Matthew 23:38 - Chishemanituu Utayimuwin: Kaa Uskaach Testament

³⁸ Nituhtamukw maa chika nakatamaakunaawaau chiichiwaauh mitun tekash e pisikwaakwaau kaye e nishuunaatahkwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁸ ᓂᑐᐦᑕᒧᒄ ᒫ ᒋᑲ ᓇᑲᑕᒫᑯᓈᐙᐤ ᒌᒋᐙᐤᐦ ᒥᑐᓐ ᑌᑲᔥ ᐁ ᐱᓯᒀᒀᐤ ᑲᔦ ᐁ ᓂᔔᓈᑕᐦᒀᐤ᙮

Matthew 23:38 Iomraidhean Croise

Matthew 24:2

Chii iteu maak, “Chimiyunenaawaau taan kaa ishihtaakanuuhkwaau uyuu waaskaahiikan, mikw maak chiwiihtamaatinaawaau, chika utihchipayuu anit misiwe che wanaachihtaakanuuhkwaau. Namui waachi peyakw asinii chika uhchi aakwiihtuupuu kutak asinii taan aniyuu kaa itahaakanuut. Misiwe asiniich kaa ishi aapachihaakanuutwaau kaa ushihtaakanuuhkwaau uyuu waaskahiikan chika niihchiwepinaakanuuch.”

Mark 13:14

“Iskutak maak waapamekwe an awen maauch kaa uhkaateyihtaakusit e niipuut anite atuch chipaa uhchi niipuu” (an awen kaa ayimihtaat uyuu kata wii nisituhtam), “ekush pachishtinaahkuch anichii Judeahch kaa ihtaatwaau anite e wachuuniyich chechii itishimutwaau. Eukun uyuuh aniyaa uchischiwehiichesuu Daniel kaa aayimuumaat.

Luke 13:35

Chika nakatamaakunaawaau chiichiwaauh mitun e nishuunaatahkwaau. Chiwiihtamaatinaawaau namui chika uhchi waapaminaawaau paatish utihchipayihche chechii itweyekw, Shaweyihtaakusuu an kaa pechi itishahwaakanuut chechii ayimishtamuwaat Utipeyihchikeu.”

Luke 21:20

“Iskutak maak waapamekwenich shimaakanishach e waaskaakaapuushtahkwaau Jerusalemiyuu, ekw che chischeyihtamekw shaash e peshunaakuhch che nishuuwanaachihtaakanuuhch.

Luke 21:24

Pasch awenich nitupayuuhkumaaniyuu chika aapataniyuu e nipahaakanuutwaau. Ekw kutakach che maakunaakanuutwaau, nanaahkuu aschiihch che ituhtahaakanuutwaau. Ekw anichii ekaa Jewa kaa itiskaanesitwaau mitun tekash kata wii nishuuwanaachihtaauch Jerusalemiyuu, paatish Chishemanituu chistahamaakutwaawenich.”

Luke 21:6

Jesus maak chii itweu, “Uyuu kaa waapahtamekw chekwaayuu eshkw chika utihchipayuu misiwe che nishuunaatahkwaau. Namui mechim peyakw asinii chika uhchi aakwiihtuupuu kutak asinii aniyuu taan kaa itahaakanuut. Misiwe asiniich kaa ishi aapachihaakanuutwaau kaa ushihtaakanuuhkwaau uyuu waaskahiikan chika niihchiwepinaakanuuch.”