Matthew 24:10 - Chishemanituu Utayimuwin: Kaa Uskaach Testament

¹⁰ Mihchetu maak chika puuniyuuch e taapweyimitwaau kaye chika mamishimituuch kaye chika uhkaatituuch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁰ ᒥᐦᒉᑐ ᒫᒃ ᒋᑲ ᐴᓂᔫᒡ ᐁ ᑖᐺᔨᒥᑣᐤ ᑲᔦ ᒋᑲ ᒪᒥᔑᒥᑑᒡ ᑲᔦ ᒋᑲ ᐅᐦᑳᑎᑑᒡ᙮

Matthew 24:10 Iomraidhean Croise

Matthew 10:21

“Naapeuch chika pachishtineuch wiichishaanawaau chechii nipahaakanuyich kaye uhtaawiimaauch ekun che ihtuutuwaatwaau utawaashiimuwaau, kaye awaashach chika ihtuutaweuch uniichihiikuwaau chechii nipahaakanuyich.

Matthew 11:6

Shaweyihtaakusuu maak an awen ekaa che niyehtaaweyimikwe.” Ekun kaa itaat Jesus aniyuu Johna uchischinuhamuwaakaniyuuh.

Matthew 13:21

Muyaam maak an nihtaauchihchikan ekaa yaaich nihtaauchiniyikwaauh utapiih eukw e ishinaakusitwaau anichii, namui chineush taapwehtamuch. Iskutak maak e machipayinaanuyich maak e nanehkaateyimunaanuyich e ihtakuniyich aniyuu miywaachimuwiniyuu uhchi, tiiwehch puuniyuuch e taapwehtahkwaau.

Matthew 13:57

Namui uhchi nihiiskaakuuch aniyuu Jesus. Mikw maak Jesus chii iteu, “An awen kaa uchischiwehiichesuut chisteyimaakanuu aihch ihtaawinihch ekw anit tipiiwe utaschiihch e ihtaat namui aapateyimaakanuu. Waawaach aniyuu anit kaa peyakuteusiit kaa ihtaayich namui chisteyimikuu.”

Matthew 24:11

Mihchetu machi uchischiwehiichesuuch chika takushinuuch che wiyeshihaatwaau aweyuuh, mihchetu maak aweyuu chika ihtuutaweuch chechii puuniyich e taapwehtamiyich.

Mark 13:12

Maau kaye che ispayihch. Wiichishaanimaau kata wiyeshipachishtineu tipiiwe wiichishaan chechii nipahaakanuyich. Uhtaawiimaau kaye ekun che ihtuutawaat utawaashiim. Awaashach kaye kata chishuwaahiikuuch uniichihiikuwaauh ekw che ihtuutawaatwaau chechii nipahaakanuyich.

Mark 4:17

Mikw maak namui ihtakuniyuu taanite chechii uhchi yaaich nihtaauchitwaau ekw maak namui chineush chii ishikaapuuch. Iskutak nechiskahkwaau e aayimaniyich maak e maayeyimaakanuutwaau aniyuu ayimuwiniyuu uhchi ekut tiiwehch kaa chiiwekaapuutwaau.

Luke 21:16

Waawaach chiniichihiikuwaauch, chiichishaanuwaauch chiwaahkumaakanuwaauch, kaye chiwiichewaakanuwaauch chika ituhtahiikuwaauch wiyaaskunicheukamikuhch, chika ihtuutaakuwaauch pasch anit e tashiyekw chechii nipahiikuwekw.

2 Timothy 1:15

Wesh chichischeyihtenaache misiwe anichii kaa kweskaatisiitwaau anite Asia kaa ihtaatwaau e chii nakasitwaau, Phygelus ekw maak Hermogenes namui mitun nitaapateyimikuch.

2 Timothy 4:10

Demas wii, shaash uste uyuu aschiiyuu saachihtaau kaye maak nichii nakatikw, anite Thessalonicahch ekute kaa ituhtet. Crescens maak wii anite Galatiahch ekute kaa ituhtet. Ekw Titus anite Dalmatiahch ekute wiya kaa ituhtet.

2 Timothy 4:16

Iskutak maauch niishtam kaa uhchishkuukaapuushtamaan e wiyaaskunikuyaan, namui waawaach peyakw awen nuuhchi wiichikaapuushtaakw, misiwe awenichii nichii nakatikuch. Kamaa ekaa maahtakushkaakutwaau uyuu taan kaa ishi ihtuutahkwaau.