Matthew 22:31 - Chishemanituu Utayimuwin: Kaa Uskaach Testament

³¹ Ekw maak an wii, che wanishkaatwaau anichii kaa nipitwaau, namui aa kuuhchi ayimihtaanaawaau kaa ititaakw Chishemanituu, miin che wanishkaayich misiwe aniyuu kaa puunipimaatisiyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³¹ ᐁᒄ ᒫᒃ ᐊᓐ ᐐ, ᒉ ᐗᓂᔥᑳᑣᐤ ᐊᓂᒌ ᑳ ᓂᐱᑣᐤ, ᓇᒧᐃ ᐋ ᑰᐦᒋ ᐊᔨᒥᐦᑖᓈᐙᐤ ᑳ ᐃᑎᑖᒄ ᒋᔐᒪᓂᑑ, ᒦᓐ ᒉ ᐗᓂᔥᑳᔨᒡ ᒥᓯᐌ ᐊᓂᔫ ᑳ ᐴᓂᐱᒫᑎᓯᔨᒡ᙮

Matthew 22:31 Iomraidhean Croise

Matthew 12:3

Ekw Jesus kaa itaat aniyuu Phariseeh, “Chichii ayimihtaanaawaache masinahiikanihch kaa tipaachimaakanuut aniyaa chisheuchimaau David, misiwe maak aniyuu kaa wiicheukut iskutak kaa wii miichisutwaau.

Matthew 12:7

Wesh itashteu masinahiikanihch Chishemanituu e chii itwet, Chishewaatisiiwin eukw netuweyihtamaan, namui wii e machishtawehamaanuuhch chekwaan. Nisituhtamekw maak uu taan nihaau e itwemakahch, namui chipaa uhchi wiyaaskunaawaauch anichii ekaa kaa machituutahkwaau.

Matthew 21:16

Ekw kaa itaatwaau aniyuu Jesus, “Chipehtawaauch aa taan e itwetwaau.” Jesus kaa itaat, “Nipehtuwaauch, namui aa wiiskaat chuuhchi ayimihtaanaawaau Chishemanituu utayimuwinihch anit kaa itashtech, Chishemanituu chii ihtuutaweu awaasha kaye apishtawaasha chechii miyu maamihchimikut.”

Matthew 21:42

Ekw Jesus kaa itaat, “Namui aa kuuhchi ayimihtaanaawaau kaa itashtech anite Chishemanituu utayimuwinihch, Chii aataweyimeuch kaa waaskaahiikanihchetwaau aniyuu asinii chihchiwe e aapatisiyich e chiihcheyaayich. Eukw uyuu Utipeyihchikeu utaihtuwin, nuwach miskaasinaakuniyuu e kanawaapahtaakanuyich.”

Matthew 22:30

Wesh iskutak utihchipayihche che wanishkaatwaau anichii kaa puunipimaatisiitwaau, taapaa kata uhchi niipuuch kaye namui kata uhchi niipuuhaakanuuch, wesh aniyuu e iteyihtaakusiyich Chishemanituu utenchilimh kihchikiishikuhch kaa ihtaayich ekun mwehch che iteyihtaakusitwaau.

Matthew 22:32

Chii iteu, ‘Eukw niya uchishemanituumiwaau, Abraham, Isaac ekw maak Jacob.’ Namui uchishemanituumitutaakuu Chishemanituu aniyuu kaa nipiyich mikw aniyuu kaa pimaatisiyich.”

Matthew 9:13

Wii nisituhtamukw maa anite chihchi masinahiikanihch kaa itashtech, ‘Chishewaatisiiwin eukw netuweyihtamaan, namui wii e machishtawehamaanuuhch chekwaan.’ Namui anichii kaa kuiskutaatisiitwaau wehchi takushiniyaan. Nichii takushin chechii nituumakwaau umachihtwaauch chechii kweskaatisiitwaau.”