Matthew 21:32 - Chishemanituu Utayimuwin: Kaa Uskaach Testament

³² Wesh John kaa siikahiitaachet chichii pechi nituwaapamikuwaau e chii wii waapahtiitaakw kuiskutaatisiiwiniyuu, namui maak chuuhchi taapwehtawaawaau. Mikw maak anichii chisheuchimaau kaa aapachihiikuutwaau e maamuushtinamuwaatwaau ushuuliyaamiyuu kaye anichii pisikwaatisiiskweuch chii taapwehtaweuch taan kaa ishi aayimuutamaakutwaau kuiskutaatisiiwiniyuu. Aat iskutak wiyaapamekuch e taapwehtahkwaau uchii, namui yaapach chuuhchi kweskaatisiinaawaau namui yaapach chuuhchi taapwehtenaawaau.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³² ᐌᔥ ᒞᓐ ᑳ ᓰᑲᐦᐄᑖᒉᑦ ᒋᒌ ᐯᒋ ᓂᑐᐙᐸᒥᑯᐙᐤ ᐁ ᒌ ᐐ ᐙᐸᐦᑏᑖᒄ ᑯᐃᔅᑯᑖᑎᓰᐎᓂᔫ, ᓇᒧᐃ ᒫᒃ ᒎᐦᒋ ᑖᐺᐦᑕᐙᐙᐤ᙮ ᒥᒄ ᒫᒃ ᐊᓂᒌ ᒋᔐᐅᒋᒫᐤ ᑳ ᐋᐸᒋᐦᐄᑰᑣᐤ ᐁ ᒫᒨᔥᑎᓇᒧᐙᑣᐤ ᐅᔔᓕᔮᒥᔫ ᑲᔦ ᐊᓂᒌ ᐱᓯᒀᑎᓰᔅᑴᐅᒡ ᒌ ᑖᐺᐦᑕᐌᐅᒡ ᑖᓐ ᑳ ᐃᔑ ᐋᔨᒨᑕᒫᑯᑣᐤ ᑯᐃᔅᑯᑖᑎᓰᐎᓂᔫ᙮ ᐋᑦ ᐃᔅᑯᑕᒃ ᐎᔮᐸᒣᑯᒡ ᐁ ᑖᐺᐦᑕᐦᒀᐤ ᐅᒌ, ᓇᒧᐃ ᔮᐸᒡ ᒎᐦᒋ ᑴᔅᑳᑎᓰᓈᐙᐤ ᓇᒧᐃ ᔮᐸᒡ ᒎᐦᒋ ᑖᐺᐦᑌᓈᐙᐤ᙮

Matthew 21:32 Iomraidhean Croise

Matthew 11:18

Iskutak maak John kaa takushihk namui meshikum uhchi utinam miichimiyuu, namui kaye uhchi minihkweu shuuminaapuuyuu, ekw maak kaa itaakanuut machiahchaahkwa e piihchishkaakut.

Matthew 21:25

Pechi wiihtamuukw, aweyuu kaa itashumikut John chechii siikahaahtuwaat aweyuu. Chishemanituu aa maak naapeu.” Chii machipayuuch maak anit wiyawaau e itwetwaau, “Itweyihkwe, ‘Chishemanituu chii itikuu,’ chika itikunuu, ‘Chekwaan maak wehchi ekaa uhchi taapwehtawekw.’

Matthew 21:31

Taan maak yaakw anichii e niishitwaau naapeshach kaa nanihiihtuwaat uhtaawii.” Ekw Jesus kaa itikut aniyuu kaa kakwechimaat, “An ustesimaau.” Ekw Jesus kaa itaat, “Chiwiihtamaatinaawaau, anichii nitamukw kaa ihtitwaau chisheuchimaau e aapachihiikutwaau chechii maamuushtinamuwaatwaau ushuuliyaamiyuu ekw maak anichii pisikwaatisiiskweuch eukunich niishtam che piihchetwaau Chishemanituu uchisheuchimaawiniihch eshkw ekaa chiyawaau piihcheyekw.

Matthew 5:46

Chekwaayuu chipaa uhchi miikw Chishemanituu chikaaniyuwiniyuu mikw saachihiitwaau anichii awenichii kaa saachihiiskwaau. Wesh ekun misiwaach e ihtitwaau anichii kaa machituutahkwaau.

2 Timothy 2:25

Kaye chiyaam chipaa ihtuutaweu e wii kuiskunaat aniyuu kaa naniskuustaakut aweyuuh. Chek maa chipaa chii ihtuutaakuyuuh Chishemanituu chechii kweskaatisiyich kaye chechii chischeyihtamiyich taapwewiniyuu.

Hebrews 3:12

Niichishaanitikw, yaakwaamiikw ekaa chechii ihtaat awen anit e tashiyekw e machitehet e ayaat aanuwehtamuwiniyuu wesh chek chika chii ishinaakuniyuu chechii ati nakataat Chishemanituuh aniyuuh pemaatisiyich.

2 Peter 2:21

Uste chipaa miywaayikupane ekaa mechim uhchi chischeyihtakwaau taapwewiniyuu ishpishaat wii chechii chischeyihtahkwaau ekw maak kaau chechii nakatahkwaau aniyuu kaa ishi chischeyihtamihaakanuutwaau.

Revelation 2:21

Nichii ashuwaapamaau maak chechii kweskaatisiit namui maak uhchi wii nakatam uwiinishuwaatisiiwin.