Matthew 22:17 - Chishemanituu Utayimuwin: Kaa Uskaach Testament

¹⁷ Ekw maak netuweyimitaahch chechii wiihtamuyaahch, itashteu aa wiishuwewinihch Rome chisheuchimaau chechii miyaakanuut aniyuu shuuliyaayuu kaa chiishiihkamiyich aweyuu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁷ ᐁᒄ ᒫᒃ ᓀᑐᐌᔨᒥᑖᐦᒡ ᒉᒌ ᐐᐦᑕᒧᔮᐦᒡ, ᐃᑕᔥᑌᐤ ᐋ ᐐᔓᐌᐎᓂᐦᒡ ᕎᒻ ᒋᔐᐅᒋᒫᐤ ᒉᒌ ᒥᔮᑲᓅᑦ ᐊᓂᔫ ᔔᓕᔮᔫ ᑳ ᒌᔒᐦᑲᒥᔨᒡ ᐊᐌᔫ᙮

Matthew 22:17 Iomraidhean Croise

Matthew 17:25

Ekw Peter kaa itaat, “Ehe.” Iskutak maak Peter e ati piihchet aniyuu waaskaahiikaniyuu, eshkw ekaa chii itaat chekwaayuu Jesus chii kakwechimikuu e itikut, “Simon, taan e iteyihtaman chiya. Awen chipaa miyeu shuuliyaayuu aniyuu Chisheuchimaau utah aschiihch kaa ihtaayich. Utawaashiimh aa e ihtaayich chipaa uhchipayiyuu shuuliyaayuu maak kutak aweyuuh e ihtaayich.”

Matthew 22:18

Jesus maak chii chischeyimeu nitamukw e chii wii itwehiikut ekw kaa itaat, “Chiyawaau kaa ayimihehkaasuyekw, chekwaan wehchi wii pechi kakwechihiyekw.

Luke 2:1

Mekwaach maak Caesar Augustus e chii chisheuchimaaut, chii itashuweu misiwe iinuuh anit Rome aschiihch kaa ihtaayich chechii tipachimaakanuyich kaye chechii masinahwaakanuyich.

Luke 20:22

Ekw maak netuweyimitaahch chechii wiihtamuyaahch, itashteu aa wiishuwewinihch Rome chisheuchimaau chechii miyaakanuut aniyuu shuuliyaayuu kaa chiishiihkamiyich aweyuu.”

Luke 3:1

Aniyuu pepuniyich niyaayinushaap pipunh kaa ishpish chisheuchimaaut Tiberius kaa ishinihkaasut, Pontius Pilate mekwaach chii niikaanishkaacheu anite Judea aschiihch ekw Herod anite Galilee aschiihch kaa niikaanishkaachet ekw wiichishaan Herod, Philip kaa ishinihkaasuyich anite chii niikaanishkaacheyuu Iturea kaye Trachonitis kaa ishinihkaatekwaauh aschii. Ekw Lysanias kaa niikaanishkaachet anite Abilene kaa ishinihkaateyich aschiiyuu.

ᐊᐸᔅᑕᓚᒡ 17:7

Jason maak anite wiichihch chii kanuweyimeche Paul ekw maak Silas. Namui maak nuuhchi miskawaanaanich aat e chii naanituweyimachihtwaau anite. Ekw maak Jason piyeshuwachiht kaye aniyuuh uwiichewaakanh. Misiwe aanuwehtamuch taan e itashteyich Chisheuchimaau Caesar uwiishuwewiniyuu, e itwetwaau e ihtaayich kutak Chisheuchimaau Jesus e ishinihkaasuyich,” eukw uyuu chipaa nanihiihtawaakanuyuu e itwetwaau.

ᐊᐸᔅᑕᓚᒡ 25:8

Chek maak Paul kaa ayimishtamaasut. Chii itweu, “Namui nuuhchi wanituuten Jewa wiishuwewin. Namui kaye nuuhchi ihtin chechii maayeyihtamaan Jewa chisheayimiheukamikw maak chechii wanituutawak Rome chisheuchimaau.”

ᐊᐸᔅᑕᓚᒡ 28:22

Mikw maak chiwii chischeyimitinaan taan e iteyihtamihiikuyin chiiya, wesh mihchetu awenichii mishihte uu aschii namui miyusinahamuch uyuu kaa ishi taapwehtamuwekw.”

ᐊᐸᔅᑕᓚᒡ 5:37

Paatimaa maak Judas, an Galilee kaa uhchiit, chii takushin mekwaach kaa achimaakanuyich iinuu. Kaye wiya maak chii mihchetiyuu aweyuu kaa nuushuushkaakut, mikw maak kaye wiya chii nipahaakanuu kaye chii ascheyaamuhchaanuyuu aniyuu kaa nuushuushkaakut.