Matthew 22:35 - Chishemanituu Utayimuwin: Kaa Uskaach Testament

³⁵ Peyakw maak anit e tashitwaau anichii Phariseech, kaa chiskutamaachet wiishuwewiniyuu e itaapatisit, chiwii naanituu pisiiwiyeu Jesus, e kakwechimaat chekwaayuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁵ ᐯᔭᒄ ᒫᒃ ᐊᓂᑦ ᐁ ᑕᔑᑣᐤ ᐊᓂᒌ ᕓᕆᓰᒡ, ᑳ ᒋᔅᑯᑕᒫᒉᑦ ᐐᔓᐌᐎᓂᔫ ᐁ ᐃᑖᐸᑎᓯᑦ, ᒋᐐ ᓈᓂᑑ ᐱᓰᐎᔦᐤ ᒌᓴᔅ, ᐁ ᑲᑴᒋᒫᑦ ᒉᒀᔫ᙮

Matthew 22:35 Iomraidhean Croise

Matthew 22:18

Jesus maak chii chischeyimeu nitamukw e chii wii itwehiikut ekw kaa itaat, “Chiyawaau kaa ayimihehkaasuyekw, chekwaan wehchi wii pechi kakwechihiyekw.

Matthew 22:36

Chii iteu maak, “E tahtihkwaau kacheskwewinh Chishemanituu kaa wiishtaat, taan maauch e chisteyihtaakuhch.”

Mark 10:2

Chii takushiniyuuh Phariseeh e chii wii naanituu pisiiwiikut ekaa kuiskw chechii ishi wiihtahk chekwaayuu. Chii ishi kakwechimikuu maak, “Wiihtamuunaan maa, itashteu aa wiishuwewinihch che pachishtinaakanuut naapeu chechii wepinaat wiichiskweu.”

Luke 11:52

“Chekwaan chika ishi machipayinaawaau chiyawaau kaa chiskutamaacheyekw wiishuwewin. Chinakaahwaawaauch awenichii chechii chischeyimaatwaau kaye chechii taapweyimaatwaau Chishemanituu. Chiyawaau namui chiwii piihchenaawaau Chishemanituu uchisheuchimaawinihch ekw maak chinakaahaawaauch anichii awenichii kaa wii piihchetwaau. Mwehch awen e utinahk aniyuu aapahiikaniyuu ekaa chechii piihcheyich aweyuu anite Chishemanituu e uchimaawiyich eukw e ishinaakusiyekw.”

Luke 14:3

Jesus chii kakwechimeu aniyuu Pharisee kaye aniyuu kaa chiskutamaacheyitwaauh ayimihewin wiishuwewiniyuu, “Itashteu aa ayimiheuwiishuweusinahiikanihch e kuiskunaakuhch chechii miinuwaachihiiwaanuuhch e Jewa ayimiheuchiishikaach maak ekaa kuiskunaakuhch.”

Luke 7:30

Ekw anichii Phariseech kaye anichii kaa chiskutamaachetwaau ayimihewin wiishuwewiniyuu chii aatuweyihtamuweuch aniyuu taan kaa itashumuweyich Chishemanituu. Namui uhchi nituweyihtamuch chechii siikahaahtaakutwaau John.

John 8:6

Eukw uyuu kaa itaatwaau e chii wii naanituu kakwechihaatwaau che piikunamiikwen uyuu wiishuwewiniyuu, ekw maak piikunamiikwen chipaa ihtakuniyuu che ishi mimisimaatwaau. Mikw maak anite aschiihch chii ishi nawewiyuu Jesus, kaa masinahiichet anit yekaahch utihchii e aapachihtaat.

Titus 3:13

Kata chistuhteuch an wiyaaskunichesuu Zenas ekw maak Apollos. Suuhk che kuchihtaayin chechii wiichihiitwaau e ayeskuwiitwaau, che nituu chischeyimatwaau misiwe chekwaayuu chechii ayaatwaau taan che ishi nituweyihtahkwaau.