Matthew 23:39 - Chishemanituu Utayimuwin: Kaa Uskaach Testament

³⁹ Wesh chiwiihtamaatinaawaau namui miin chika uhchi waapaminaawaau paatish utihchipayihche che itweyekw, Shaweyihtaakusuu an kaa pechi takushinit Utipeyihchikeu utishinihkaasuwiniihch.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁹ ᐌᔥ ᒋᐐᐦᑕᒫᑎᓈᐙᐤ ᓇᒧᐃ ᒦᓐ ᒋᑲ ᐅᐦᒋ ᐙᐸᒥᓈᐙᐤ ᐹᑎᔥ ᐅᑎᐦᒋᐸᔨᐦᒉ ᒉ ᐃᑗᔦᒄ, ᔕᐌᔨᐦᑖᑯᓲ ᐊᓐ ᑳ ᐯᒋ ᑕᑯᔑᓂᑦ ᐅᑎᐯᔨᐦᒋᑫᐤ ᐅᑎᔑᓂᐦᑳᓱᐎᓃᐦᒡ᙮

Matthew 23:39 Iomraidhean Croise

Matthew 21:9

Anichii maak iinuuch anite niikaanaanihch kaa pimuhtetwaau aniyuu Jesus e ihtaayich kaye anichii anite utaahch kaa pimuhtewaatwaau chii chihchi maamihchimeuch Chishemanituu e chishewetwaau e itwetwaau, “Chisteyihtaakuhaahkw an kaa ukusitutaakuut David, shaweyihtaakusuu uu kaa pechi itishahukut Utipeyihchikeuh. Maamihchimaataau Chishemanituu wiya maauch e chisteyihtaakusit.”

Luke 17:22

Ekw maak kaa itaat uchischinuhamuwaakan, “Eshkw anite niishtamihch kata utihchipayuu naashch che iteyihtamihiikuyekw miin kaau chechii waapamekw Iinuu Ukusisa, namui maak chika chii waapamaawaau anit an mekwaach wii waapamekwe.

John 14:19

Namui naashch chineush nika uhchi waapamikuch iinuuch utah aschiihch, mikw chiyawaau chika waapaminaawaau. Chika pimaatisiinaawaau kaye chiyawaau wesh niya nipimaatisiin.

John 14:9

Jesus chii nishkweushiheu e itaat, “Philip, shaash weskach kaa ihtaayaan utah e ihtaayekw yaapach maak namui chichischeyimin. An awen kaa waapamit shaash waapameu Uhtaawiimaau. Chekwaan maak wehchi kakwechimiin chechii waapahtiitaan Uhtaawiimaau.

John 8:21

Ekw miin kaa itaat Jesus aniyuuh, “Nika chistuhten, chika pechi naanituwaapaminaawaau mikw maak ekun che ishi nipiyekw e chichishkamekw chimachaatisiiwinawaauh. Namui maak chika chii ituhtenaawaau taanite che ituhteyaan.”

John 8:24

Chichii wiihtamaatinaawaau che nipiyekw e chichishkamekw chimachaatisiiwinawaauh. Ekun maak taapwe che ishi nipiyekw e chichishkamekw chimachaatisiiwinawaauh, ekaa taapwehtamekwe eukun an niya taapwe e aawiyaan.”

John 8:56

Aniyaa kuuhtaawiinuu Abraham chii muuchicheyihtam e chii chischeyihtahk che waapahtahk nichiishikaamiyuu. Chii waapahtam, chii miyeyihtam maak.”

Romans 11:25

Niichishaanitikw, chinituweyimitinaawaau chechii nisituhtamuwekw uyuu kaa ishi chischeyihtaakuhtaat Chishemanituu ekw maak namui chika uhchi iteyihtenaawaau naashch e iipwaahkaayekw. Anuhchiish mekwaach mihchetu anichii Jewa kaa itiskaanesitwaau wii suuhchitamuch. Namui wii taapweucheyimeuch Chishemanituuh. Mikw maak chika utihchipayuu taanit che taapwehtahkwaau. Eshkw maak ekaa utihchipayihch uu misiwe anichii ekaa Jewa kaa itiskaanesitwaau tahtu mikw che wiyaapamikuwaakwenich Chishemanituuh chechii pimaachihutwaau, chika pimaachihuuch.