Matthew 23:11 - Chishemanituu Utayimuwin: Kaa Uskaach Testament

¹¹ Awen e niikaaneyihtaakusit anit e tashiyekw, ekush mikw aapachihaakan chika ishi kanawaapamisuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹¹ ᐊᐌᓐ ᐁ ᓃᑳᓀᔨᐦᑖᑯᓯᑦ ᐊᓂᑦ ᐁ ᑕᔑᔦᒄ, ᐁᑯᔥ ᒥᒄ ᐋᐸᒋᐦᐋᑲᓐ ᒋᑲ ᐃᔑ ᑲᓇᐙᐸᒥᓲ᙮

Matthew 23:11 Iomraidhean Croise

Matthew 23:10

Ekaawii nitaweyihtamukw, ‘Uchimaau’ chechii ishinihkaatikuyekw, wesh peyakushuu mikw kuuchimaamuwaau, eukw Christ.

Mark 9:35

Chii waweyapuu Jesus, kaa wiishaamaat aniyuu niishushaap uchischinuhamuwaakanh ekw kaa itaat, “An awen netaweyihtamukwe wiya maauch niikaan chechii iteyihtaakusit, maauch aasuk chipaa ishi pachishtinisuu kaye misiwe aweyuu chipaa miyu atushkuweu.”

1 Corinthians 9:19

Namui chekwaan nimamechiminikuun wesh namui awen nuutaapachihaakanitutaakw. Mikw maak yaapach niya tipiiwe nichii wiyeyihten misiwe awen che wii atushkuuk. Ekw maak mihchetu awen che ihtuutuuk chechii taapwehtahk miywaachimuwiniyuu.

2 Corinthians 11:23

Iteyihtamuch aa e atushkuwaatwaau Christ. Etituu niya nitatuskuwaayuuh. Shaash etituu nichiishkwe ayimin. Namui nimiyeyihten mwehch wiyawaau e ishi aayimuumisutwaau e ishi aayimuumisuyaan. Etituu niya nichii mistaapatisin ishpish wiyawaau. Etituu niya mihchetwaau nichii chipahukuun. Etituu niya mihchetwaau nichii pishishtehukuun ishpish wiyawaau. Etituu niya mihchetwaau nichii peshuwaapahten nipuwin ishpishaat wiyawaau.

2 Corinthians 4:5

Iskutak e kacheskweyaahch namui niyaan nitaayimuumisunaan. Jesus Christ nitaayimuumaanaan wiya e Utipeyihchikeut. Jesus nichii pechi itishahukunaan chechii atushkaataahch.

Galatians 5:13

Niichishaanitikw. Chichii wiyeyimikunaawaau chechii wiihkuchihiikuyekw taan e ishi maahchikwaapihkaasuyekw. Ekaawii mikw chika uhtaapachihunaawaau uu e chii wiihkuchihiikuyekw chechii tawiishtamekw chechii machituutamekw. Teyakuch chipaa waawiichihiitunaawaau e saachihiituyekw.