Matthew 21:15 - Chishemanituu Utayimuwin: Kaa Uskaach Testament

¹⁵ Anichii maak kaa niikaanapitwaau ayimiheuchimaauch kaye anichii kaa chiskutamaachetwaau wiishuwewiniyuu chii chishuwaahiikuuch aniyuu Jesus e waapamaatwaau misiwe aniyuu maamishkaach chekwaayuu e ihtuutamiyich. Kaye maak chii uhkaamikuch aniyuu awaasha e ishi tepweyich anit piihtakamihch aniyuu chisheayimiheukamikuyuu, “Maamihchimaataau Jesus David ukusisa,” e itweyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁵ ᐊᓂᒌ ᒫᒃ ᑳ ᓃᑳᓇᐱᑣᐤ ᐊᔨᒥᐦᐁᐅᒋᒫᐅᒡ ᑲᔦ ᐊᓂᒌ ᑳ ᒋᔅᑯᑕᒫᒉᑣᐤ ᐐᔓᐌᐎᓂᔫ ᒌ ᒋᔓᐙᐦᐄᑰᒡ ᐊᓂᔫ ᒌᓴᔅ ᐁ ᐙᐸᒫᑣᐤ ᒥᓯᐌ ᐊᓂᔫ ᒫᒥᔥᑳᒡ ᒉᒀᔫ ᐁ ᐃᐦᑑᑕᒥᔨᒡ᙮ ᑲᔦ ᒫᒃ ᒌ ᐅᐦᑳᒥᑯᒡ ᐊᓂᔫ ᐊᐙᔕ ᐁ ᐃᔑ ᑌᐺᔨᒡ ᐊᓂᑦ ᐲᐦᑕᑲᒥᐦᒡ ᐊᓂᔫ ᒋᔐᐊᔨᒥᐦᐁᐅᑲᒥᑯᔫ, ᒫᒥᐦᒋᒫᑖᐤ ᒌᓴᔅ ᑌᐱᑦ ᐅᑯᓯᓴ, ᐁ ᐃᑗᔨᒡ᙮

Matthew 21:15 Iomraidhean Croise

Matthew 20:24

Iskutak maak anichii kutakach mitaahtu chischinuhamuwaakanich piyehtahkwaau uyuu, chii chishuwaahiikuuch aniyuu niishu kaa wiichishaanihtuwiyich.

Matthew 21:23

Iskutak maak Jesus kaa piihchet aniyuu Jewa chisheayimiheukamikuyuu, mekwaach maak e Chiskutamaachet, aniyuuh kaa niikaanapiyich ayimiheuchimaauh ekw maak aniyuu iinuu kaa niikaanishkuwaayich chii itikuu, “Awen kaa miisk chechii ihtuutaman uu. Awen kaa itashumisk uyuu chechii ihtuutamut.”

Matthew 21:9

Anichii maak iinuuch anite niikaanaanihch kaa pimuhtetwaau aniyuu Jesus e ihtaayich kaye anichii anite utaahch kaa pimuhtewaatwaau chii chihchi maamihchimeuch Chishemanituu e chishewetwaau e itwetwaau, “Chisteyihtaakuhaahkw an kaa ukusitutaakuut David, shaweyihtaakusuu uu kaa pechi itishahukut Utipeyihchikeuh. Maamihchimaataau Chishemanituu wiya maauch e chisteyihtaakusit.”

Matthew 22:42

“Taan e iteyimekw Christ. Awen aniyuu ukusisa. Aweyuu e ihtaayich kaa uhchi aanische pimaatisiit.” Ekw kaa itikut, “David e ihtaayich chii uhchi aanische pimaatisiyuu.”

Matthew 26:3

Ekw anichii kaa niikaanapitwaau ayimiheuchimaauch ekw maak anichii kaa niikaanishkuwaatwaau iinuuh kaa nishtuwiitwaau anite chisheayimiheuchimaau Caiaphas uchisheuchimaaukamikuwiihch.

Matthew 26:59

Anichii maak kaa niikaanapitwaau ayimiheuchimaauch kaye anichii kaa niikaanishkuwaatwaau Jewa iinuu chii wii naanituu uhtinamuch taan chechii ishi nanatayaachimaatwaau Jesus chechii uhchi nipahaakanuyich.

Matthew 27:1

Wiipach maak chiyechishepaayaayich misiwe anichii kaa niikaanishkuwaatwaau ayimiheuchimaauh ekw maak anichii Jewa iinuu kaa niikaanishkuwaatwaau chii nishtuwiyuch chechii wiyeyihtahkwaau taanite chechii uhchi nipahaakaanuyich Jesus.

Matthew 27:20

Anichii maak kaa niikaanishkuwaatwaau ayimiheuchimaauh ekw maak anichii Jewa iinuuh kaa niikaanishkuwaatwaau chii shaakuuchimeuch aniyuuh iinuuh anit kaa ihtaayich chechii kakwechimaayich Pilate Barabbas chechii pachishtinaayich ekw Jesus chechii nipahaakanuyich.

Matthew 9:27

Iskutak maak Jesus chestuhtet anit uhchi aniyuu naapeu wiichiihch niishu naapeu ekaa waapahtamiyich chii nuushuushkaakuu e aashihkweyich e ishi tepwaatikut, “Chiya aniyaa Chisheuchimaau David e ihtaat kaa uhchiyin, pechi chistimaacheyiminaan maa.”

Mark 11:18

Anichii maak kaa niikaanapitwaau ayimiheuchimaauch nesht anichii wiishuwewiniyuu kaa chischinuhamaachetwaau chii pehtamuch uyuu e chii itweyikupanenh. Aniyuu maak misiwe aweyuu e miskaashtamiyich taan kaa ishi chiskutamaacheyich Jesus chii sechisuuch uchii chisheayimiheuchimaauch kaye anichii masinahiichesuuch ekw kaa naanituu chischeyihtahkwaau taan chechii ihtitwaau chechii nipahaakanuyich Jesus.

Luke 20:1

Peyakwaau Jesus e chischinuhamuwaat aniyuuh iinuuh anite chisheayimiheukamikuhch kaye e waawiihtahk miywaachimuwiniyuu aniyuuh kaa niikaanapiitwaau ayimiheuchimaauh ekw maak aniyuuh kaa chiskutamaacheyitwaauh wiishuwewiniyuu kaye aniyuuh kaa niikaanishkuwaayich iinuuh chii pechi nituwaapamikuu,

Luke 22:2

Anichii maak kaa niikaanapitwaau ayimiheuchimaauch kaye anichii kaa chiskutamaachetwaau wiishuwewiniyuu chiimuut kaa wii naanituu miskahkwaau taanite chechii uhchi nipahaakanuyich Jesus, wesh chii kushteuch iinuuh wiyesh chechii ihtuutaakutwaau mikw ishi maakunaatwaawenich aniyuu Jesus.

Luke 22:66

Iskutak maak piyetaapaniyich anichii kaa niikaanishkuwaatwaau iinuuh kaye anichii kaa niikaanapitwaau ayimiheuchimaauch ekw maak anichii kaa chiskutamaachetwaau wiishuwewiniyuu chii nishtuwiyuuch. ekute maak anite kaa ituhtahaakanuut Jesus che nituu chischeyimaakanuut taan chechii ishi wiyaaskunaakanuut.

John 11:57

Anichii maak kaa niikaanapitwaau ayimiheuchimaauch kaye anichii Phariseech chii itashuweuch yaaitei che wiihtamiyich aweyuuh chischeyimaayichen taanite e ihtaayich Jesus chechii nituu maakunaakanuyich.

John 12:19

Ekw anichii Phariseech kaa ititutwaau, “Namui chichii ihtuutawaanuu ekaa chechii nuushuushkaakut aweyuu, kanawaapamaahkw maa, misiwe aweyuu wii nuushuushkaakuu.”

John 4:1

Phariseech chii pehtamuch etituu e mihchetiyich aweyuu e nuushuushkuwaayich Jesus eyuu maak etituu wiya e mihchetiyich aweyuu e siikahaahtuwaat e ishpish John.

John 7:42

Itashteu Chishemanituu utayimuwinihch, ‘Anite David e ihtaayich chika uhchi aanische pimaatisiyuu an Christ, anite maak Bethlehemihch aniyaanaa David kaa uhchiit ekute chipaa pimaatisiyuu.’ ”