Matthew 21:39 - Chishemanituu Utayimuwin: Kaa Uskaach Testament

³⁹ Ekw kaa maakunaatwaau, kaa wiiwiitishinaatwaau anit uhchi aniyuu nihtaauchihchikan aschiiyuu ekw kaa nipahaatwaau.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁹ ᐁᒄ ᑳ ᒫᑯᓈᑣᐤ, ᑳ ᐐᐐᑎᔑᓈᑣᐤ ᐊᓂᑦ ᐅᐦᒋ ᐊᓂᔫ ᓂᐦᑖᐅᒋᐦᒋᑲᓐ ᐊᔅᒌᔫ ᐁᒄ ᑳ ᓂᐸᐦᐋᑣᐤ᙮

Matthew 21:39 Iomraidhean Croise

Matthew 21:38

Mikw maak anichii kaa naanaakachihtaatwaau aniyuuh nihtaauchihchikan iskutak wiyaapamaatwaau aniyuu uchimaamuwaauh ukusiyuuh chii itituuch, ‘Eukw uyuu an kuuchimaaminuu tipiyeu ukusisa. Wiya chika aashuu miyaakanuu uyuu nihtaauchihchikan aschiiyuu. Nipahaataau. Ekw maak uyuu utaschii chiyaanuu che tipiyeusiyuuhkw.’

Matthew 21:40

Ekw Jesus kaa itaat aniyuu kaa niikaanishkuwaayich ayimiheuchimaau kaye aniyuu Phariseeh kaa tipaachimushtuwaat, “Taan maak e iteyimekw che ihtuutuwaat an uchimaau aniyuu kaa naanaakachihtaayich unihtaauchihchikanh iskutak takushihke.”

Matthew 26:50

Ekw Jesus kaa itaat, “Niwiichewaakan, ihtuut kiipaa taan kaa wii ihtiyin.” Ekw anichii iinuuch kaa maakunaatwaau Jesus ekw kaa ihtuutuwaatwaau taan kaa wii ihtuutuwaatwaau.

Matthew 26:57

Anichii maak kaa maakunaatwaau Jesus chii ituhtaheuch anite chisheayimiheuchimaau Caiaphas e ihtaayich. Shaash maak chii nishtuwiyuuh aniyuu kaa niikaanishkuwaayich Jewa iinuuh kaye aniyuu wiishuwewiniyuu kaa chiskutamaacheyitwaauh anite aniyuu chisheayimiheuchimaau uwaaskahiikanimiihch.

John 18:12

Anichii maak shimaakanishach ekw maak aniyuu uchimaamuwaauh kaye maak anichii Jewa kaa itiskaanesitwaau kaa maakunawesuutwaau chisheayimiheukamikuhch, chii maakuneuch aniyuuh Jesus kaye chii maahkupiteuch.

John 18:24

Ekw Annas kaa itishahwaat aniyuu Jesus anite Caiaphas chisheayimiheuchimaau e ihtaayich eshkw e maahkupisuyich.

ᐊᐸᔅᑕᓚᒡ 2:23

Shaash anite chii wiyeyihtam Chishemanituu chiyawaau e ihtaawekw che ishi pachishtinaat Jesus, chiyawaau maak chichii nipahaawaau e chii pachishtinekuch naapeuch e machaatisiitwaau chechii chiistaaskuhwaatwaau aashiteyaahtikuhch.

ᐊᐸᔅᑕᓚᒡ 4:10

Misiwe chipaa chischeyihtenaawaau kaye misiwe Israel iinuuch chipaa chischeyihtamuch Jesus utishinihkaasuwiniyuu e chii miinuwaachihiikut uu naapeu. Eukw uu Jesus Christ Nazareth kaa uhchiit, an kaa chiistaaskuhwekw aashiteyaahtikuhch kaye aniyuu Chishemanituu miin kaau kaa wanishkaanaat nipuwinihch uhchi.

ᐊᐸᔅᑕᓚᒡ 5:30

Aniyuuh Chishemanituuh kaa atushkuwaatwaau aniyehkaanaanich aanische kuuhtaawiinuuch, eukw uu kaa wanishkaanaat Jesus an kaa nipahekw aashiteyaahtikuhch.

ᐊᐸᔅᑕᓚᒡ 7:52

Aniyehkaanaanich weskach chiwaahkumaakanuwaauch, misiwe uchischiwehiichesuuh chii nanehkaachiheuch. Kaye chii nipaheuch aniyehkaanaanh kaa pechi niikaan wiihtamiitwaau che takushiniyich aniyuu Ukuiskutaatisiiu kaa ishinihkaasuyich. Eukw maak uu kaa wiyesipachishtinekw kaye kaa nipahekw.

James 5:6

Chichii nishuuwanaachimaawaauch kaye chichii nipahaawaauch kaa kuiskutaatisiitwaau. Namui maak chinishkuushtaakuwaauch anichii awenichii uyuu kaa ihtuutawekuch.