Matthew 21:37 - Chishemanituu Utayimuwin: Kaa Uskaach Testament

³⁷ Ekw chek aniyuu ukusisa kaa itishahwaat an uchimaau e itwet, ‘Chika chisteyimeuch uyuu nikusa.’

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁷ ᐁᒄ ᒉᒃ ᐊᓂᔫ ᐅᑯᓯᓴ ᑳ ᐃᑎᔕᐦᐙᑦ ᐊᓐ ᐅᒋᒫᐤ ᐁ ᐃᑗᑦ, ᒋᑲ ᒋᔅᑌᔨᒣᐅᒡ ᐅᔫ ᓂᑯᓴ᙮

Matthew 21:37 Iomraidhean Croise

Matthew 21:36

Ekw maak an uchimaau miin chii itishahweu kutak aapachihaakanh, etituu e mihchetiyich. Mikw maak anichii kaa naanaakachihtaatwaau aniyuu nihtaauchihchikan yaapach ekun kaa ihtuutuwaatwaau aniyuu aapachihaakan.

Matthew 21:38

Mikw maak anichii kaa naanaakachihtaatwaau aniyuuh nihtaauchihchikan iskutak wiyaapamaatwaau aniyuu uchimaamuwaauh ukusiyuuh chii itituuch, ‘Eukw uyuu an kuuchimaaminuu tipiyeu ukusisa. Wiya chika aashuu miyaakanuu uyuu nihtaauchihchikan aschiiyuu. Nipahaataau. Ekw maak uyuu utaschii chiyaanuu che tipiyeusiyuuhkw.’

Matthew 3:17

Ekw kaa pehtawaatwaau aweyuu anite uhchi kihchikiishikuhch e itweyich, “Eukuu Nikus kaa saachihiik kaye naashch taapwe kaa naniheyihtamihiit.”

Mark 12:6

Chek mikw peyakw naapeu kaa ihtaayich anit e ihtaat an uchimaau, eukw uyuu tipiyeu ukusisa. Eukw uyuuh kaa itishahwaat chek e iteyihtahk, ‘Chika chisteyimeuch uyuu nikusa.’

Luke 20:13

Ekw an kaa tipiyeusiit aniyuu nihtaauchihchikan aschiiyuu chii maamituneyihtam taan chipaa chii ihtuu. Chek kaa iteyihtahk, ‘Nika itishahwaau niya tipiiwe nikus kaa saachihak. Chika chisteyimeuch waapamaatwaawenich.’

John 1:18

Namui wiiskaat awen uhchi waapameu Chishemanituu, mikw aniyuu kaa peyakushiyich Ukusisa kaa saachihaat chii ihtuutaakuu chechii chischeyimaakanuut.

John 1:34

Nichii waapahten uu kaa ispayihch kaye chiwiihtamaatinaawaau eukw aniyuu Chishemanituu Ukusisa,” chii iteu John.

John 3:16

Wesh Chishemanituu e ishpish chii saachihaat misiwe aweyuu utah aschiihch chii miiweu kaa peyakushiyich Ukusisa, misiwe aweyuuh kaa taapweyimaayich ekaa chechii nishuunaatisiyich maak chechii ayaayich kaachiche pimaatisiiwiniyuu.