Matthew 23:5 - Chishemanituu Utayimuwin: Kaa Uskaach Testament

⁵ Misiwe chekwaayuu kaa ihtuutahkwaau uchii kaa chiskutamaachetwaau wiishuwewiniyuu ekw maak Phariseech pukuseyihtamuch misiwe aweyuu chechii waapamikutwaau. Aniyuu e itaaspisutwaau kaye e taapiskahkwaau miiwatishiyuu chii pukuseyimuuch chechii iteyimikutwaau aweyuu naashch e ayimihewaatisiitwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵ ᒥᓯᐌ ᒉᒀᔫ ᑳ ᐃᐦᑑᑕᐦᒀᐤ ᐅᒌ ᑳ ᒋᔅᑯᑕᒫᒉᑣᐤ ᐐᔓᐌᐎᓂᔫ ᐁᒄ ᒫᒃ ᕓᕆᓰᒡ ᐳᑯᓭᔨᐦᑕᒧᒡ ᒥᓯᐌ ᐊᐌᔫ ᒉᒌ ᐙᐸᒥᑯᑣᐤ᙮ ᐊᓂᔫ ᐁ ᐃᑖᔅᐱᓱᑣᐤ ᑲᔦ ᐁ ᑖᐱᔅᑲᐦᒀᐤ ᒦᐗᑎᔑᔫ ᒌ ᐳᑯᓭᔨᒨᒡ ᒉᒌ ᐃᑌᔨᒥᑯᑣᐤ ᐊᐌᔫ ᓈᔥᒡ ᐁ ᐊᔨᒥᐦᐁᐙᑎᓰᑣᐤ᙮

Matthew 23:5 Iomraidhean Croise

Matthew 9:20

Chii ihtaau maak anit iskweu niishushaap pipun e chii wanihtaat umihkw, eukw an uspiskuniihch kaa uhchi pechi naataat Jesus kaa taahtinamuwaat anite e waniskwekaniyich aniyuu utakuhpiyuu.

Luke 16:15

Jesus maak chii iteu, “Chitishinaakuhiisunaawaau muyaam e kuiskutaatisiyekw anite uhchishkuu iinuuch e ihtaatwaau, mikw maak Chishemanituu chischeyihtam taan chihchiwe e iteyihtaakusiyekw. Wesh aniyuuh chekwaayuuh chihchiwe kaa iteyihtamihiikutwaau awenichii Chishemanituu uhkaatam aniyuuh.”

Luke 20:47

Utinamuweuch kaye misiwe taan e ishi tipiyeusiyich kaa paahpeyakuyitwaauh iskweuh kaye maak e ayimihaatwaau chineush ayimihaauch, mikw maak ayimihehkaasuch uyuu e ihtitwaau. Eukunich maak uchii ushte che aahkwaateyihtaakuniyich taan che ishi wiyaaskunikutwaau Chishemanituuh.”

John 12:43

Wesh uste chii iteyimeuch iinuuh chechii nahiiwehaatwaau ishpish wii Chishemanituu chechii nahiiwehaatwaau.

John 5:44

Taanite chechii uhchi taapwehtamekw mikw naapeu e wii nanihiiwehekw ekaa wii nanihiiwehekw Chishemanituu.

John 7:18

An awen mikw wiya taan e iteyihtahk kaa ishi wiihtahk chekwaayuu, nituweyihtam wiya chechii chisteyimaakanuut. Ekw an awen kaa nituweyihtahk chechii chisteyimaakanuyich aniyuu kaa pechi itishahukut kuiskw ihtuu kaye namui mitun ihtakuniyuu wiyeshihiiwewiniyuu anit e ihtaat.

Philippians 1:15

Taapwe kiipaa ihtaauch awenichii mikw e uhteyimitwaau maak e wii mamachipayihiitwaau eukw wehchi aayimuumaatwaau Christ. Ekw kutakach suuhk waawiihtamuch miywaachimuwiniyuu kuiskw e ihtitwaau.

Philippians 2:3

Namui chipaa uhchi ihtuuten chekwaan mikw chiya e maamituneyimisuyin. Maak mikw chechii uhchi mamiywaachimikuyin. Tipihteyimisukw, uste kutakach awenichii e iteyimekuch.

2 Thessalonians 2:4

Misiwe chekwaayuu kaa ihtuutaakuyich aweyuu chechii nuuchiishtuwaayich Chishemanituu maak Chishemanituu e ihtaayich e uhchipayihch e iteyihtaakuniyich chika maasihtaau. Eukw uyuu che ihtit e nitaweyihtahk wiya maauch chechii chisteyihtaakuhaakanuut. Waawaach chika piihcheu anite Chishemanituu uchisheayimiheukamikuwiihch ekw che itwet wiya e Chishemanituut.