Matthew 22:42 - Chishemanituu Utayimuwin: Kaa Uskaach Testament

⁴² “Taan e iteyimekw Christ. Awen aniyuu ukusisa. Aweyuu e ihtaayich kaa uhchi aanische pimaatisiit.” Ekw kaa itikut, “David e ihtaayich chii uhchi aanische pimaatisiyuu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴² ᑖᓐ ᐁ ᐃᑌᔨᒣᒄ ᙭᙮ ᐊᐌᓐ ᐊᓂᔫ ᐅᑯᓯᓴ᙮ ᐊᐌᔫ ᐁ ᐃᐦᑖᔨᒡ ᑳ ᐅᐦᒋ ᐋᓂᔅᒉ ᐱᒫᑎᓰᑦ᙮ ᐁᒄ ᑳ ᐃᑎᑯᑦ, ᑌᐱᑦ ᐁ ᐃᐦᑖᔨᒡ ᒌ ᐅᐦᒋ ᐋᓂᔅᒉ ᐱᒫᑎᓯᔫ᙮

Matthew 22:42 Iomraidhean Croise

Matthew 1:1

Jesus Christ nika aayimuumaau. Niishtam utaanischesiim e ihtaayich nika uhchi chihchipayihtaan e aayimuumak. Aniyaanaa chisheuchimaau David ekw maak aniyaana Abraham e ihtaayich chii uhchi aanische pimaatisiyuu.

Matthew 14:33

Anichii maak chischinuhamuwaakanich anite utihch kaa ihtaatwaau chii nuuchiishtuweuch Jesus e itaatwaau, “Taapwe Chishemanituu Ukusisa chiya.”

Matthew 21:9

Anichii maak iinuuch anite niikaanaanihch kaa pimuhtetwaau aniyuu Jesus e ihtaayich kaye anichii anite utaahch kaa pimuhtewaatwaau chii chihchi maamihchimeuch Chishemanituu e chishewetwaau e itwetwaau, “Chisteyihtaakuhaahkw an kaa ukusitutaakuut David, shaweyihtaakusuu uu kaa pechi itishahukut Utipeyihchikeuh. Maamihchimaataau Chishemanituu wiya maauch e chisteyihtaakusit.”

Matthew 22:43

Ekw Jesus kaa itaat, “Chekwaayuu maak Utipeyihchikeu wehchii ishinihkaatikut David. Wesh David, Kaa payehchisiyich Ahchaahkwa chii miikuu chechii itwet,

Matthew 9:27

Iskutak maak Jesus chestuhtet anit uhchi aniyuu naapeu wiichiihch niishu naapeu ekaa waapahtamiyich chii nuushuushkaakuu e aashihkweyich e ishi tepwaatikut, “Chiya aniyaa Chisheuchimaau David e ihtaat kaa uhchiyin, pechi chistimaacheyiminaan maa.”

John 1:49

Nathanael kaa itaat, “Chischinuhamaachesuu, eukw chii taapwe Chishemanituu Ukusisa, eukw chiya Chisheuchimaau utah Israelihch.”

John 20:28

Ekw Thomas kaa nishkweushihaat e itaat, “Nitipeyihchikem kaye Nichishemanituum.”

Colossians 3:11

Ekw maak namui aapateyihtaakun taan e itiskaanesit awen, Jewa itiskaanesikwe maak ekaa Jewa itiskaanesikwe. Kaye namui aapateyihtaakuniyuu taanite wehchiit awen, taan kaa ishi chiskutamuwaakanuut kaye taan e ishi kanawaapamikut aweyuu. Namui aapatanh uyuuh. Christ e ayaawaat awen upimaatisiiwinihch eukw chihchiwe e iteyihtaakuhch. Misiwe aweyuuh e ishinaakusiyich piihchishkuweu.