Matthew 23:8 - Chishemanituu Utayimuwin: Kaa Uskaach Testament

⁸ Ekaawii maak wii chiyawaau nitaweyihtamukw ‘chischinuhamaachesuu’ chechii ishinihkaatikuyekw, wesh misiwe chiwiichishaanihtunaawaau, kaye maak mikw peyakushuu chichischinuhamaachesiimuwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᐁᑳᐐ ᒫᒃ ᐐ ᒋᔭᐙᐤ ᓂᑕᐌᔨᐦᑕᒧᒄ ᒋᔅᒋᓄᐦᐊᒫᒉᓲ ᒉᒌ ᐃᔑᓂᐦᑳᑎᑯᔦᒄ, ᐌᔥ ᒥᓯᐌ ᒋᐐᒋᔖᓂᐦᑐᓈᐙᐤ, ᑲᔦ ᒫᒃ ᒥᒄ ᐯᔭᑯᔔ ᒋᒋᔅᒋᓄᐦᐊᒫᒉᓰᒧᐙᐤ᙮

Matthew 23:8 Iomraidhean Croise

Matthew 10:25

Chipaa miyeyihtam maak an kaa chiskutamuwaakanuut, iteyihtaakusit e iteyihtaakusiyich aniyuu kaa chiskutamaakut, kaye an aapachihaakan iteyihtaakusit e iteyihtaakusiyich uchimaam. Niya maak aat e uchimaawiyaan chischisikw maa taan kaa ishi maayeyimitwaau e chii itwetwaau an machiahchaahkw uchimaau Beelzebul e aawiyaan. Chiyawaau maak etituu chika maayeyimikuwaauch.”

Matthew 17:5

Mekwaach maak eshkw e ayimit, kaskawanishkwa naashch e waasusuyich chii pechi akuchiniyuu anit tipiskuuch ishpimihch e ihtaatwaau, anite maak kaskawanishkuhch chii uhchi pehtaweuch aweyuu e itweyich, “Eukw uu Nikus kaa saachihiik, kaye naashch kaa naniheyihtamihiit. Nituhtawaahkw.”

Matthew 23:10

Ekaawii nitaweyihtamukw, ‘Uchimaau’ chechii ishinihkaatikuyekw, wesh peyakushuu mikw kuuchimaamuwaau, eukw Christ.

Matthew 23:7

Nituweyihtamuch yaaitei muush chechii waautinischenaakanuutwaau anite e mihchetinaanuyich kaye nitaweyimeuch aweyuu ‘Chischinuhamaachesuu’ chechii ishinihkaatikutwaau.

Matthew 26:25

Ekw Judas an che wiyeshipachishtinaakupane Jesus kaa itwet, “Niya aa kaa iishiyin.” Ekw Jesus kaa itaat, “Ehe, eukun wesh kiipaa e itweyin.”

Matthew 26:49

Judas maak kuiskw chii nituwaapameu aniyuu Jesus, ekw kaa itaat, “Kwei, chischinuhamaachesuu.” Ekw kaa uchemaat.

Mark 10:51

Ekw Jesus kaa itaat uyuu naapeu, “Taan e ishi nitaweyihtaman chechii ihtuutamaataan.” Ekw an naapeu kaa itwet, “Utipeyihchikeu, miih chechii waapahtamaan.”

Mark 11:21

Peter maak chii uhchi chischisuu aniyuu taan kaa ispayiyich ekw kaa itaat Jesus, “Chiskutamaachesuu, iitaapih maa. Uu misishuuminaahtikw kaa aanaweyimit mitun tekash paashuu.”

Mark 14:45

Iskutak maak tekushinit Judas tiiwehch chii naateu Jesus ekw kaa itaat, “Chischinuhamaachesuu.” Ekw kaa uchemaat.

Mark 9:5

Ekw Peter kaa itaat Jesus, “Chischinuhamaachesuu, nuwach miyeyihtaakun utah chechii ihtaawaauhchipane. Pachishtinaanh chechii ushihtaayaahch nishtu tipinuushimunh, paahpeyakw che ayaayekw, chiya, Moses ekw maak Elijah.”

Luke 22:32

Chichii ayimihchikeshtamaatin maak chii ekaa chechii puuniyin e taapwehtaman. Iskutak maak chiishkwaa kakwechihiiske machimanituu miin maak kaau chii pechi naashiine che yaaichikaapuuhiitwaau chiichishaanich taapwehtamuwinihch ishi.”

John 1:38

Jesus maak chii chipihchikaapuu, kaa aapisaapit kaa waapamaat aniyuu e nuushuushkaakut, ekw kaa itaat, “Chekwaan niyaanituwaapahtamekw.” Ekw kaa itaatwaau, “Chischinuhamaachesuu taanite e wiichiyin.”

John 1:49

Nathanael kaa itaat, “Chischinuhamaachesuu, eukw chii taapwe Chishemanituu Ukusisa, eukw chiya Chisheuchimaau utah Israelihch.”

John 11:8

Chii itikuu maak aniyuuh uchischinuhamuwaakanh, “Chiskutamaachesuu, namui weskach kaa wii nipahiiskwaau e paahpimusinaatahuuskwaau anichii Jewa iinuuch yaapach maak miin kaau chii wii ituhten anite.”

John 20:16

“Mary,” chii iteu Jesus. Chii kweschikaapuu Mary ekw kaa itaat aniyuu Jesus Hebrew e ishi ayimit, “Rabboni,” chii iteu. Uu maak Rabboni kaa iinaanuuhch e itweshtamuwaataakanuuhch Utipeyihchikeu iinaanuu.

John 3:2

Peyakwaau maak e tipiskaayich chii nituwaapameu Jesus ekw kaa itaat, “Chischinuhamaachesuu, chichischeyimitinaan chiya chischinuhamaachesuu e chii pechi itishahuusk Chishemanituu. Wesh namui awen chika chii ihtuutam aniyuu maamishkaach ihtuwin chiya kaa ihtuutaman ekaa wiichihiikute Chishemanituu.”

John 3:26

Chii nituwaapameuch John ekw kaa itaatwaau, “Chischinuhamaachesuu, an naapeu taapishkun kaa ihtaayekw anite waapanuutaahch an Jordan siipiihch, an kaa aayimuumat, anuhchiish kaye wiya siikahaahtaacheu kaye misiwe aweyuuh nituwaapamikuu.”

John 4:31

Mekwaach maak uu, Jesus uchischinuhamuwaakanh chii wii aayihkamihiikuu, “Chischinuhamaachesuu, miichisuu,” e itikut.

John 6:25

Iskutak meskawaatwaau Jesus anite kwestehchekaam aniyuu saakahiikaniyuu chii iteuch, “Chischinuhamaachesuu taaishpish kaa takushiniyin utah.”

John 9:2

Ekw aniyuu uchischinuhamuwaakan kaa kakwechimikut, “Chischinuhamaachesuu chekwaayuu wehchi ishinaakusit uu naapeu chihchiwe ekaa waapahtahk. Wiya aa e chii machituutahk maak aniyuu uniichihiikw e chii machituutamiyich.”

2 Corinthians 1:24

Namui kiipaa wii chiwii wawiishuwaatitinaan chechii wiihtamaataahch chekwaan chipaa taapwehtenaawaau wesh chiyaaichikaapuunaawaau taapwehtamuwinihch ishi. Teyakuch wesin chiwii wiichaapatisiimitinaan chiyawaau chechii uhchi miyeyihtamekw.

2 Corinthians 4:5

Iskutak e kacheskweyaahch namui niyaan nitaayimuumisunaan. Jesus Christ nitaayimuumaanaan wiya e Utipeyihchikeut. Jesus nichii pechi itishahukunaan chechii atushkaataahch.

Ephesians 3:15

wiya e ihtaat e chii uhchi wiihaakanuutwaau misiwe kaa peyakuteusiitwaau anite kihchikiishikuhch kaye aschiihch kaa ihtaatwaau.

Philemon 1:16

Taapaa ekw aapachihaakan chika uhchi ishi kanawaapamaakanuu. Uste chisteyihtaakusuu ishpishaat aapachihaakan. Mwehch tipiiwe chiichishaanuu chika ishi kanawaapamaanuu. Ekun wesh kiipaa e ishi kanawaapamak niya. Ekun maak mwehch che ishi kanawaapamat kaye chiya, mwehch tipiiwe chiichishaan kaye maak Utipeyihchikeu utaapachihaakanh.

James 3:1

Niichishaanitikw, ekaawii chika uhchi mihchetinaawaau e chiskutamaacheyekw. Chichischeyihtenaawaau chiyaanuu kaa chiskutamaacheyihkw uste che aahkwaateyihtaakuhch taan che ishi wiyaaskunikuyihkw.

1 Peter 5:3

Ekaawii wii ishinaakusikw naashch chechii wii uchimaahkahtuwekuch anichii kaa miikuyekw chechii niikaanishkuwekuch teyakuch uste wii miyutuutawaahkuch che ihtakuniyich maak anit chechii uhchi chischinuwaapamitaakuch.

Revelation 1:9

Eukw niya chiichishaanawaau John. Misiwe chiwiichishaanihtunaanuu Jesus e ihtaat ishi. Chinanehkaateyimuhiikuyihkw an uhchi e nuushuushkuuhkw Jesus mikw maak maamuu chiwii siipiiwesinaanuu taanit anit nechishkamuhkw maan e aayimihch chekwaan. Nichii maakunikuun ekw anite an ministikw Patmos kaa ishinihkaatech kaa tayikuyaan an uhchi e chii waawiihtamaan Chishemanituu utayimuwin kaye e chii tipaachimak Jesus taan kaa aihtit.

Revelation 19:10

Nichii uchihchiihkunipayistwaau maak chechii nuuchiishtuuk uu enchil. Mikw maak nichii itikw, “Ekaa wii an ihtih. Wesh kaye niya nitatushkuwaau Chishemanituu muyaam chii ekw maak chiichishaanich e ihtiyekw, misiwe anichii kuiskw kaa ishi waawiihtahkwaau aniyuu taapwewiniyuu Jesus kaa waapahtiiweyich. Chishemanituu eukw nuuchiishtuu.” Ekun kaa iishit an enchil. Wesh aniyuu taapwewiniyuu Jesus kaa pechi waapahtiiwet eukw aniyuu kaa suuhcheyihtaakuhiikutwaau anichii uchischiwehiichesuuch taan kaa ishi ayimitwaau.

Revelation 22:9

Mikw maak nichii itikw, “Ekaa pechi nuuchiishtuuh. Wesh kaye niya nitatushkuwaau Chishemanituu mwehch chii e ihtiyin kaye maak mwehch e ihtitwaau chiichishaanich, anichii kaa chischiwehiichetwaau ekw maak anichii kaa nanihiihtahkwaau taan e itashteyich utah masinahiikanihch. Chishemanituu eukw nuuchiishtuu.”