Matthew 21:43 - Chishemanituu Utayimuwin: Kaa Uskaach Testament

⁴³ Ekw Jesus kaa ati itaat, “Uu maak chii wii ishi wiihtamaatinaawaau, Chishemanituu uchisheuchimaawin kata iichenikanuu anit chiyawaau e ihtaayekw, ekw che aashuumiyaakanuutwaau anichii taapwe che nuukuhtaawaatwaau upimaatiisiwiniwaahch Chishemanituuh uchisheuchimaawiniyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴³ ᐁᒄ ᒌᓴᔅ ᑳ ᐊᑎ ᐃᑖᑦ, ᐆ ᒫᒃ ᒌ ᐐ ᐃᔑ ᐐᐦᑕᒫᑎᓈᐙᐤ, ᒋᔐᒪᓂᑑ ᐅᒋᔐᐅᒋᒫᐎᓐ ᑲᑕ ᐄᒉᓂᑲᓅ ᐊᓂᑦ ᒋᔭᐙᐤ ᐁ ᐃᐦᑖᔦᒄ, ᐁᒄ ᒉ ᐋᔔᒥᔮᑲᓅᑣᐤ ᐊᓂᒌ ᑖᐺ ᒉ ᓅᑯᐦᑖᐙᑣᐤ ᐅᐱᒫᑏᓯᐎᓂᐙᐦᒡ ᒋᔐᒪᓂᑑᐦ ᐅᒋᔐᐅᒋᒫᐎᓂᔫ᙮

Matthew 21:43 Iomraidhean Croise

Matthew 12:28

Namayeu Beelzebul utahchaahkwa kaa pechi miit kaschihuwiniyuu chechii wiiwiitishihuumach machiahchaahkwa, Chishemanituu Utahchaahkwa eukw kaa pechi miit kaschihuwiniyuu chechii ihtuutamuch uyuu. Ekut maak wehchi waapahtiikuyekw taapwe Chishemanituu uchisheuchimaawin shaash mitun e utihtahukuwekw.”

Matthew 21:41

Ekw kaa itikut aniyuu kaa tipaachimushtuwaat iinuu, “Takushihke an uchimaau chika nipaheu aniyuuh machi aapachihaakanh ekw che miyaat kutak aweyuu chechii naanaakachihtaayich aniyuu unihtaauchihchikan aschii, eukw maak uyuuh che miikut wiya taan e ishi tipiyeusiit iskutak chiishi nihtaauchiniikwaawenh aniyuu unihtaauchihchikan.”

Matthew 21:42

Ekw Jesus kaa itaat, “Namui aa kuuhchi ayimihtaanaawaau kaa itashtech anite Chishemanituu utayimuwinihch, Chii aataweyimeuch kaa waaskaahiikanihchetwaau aniyuu asinii chihchiwe e aapatisiyich e chiihcheyaayich. Eukw uyuu Utipeyihchikeu utaihtuwin, nuwach miskaasinaakuniyuu e kanawaapahtaakanuyich.”

Matthew 21:44

Wesh itashteu anite Chishemanituu utayimuwinihch, ‘Awen e pisusimikut aniyuu asinii mitun chika piikushin, ekw maak maahtakuhukute aniyuu asinii mitun tekash kata pichischishkaakuu.’ ”

John 3:3

Jesus kaa itaat, “Kuiskw chiwiihtamaatin, namui awen chika chii waapahtamuweu Chishemanituu uchisheuchimaawiniyuu paatish miin pimaatisiite.”

John 3:5

Jesus kaa itaat, “Kuiskw chiwiihtamaatin, namui awen chika chii piihcheu Chishemanituu uchisheuchimaawiniihch paatish nipiihch kaye Ahchaahkuwinihch uhchi pimaatisiite

1 Corinthians 13:2

Kaye maak aat miikuyaan chechii kaschihuyaan e chischiwehiicheyaan, kaye maak aat misiwe chischeyihtamaan niya taan e ishi ekaa chischeyihtahkwaau kutakach awenich, kaye aat miikuyaan misiwe chechii chischeyihtamaan chekwaan ekaa uhchi chischeyihtamihiiwaanuuhch anite utaahch kaye maak aat ayaayaan taapwehtamuwin chechii aahtinamaan wachiih ekaa maak ayaayaan saachihiiwewin yaapach namui mitun chekwaan nipaa uhchi iteyihtaakusin.

1 Peter 2:9

Chiyawaau an kaa itiskaanesiyekw chichii wiyaapamikuwaau Chishemanituu kaye eukw chiyawaau maauch kaa niikaaneyihtaakusit chisheuchimaau utayimiheuchimaamh. Eukw chiyawaau kaa payehchisiitwaau kaa itiskaanesitwaau iinuuch, eukw chiyawaau Chishemanituu tipiiwe utiiniimih. Chiyawaau chichii wiyaapamikunaawaau chechii waawiihtamuwekw taan e ishi chisteyihtaakuniyikwaauh utayihtuwinh an kaa wiishaamitaakw wanitipiskusiiwinihch uhchi anite ishi umaamishkaach waashtewinihch.