhchi iskwaapayuu.

Matthew 4:23

Jesus maak misiwe anite Galilee e ishpishaayich chii ituhteu e chiskutamaachet anite Jewa ayimiheukamikuhch, e waawiihtahk miywaachimuwiniyuu Chishemanituu uchisheuchimaawiniyuu e aayimuutahk, kaye e miinuwaachihaat nanaahkuu aweyuuh misiwe nanaahkuu itaaspinewiniyuu e ayaayich.

Matthew 9:35

Jesus maak misiwe chii ituhteu anite nanaahkuu e utenaauniyich kaye anite nanaahkuu ihtaawinishihch, e chiskutamaachet Jewa ayimiheukamikuhch, kaye e kacheskwet e waawiihtahk miywaachimuwiniyuu e aayimuutahk Chishemanituu uchisheuchimaawiniyuu, kaye e miinuwaachihaat aweyuuh nanaahkuu itaaspinewiniyuu e ayaayich.

Mark 13:10

Eshkw maak ekaa ispayekwe uu, niishtam chipaa kacheschimaakanuuch misiwe e itiskaanesitwaau awenichii e waawiihtamuwaakanuutwaau miywaachimuwiniyuu.

Luke 2:1

Mekwaach maak Caesar Augustus e chii chisheuchimaaut, chii itashuweu misiwe iinuuh anit Rome aschiihch kaa ihtaayich chechii tipachimaakanuyich kaye chechii masinahwaakanuyich.

Luke 24:47

Ekw maak chipaa waawiihtamuwaakanuuch misiwe e itiskaanesitwaau awenichii chechii kweskaatisiitwaau kaye chechii wepeyihtamuwaakanuutwaau umachihtwaawinawaauh niya pechi naashitwaawenich. Jerusalemihch maak niishtam chika uhchi mishihtepayuu uu che ishi waawiihtaakanuuhch.

Luke 4:5

Ekw machimanituu kaa ituhtahaat Jesus anite e ishpatinaayich wachiyuu, chiishkam misiwe uchisheuchimaawin e tahtiniyikwaau kaa waapahtiyaat utah aschiihch e ishi ihtakuniyikwaauh.

ᐊᐸᔅᑕᓚᒡ 1:2

Eshkw maak ekaa uhchi nakatahk uyuu aschiiyuu Jesus Kaa payehchisiyich Ahchaahkwa uhchi chii wiishumeu Apastalh e wiihtamuwaat taan che ihtiyich.

ᐊᐸᔅᑕᓚᒡ 11:28

Peyakw maak an Agabus e ishinihkaasut, chii pisikuu e miikut Kaa payehchisiyich Ahchaahkwa chechii ishi niikaan wiihtahk che pimipayiyich e kauhkataanuyich misiwe e ispichiskamikaayich aschiiyuu. Ekun maak taapwe kaa ispayiyich mekwaach Claudius kaa chisheuchimaawiyich.

ᐊᐸᔅᑕᓚᒡ 17:31

Wesh Chishemanituu chii wiyeyihtam aniyuu e chiishikaayich misiwe aweyuu utah aschiihch kuiskw che ishi wiyaaskunaakanuyich. Chishemanituu maak chii wiyeyimeu peyakw naapeu che ishi wiyaaskunicheyich, chii waapahtiyeu maak misiwe aweyuu eukun uyuu naapeu kaa wiyaapamaat chechii wiyaaskunicheyich, e chii wanishkaanaat nipuwinihch uhchi.”

ᐊᐸᔅᑕᓚᒡ 17:6

Iskutak maak ekaa meskawaatwaau Paul ekw maak Silas anite Jason e ihtaayich ekw aniyuu Jason ekw maak kutak wiichishaanimaauh anite kaa ishitaapaataatwaau aniyuu kaa niikaanishkamiitwaauh aniyuu ihtaawiniyuu e ihtaayitwaauh. Chii tepweuch e itwetwaau, “Paul ekw maak Silas muush machipayihtaasuuch taanite e ati ihtaatwaau, ekw maak tekushihkwaau utah chitihtaawinaahch.

ᐊᐸᔅᑕᓚᒡ 19:27

Uyuu maak e ishi chiskutamaachet, namui chika uhchi iteyihtamuch iinuuch e miywaayich chitaapatisuwinaanaayuu. Kaye maak namui chika uhchi nuuchiishtuwaakanuu an kaa chisteyihtaakusit manituuhkaaniskweu Artemis kaye chika wanichischisiitutuwaakanuu, an kaa chii nuuchiishtuwaakanuut utah Asia kaye misiwe e ispichiskamikaayich uyuu aschiiyuu.”

ᐊᐸᔅᑕᓚᒡ 20:25

“Nituhtamukw maa, nichischeyihten eukw uu anuhchiish maahchishtai che waapamiyekw chiyawaau uu kaa chii waawiihtamaatakuch Chishemanituu uchisheuchimaawin ute itehche kaa ihtaayekw.

Romans 10:18

Mikw maak niwii kakwechihchemun, namui aa maak Christ uhchi aayimuutamuwaakanuuch Jewa iinuuch. Ehe, kiipaa kaa aayimuutamuwaakanuutwaau. Wesh itashteu Chishemanituu utayimuwinihch, Misiwe e ispichiskamikaayich aschiihch chii waawiihtamuch aniyuu miywaachimuwiniyuu. Mitun nete e iskwaayaayich uyuu aschiiyuu chii pehtaakuniyuu utayimuwinawaau.

Colossians 1:23

Chinituweyihtaakusinaawaau yaaitei chechii kanuweyihtamekw taan e ishi taapwehtamekw uu miywaachimuwin, wesh ekut uu wehchi cheshtinaachikaapuyekw. Ekaawii maak chika uhchi ishinaakusinaawaau chechii ati waanihtaayekw an aspeyimuwin kaa ayaayekw iskunaak kaa pehtamekw miywaachimuwin. Wesh shaash mistahii mishihte chii ituhtataakanuu. Kaye niya Paul niwiichihiiwen e papaamuhtataakanuuhch uu miywaachimuwin.

Colossians 1:6

Uu miywaachimuwin tasine pimipayuu shaweyihchichewin anit uhchi kaye maak kanawaach mishihtepayuu e waawiihtaakanuuhch misiwe e ispichiskamikaach utah aschiihch. Ekun maak e ishinaakuhch miywaachimuwin anit mekwesiinuu e ihtaayekw iskunaak kaa pehtamekw e aayimuutaakanuyich Chishemanituu uchishewaatisiiwin kaye kaa nisituhtamekw taan nihaau e iteyihtaakuniyich.

Hebrews 1:6

Iskutak kaa pechi itishahwaat Chishemanituu Uniishtamuushaan utah aschiihch, chii itweu, Misiwe Chishemanituu utenchilamiyuu chika nuuchiishtaakuu.

Hebrews 2:5

Misiwe chekwaayuuh kaa aayimuutamaan che utihchipayihkwaau namui wii enchilich chika uhchi uchimaahkahtamuch.

Revelation 14:6

Ekw miin kutak enchil kaa waapamak naashch e ispahahk ishpimihch anite e pimihiyaat, e pechi waawiihtamuwaat aniyuuh aschiihch kaa ihtaayich miyu tipaachimuwiniyuu muush che taapwemakaniyich. Misiwe aweyuuh chika wiihtamuweu, misiwe itiskaanesiyich, misiwe e ishi ayimiyich, nanaahkuu e ishi maamuuteushiyich.

Revelation 16:14

Wesh eukw uchii machiahchaahkuch maamishkaach kaa ihtitwaau. Misiwe e tashiyich chisheuchimaau utah aschiihch nituu maamuuneuch chechii pechi maasihcheyich utihchipayiche aniyuu Chishemanituu maauch kaa suuhkaatisiyich kaa chisteyihtaakuniyich uchiishikaamiyuu.

Revelation 3:10

An e chii siipiiwesiyekw taan e ishi nachishkamekw muyaam kaa itashumitakuch chechii ihtiyekw, chika kanuweyimitinaawaau anit mekwaach pimipayihche e aayimuhutwaau awenichii, anit mekwaach che nituu chischeyimaakanuutwaau misiwe awenichii utah aschiihch kaa ihtaatwaau.