Matthew 21:31 - Chishemanituu Utayimuwin: Kaa Uskaach Testament

³¹ Taan maak yaakw anichii e niishitwaau naapeshach kaa nanihiihtuwaat uhtaawii.” Ekw Jesus kaa itikut aniyuu kaa kakwechimaat, “An ustesimaau.” Ekw Jesus kaa itaat, “Chiwiihtamaatinaawaau, anichii nitamukw kaa ihtitwaau chisheuchimaau e aapachihiikutwaau chechii maamuushtinamuwaatwaau ushuuliyaamiyuu ekw maak anichii pisikwaatisiiskweuch eukunich niishtam che piihchetwaau Chishemanituu uchisheuchimaawiniihch eshkw ekaa chiyawaau piihcheyekw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³¹ ᑖᓐ ᒫᒃ ᔮᒄ ᐊᓂᒌ ᐁ ᓃᔑᑣᐤ ᓈᐯᔕᒡ ᑳ ᓇᓂᐦᐄᐦᑐᐙᑦ ᐅᐦᑖᐐ᙮ ᐁᒄ ᒌᓴᔅ ᑳ ᐃᑎᑯᑦ ᐊᓂᔫ ᑳ ᑲᑴᒋᒫᑦ, ᐊᓐ ᐅᔅᑌᓯᒫᐤ᙮ ᐁᒄ ᒌᓴᔅ ᑳ ᐃᑖᑦ, ᒋᐐᐦᑕᒫᑎᓈᐙᐤ, ᐊᓂᒌ ᓂᑕᒧᒄ ᑳ ᐃᐦᑎᑣᐤ ᒋᔐᐅᒋᒫᐤ ᐁ ᐋᐸᒋᐦᐄᑯᑣᐤ ᒉᒌ ᒫᒨᔥᑎᓇᒧᐙᑣᐤ ᐅᔔᓕᔮᒥᔫ ᐁᒄ ᒫᒃ ᐊᓂᒌ ᐱᓯᒀᑎᓰᔅᑴᐅᒡ ᐁᐅᑯᓂᒡ ᓃᔥᑕᒻ ᒉ ᐲᐦᒉᑣᐤ ᒋᔐᒪᓂᑑ ᐅᒋᔐᐅᒋᒫᐎᓃᐦᒡ ᐁᔥᒄ ᐁᑳ ᒋᔭᐙᐤ ᐲᐦᒉᔦᒄ᙮

Matthew 21:31 Iomraidhean Croise

Matthew 12:50

Muyaam nikaawii kaye niichishaanich kaye niichishaaniskwemach nititeyimaauch anichii kaa ihtuutahkwaau Nuuhtaawii kihchikiishikuhch kaa ihtaayich utiteyihtamuwiniyuu.”

Matthew 18:3

Ekw kaa itwet, “Taapwe chiwiihtamaatinaawaau, chiishpin ekaa kweskaatisiyekwe ekaa iteyihtaakusiyekwe muyaam awaash e iteyihtaakusit, namui wiiskaat chika chii piihchenaawaau kihchikiishikw chisheuchimaawinihch.

Matthew 20:16

Ekw Jesus kaa ati itwet, “Eukw maak che uhchi utaahch ishi pachishtinaakanuutwaau anichii niikaanihch kaa itahiisutwaau ekw anichii maahchishtai kaa ishi pachishtinisutwaau niikaanaanihch chikaa ishi pachishtinaakanuuch.”

Matthew 21:30

Ekw an uhtaawiimaau kaa nituwaapamaat aniyuu kutak ukusisa, miin ekun kaa itaat chechii nituu aapatisiyich anite. Ekw kaa itikut aniyuu ukusisa, ‘Eh, nika ituhten.’ Namui maak uhchi ituhteyuuh.

Matthew 5:18

Wii chischisikw, che ishpish ihtakunikwe kihchikiishikw kaye aschii, namui waawaach an maauch e apishaashich e masinaatech wiishuwewinihch chika uhchi paashikunaakun, paatish misiwe chii ispayihche taan e itashtech che ispayihch.

Matthew 5:46

Chekwaayuu chipaa uhchi miikw Chishemanituu chikaaniyuwiniyuu mikw saachihiitwaau anichii awenichii kaa saachihiiskwaau. Wesh ekun misiwaach e ihtitwaau anichii kaa machituutahkwaau.

Matthew 6:5

“Kaye maak e ayimihaayin, ekaawii ihtih e ihtitwaau anichii utayimihehkaasuch. Naashch e miyeyihtahkwaau e naaniipuutwaau e ayimihaatwaau anite ayimiheukamikuhch kaye anite wiyesh misiwe aweyuu chechii waapamikutwaau. Chiwiihtamaatin shaash ayaauch utipahamaakusiiwinawaau uchii.

Matthew 7:21

“Namui misiwe awen kaa pechi ishinihkaasit, ‘Utipeyihchikeu, Utipeyihchikeu,’ chika uhchi piihcheu kihchikiishikw chisheuchimaawinihch, anichii eukw kaa ihtuutahkwaau taan e ishi nituweyimikutwaau Nuuhtaawii kihchikiishikuhch kaa ihtaayich eukunich anichii che piihchetwaau.”

Matthew 9:9

Ekw Jesus kaa chistuhtet anit uhchi, mekwaach maak e ati pimuhtet, chii waapameu naapeu e apiyich masinahiicheukamikuhch Matthew e ishinihkaasuyich, Chisheuchimaau shuuliyaayuu kaa maamuushtinamiyich e chii itaapatisiyich. Ekw Jesus kaa itaat, “Pechi papaawiicheu.” Ekw Matthew kaa pisikuut, kaa ati wiichewaat Jesus.

Luke 15:10

Ekw miin Jesus kaa itwet, “Aniyuu maak kaa ishpish miyeyihtahk an iskweu e chii miskawaat aniyuu kaa wanihaat ushuuliyaam eukun e ishinaakusiyich Chishemanituu utenchilam, miyeyihtamiyuu iskutak peyakw umachihtwaau e kweskaatisiyich.”

Luke 19:22

Ekw aniyuu uchimaam chii itikuu, ‘Chiya kaa machikuuhpaanewiyin, nika aapachihtaan an kaa itweyin e nishuuwanaachimitaan. Chititeyimin e machihtwaayaan, e utinamaan chekwaan ekaa tipiyeusiyaan kaye e maamuushtinamaan chekwaan ekaa niya uhchi nihtaauchihtaayaan.

Luke 7:29

Misiwe maak aweyuu chii nituhtaakuu Jesus mechim aniyuu maauch kaa machaatisiitwaau kaa iteyimaakanuyich, aniyuu kiipaa kaa maamuushtinamiyich chisheuchimaau shuuliyaayuu kaa itaapatisitwaau. Eukunich uchii kaa nanihiihtamuwaakupanenich aniyuuh taan kaa ishi nituweyihtamiyich Chishemanituu, chii siikahaahtaakuwaakupanenich John.

John 3:3

Jesus kaa itaat, “Kuiskw chiwiihtamaatin, namui awen chika chii waapahtamuweu Chishemanituu uchisheuchimaawiniyuu paatish miin pimaatisiite.”

John 3:5

Jesus kaa itaat, “Kuiskw chiwiihtamaatin, namui awen chika chii piihcheu Chishemanituu uchisheuchimaawiniihch paatish nipiihch kaye Ahchaahkuwinihch uhchi pimaatisiite

ᐊᐸᔅᑕᓚᒡ 17:30

Weskach iinuuch ekaa uhchi chischeyihtahkwaau taan nihaau e iteyihtaakusiyich Chishemanituu chii ushiheuch manituuhkaan, namui maak pitamaa uhchi waweshihiikuuch Chishemanituu. Anuhchiish maak Chishemanituu itashumeu iinuuh misiwe utah aschiihch chechii kweskaatisiyich.

Romans 3:19

Chichischeyihtenaanuu anichii kaa miyaakanuutwaau uyuu wiishuwewiniyuu chipaa nanihiihtamuch misiwe taan e itashuwemakaniyich. Eukw maak uu che uhchi ekaa mitun chii itwet awen ekaa uhchi chischeyihtahk e chii machituutahk kaye maak ekun wehchi misiwe awen utah aschiihch ishinaakuniyich chechii wiyaaskunikut Chishemanituuh.

Romans 5:20

Iskutak kaa pachishtinahk Chishemanituu uwiishuwewin ekut kaa uhchi chischeyihtahkwaau awenichii e ishpish weyuuch machituutahkwaau. Mikw maak taanit kaa weyuuch machituutaakanuuhch Chishemanituu ushaweyihchichewin etituu chii aapatisiimakaniyuu.

2 Peter 3:9

Taapaa pwaashtawiyuu Utipeyihchikeu chechii ihtuutahk taan aniyuuh kaa itwet che ihtuutahk. Pwaashtawiyuu iteyimeuch maak kutakach awenichii. Chisiipiiwesiistaakuwaau wesin, ekaa waachi peyakw aweyuu nitaweyimaat chechii wanaatisiyich, wesh misiwe aweyuuh nituweyimeu chechii nakatamiyich umachaatisiiwiniyuu.