Matthew 21:33 - Chishemanituu Utayimuwin: Kaa Uskaach Testament

³³ Ekw Jesus kaa itaat, “Nituhtamukw miin uu kutach Chiskutamaacheu tipaachimuwin. Chii ihtaau peyakwaau uchimaau e nihtaauchihtaat miinishah anit chechii uhchi ushihtaat shuuminaapuuyuu. Chii chipaham maak misiwe waaskaa aniyuu unihtaauchihchikan aschii. Kaye chii muunaauhkaham taanite che pichishchishkaakanuyikwaau aniyuu miinisha. Chii ushihtaau kaye chiimuushaapiiukamikuyuu anite che uhchi naanaakachihtaakanuyikwaau aniyuu unihtaauchihchikanh. Iskutak maak kaa chiishkwaa aihtit chii naanituwaapameu aweyuu chechii naanaakachihtaayich uyuu utaschii ekw kaa chistuhtet, waahiyuu e ihtakuniyich aschiiyuu kaa ituhtet.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³³ ᐁᒄ ᒌᓴᔅ ᑳ ᐃᑖᑦ, ᓂᑐᐦᑕᒧᒄ ᒦᓐ ᐆ ᑯᑕᒡ ᒋᔅᑯᑕᒫᒉᐤ ᑎᐹᒋᒧᐎᓐ᙮ ᒌ ᐃᐦᑖᐤ ᐯᔭᒀᐤ ᐅᒋᒫᐤ ᐁ ᓂᐦᑖᐅᒋᐦᑖᑦ ᒦᓂᔕᐦ ᐊᓂᑦ ᒉᒌ ᐅᐦᒋ ᐅᔑᐦᑖᑦ ᔔᒥᓈᐴᔫ᙮ ᒌ ᒋᐸᐦᐊᒻ ᒫᒃ ᒥᓯᐌ ᐙᔅᑳ ᐊᓂᔫ ᐅᓂᐦᑖᐅᒋᐦᒋᑲᓐ ᐊᔅᒌ᙮ ᑲᔦ ᒌ ᒨᓈᐅᐦᑲᐦᐊᒻ ᑖᓂᑌ ᒉ ᐱᒋᔥᒋᔥᑳᑲᓄᔨᒀᐤ ᐊᓂᔫ ᒦᓂᔕ᙮ ᒌ ᐅᔑᐦᑖᐤ ᑲᔦ ᒌᒨᔖᐲᐅᑲᒥᑯᔫ ᐊᓂᑌ ᒉ ᐅᐦᒋ ᓈᓈᑲᒋᐦᑖᑲᓄᔨᒀᐤ ᐊᓂᔫ ᐅᓂᐦᑖᐅᒋᐦᒋᑲᓐᐦ᙮ ᐃᔅᑯᑕᒃ ᒫᒃ ᑳ ᒌᔥᒀ ᐊᐃᐦᑎᑦ ᒌ ᓈᓂᑐᐙᐸᒣᐤ ᐊᐌᔫ ᒉᒌ ᓈᓈᑲᒋᐦᑖᔨᒡ ᐅᔫ ᐅᑕᔅᒌ ᐁᒄ ᑳ ᒋᔅᑐᐦᑌᑦ, ᐙᐦᐃᔫ ᐁ ᐃᐦᑕᑯᓂᔨᒡ ᐊᔅᒌᔫ ᑳ ᐃᑐᐦᑌᑦ᙮

Matthew 21:33 Iomraidhean Croise

Matthew 13:18

“Chiyawaau nichischinuhamuwaakanich chika wiihtamaatinaawaau taan nihaau e ishi wiihtamaachemakahch an chiskutamaacheu tipaachimuwin kaa tipaachimuyaan naapeu kaa nihtaauchihaat shuumin.

Matthew 20:1

“Maau e ishinaakuhch kihchikiishikw chisheuchimaawin. Chii ihtaau peyakwaau uchimaau e tipiyeusiit shuuminaahtikw nihtaauchihchikan aschiiyuu. Peyakwaau maak wiipach e chechishepaayaayich chii wiiwiyuu e nituu naanituweyimaat aweyuuh chechii utaaskunaat, chechii aapatisiyich anite ushuuminaahtikw nihtaauchihchikan aschiihch.

Matthew 21:28

“Chika tipaachimushtaatinaawaau che maamituneyihtamekw maak. Chii ihtaau peyakwaau naapeu e chii niishiyich ukusisa. Ekw kaa nituwaapamaat aniyuu westesimaawiyich ekw kaa itaat, ‘Nikus nituu aapatisih maa anite nishuuminaahtikw nihtaauchihchikan aschiihch anuhchiish.’

Matthew 23:2

Chii iteu maak, “Anichii kaa chiskutamaachetwaau wiishuwewiniyuu ekw maak anichii Phariseech chiskutamaacheuch Moses uwiishuwewiniyuu, Chishemanituu kaa miikuyich.

Mark 13:34

Ekun mwehch e ishinaakuhch naapeu waahiyuu e wii ispayit. Iskutak che nakatahk wiich utaapachihaakanh miyeu che uchimaawiyich mekwaach ekaa ihtaate. Misiwe paahpeyakw wiihtamuweu che itaapatisiyich. Kaye aniyuuh kaa kanuushkuwaahtaweyich itashumeu yaakwaau chechii naanaakachihtaayich ishkwaahtemiyuu.

Luke 19:12

“Naapeu naashch e chisteyihtaakusit, chii ituhteu anite waahyuu aschiihch chechii chisheuchimaauhaakanuut ekw maak miin kaau kaa pechi chiiwet.

John 15:1

Jesus chii iteu uchischinuhamuwaakanh, “Niya eukw chihchiwe shuuminaahtikw ekw Nuuhtaawii chihchiwe kaa nihtaauchihchet.