Matthew 21:46 - Chishemanituu Utayimuwin: Kaa Uskaach Testament

⁴⁶ Chii wii maakuneuch maak aniyuu Jesus, mikw chii kushteuch aniyuu iinuu taan che ihtiyich wesh anichii iinuuch mitun chii cheshtinaateyihtamuch Jesus e uchischiwehiichesuyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁶ ᒌ ᐐ ᒫᑯᓀᐅᒡ ᒫᒃ ᐊᓂᔫ ᒌᓴᔅ, ᒥᒄ ᒌ ᑯᔥᑌᐅᒡ ᐊᓂᔫ ᐄᓅ ᑖᓐ ᒉ ᐃᐦᑎᔨᒡ ᐌᔥ ᐊᓂᒌ ᐄᓅᒡ ᒥᑐᓐ ᒌ ᒉᔥᑎᓈᑌᔨᐦᑕᒧᒡ ᒌᓴᔅ ᐁ ᐅᒋᔅᒋᐌᐦᐄᒉᓱᔨᒡ᙮

Matthew 21:46 Iomraidhean Croise

Matthew 21:11

Ekw kaa itikutwaau aniyuu iinuuh kaa wiichewaayich Jesus, “Jesus an. Eukun uu uchischiwehiichesuu anite Nazareth, Galilee aschiihch, kaa uhchiit.”

Matthew 21:26

Maak itweyihkwe ‘Naapeu chii itikuu,’ chika wii yaakwaamiishtuwaanuuch taan che ihtuutaatahkwaau anichii iinuuch. Wesh misiwe taapwehtamuch John e chii uchischiwehiichesuyich.”

Matthew 21:45

Anichii maak kaa niikaanapitwaau ayimiheuchimaauch kaye anichii Phariseech chii pehtaweuch Jesus e wiihtamiyich uyuu tipaachimuwin chiskutamaachewiniyuu, chii chischeyihtamuch maak wiyawaau e aayimuumikutwaau.

Matthew 22:1

Ekw Jesus miin kaa ayimihaat aniyuu iinuu tipaachimuwin chiskutamaachewiniyuu e aapachihtaat.

Mark 11:18

Anichii maak kaa niikaanapitwaau ayimiheuchimaauch nesht anichii wiishuwewiniyuu kaa chischinuhamaachetwaau chii pehtamuch uyuu e chii itweyikupanenh. Aniyuu maak misiwe aweyuu e miskaashtamiyich taan kaa ishi chiskutamaacheyich Jesus chii sechisuuch uchii chisheayimiheuchimaauch kaye anichii masinahiichesuuch ekw kaa naanituu chischeyihtahkwaau taan chechii ihtitwaau chechii nipahaakanuyich Jesus.

Luke 7:16

Misiwe maak anit kaa tashitwaau awenichii chii sechisuuch ekw kaa chishtaachimaatwaau Chishemanituu e itwetwaau, “Chichii utihtikunuu e chisteyihtaakusit uchischiwehiichesuu. Kaye maak chii itweuch, Chishemanituu pechi wiichiheu utiiniim.”

Luke 7:39

An maak Pharisee kaa wiishaamaat Jesus, iskutak wiyaapamaat aniyuu iskweu aniyuu e ihtiyich chii iteyimeu, “Chipaa chischeyimeu uyuu iskweu e ishpish machaatisiyich kaa taahtinikut taapwe e uchischiwehiichesuukwe.”

John 7:30

Ekut kaa wii maakunaatwaau Jesus mikw maak namui uhchi pischeyimeuch, wesh eshkw namui uhchi utihchipayuu anit chipaa maakunaakanuu.

John 7:7

Taapaa ihtakuniyuu chekwaayuu chechii uhchi uhkaatitaakuch awenich utah aschiihch kaa ihtaatwaau ekaa kaa taapweyimaatwaau Chishemanituu, mikw maak nuuhkaatikuch niya wesh niwiihten taan e ishpish machaatisiinaanuuhch.

ᐊᐸᔅᑕᓚᒡ 2:22

Kaa ati itwet miin Peter, “Chiyawaau Israelihch kaa uhchiyekw Nituhtuukw taan che ishi aayimuumak Jesus Nazareth kaa uhchiit. Mitun chii nuukuniyuu taapwe Chishemanituuh e chii pechi itishahukut aniyuu e chii maamishkaach ihtit kaye e chii maamishkaach waapahtiiwet nanaahkuu chekwaayuu kaye maak e chii waapahtiiwet chischinawaach waapahtiiwewinh. Chiyawaau chichischeyihtenaawaau uu wesh ekut utah mekwesiinuu e ihtaayekw kaa ihtuutahk uyuuh chekwaayuuh Chishemanituuh e chii miikut kaschihuwiniyuu.