Matthew 21:14 - Chishemanituu Utayimuwin: Kaa Uskaach Testament

¹⁴ Chii pechi nituwaapamikuu maak aniyuu ekaa kaa waapahtamiyich kaye aniyuu kaa maaschinihtaauchiyich aweyuuh anite chisheayimiheukamikuhch mekwaach e ihtaat, chii miinuwaachiheu maak.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁴ ᒌ ᐯᒋ ᓂᑐᐙᐸᒥᑰ ᒫᒃ ᐊᓂᔫ ᐁᑳ ᑳ ᐙᐸᐦᑕᒥᔨᒡ ᑲᔦ ᐊᓂᔫ ᑳ ᒫᔅᒋᓂᐦᑖᐅᒋᔨᒡ ᐊᐌᔫᐦ ᐊᓂᑌ ᒋᔐᐊᔨᒥᐦᐁᐅᑲᒥᑯᐦᒡ ᒣᒀᒡ ᐁ ᐃᐦᑖᑦ, ᒌ ᒦᓄᐙᒋᐦᐁᐤ ᒫᒃ᙮

Matthew 21:14 Iomraidhean Croise

Matthew 21:15

Anichii maak kaa niikaanapitwaau ayimiheuchimaauch kaye anichii kaa chiskutamaachetwaau wiishuwewiniyuu chii chishuwaahiikuuch aniyuu Jesus e waapamaatwaau misiwe aniyuu maamishkaach chekwaayuu e ihtuutamiyich. Kaye maak chii uhkaamikuch aniyuu awaasha e ishi tepweyich anit piihtakamihch aniyuu chisheayimiheukamikuyuu, “Maamihchimaataau Jesus David ukusisa,” e itweyich.

Matthew 4:23

Jesus maak misiwe anite Galilee e ishpishaayich chii ituhteu e chiskutamaachet anite Jewa ayimiheukamikuhch, e waawiihtahk miywaachimuwiniyuu Chishemanituu uchisheuchimaawiniyuu e aayimuutahk, kaye e miinuwaachihaat nanaahkuu aweyuuh misiwe nanaahkuu itaaspinewiniyuu e ayaayich.

Matthew 9:35

Jesus maak misiwe chii ituhteu anite nanaahkuu e utenaauniyich kaye anite nanaahkuu ihtaawinishihch, e chiskutamaachet Jewa ayimiheukamikuhch, kaye e kacheskwet e waawiihtahk miywaachimuwiniyuu e aayimuutahk Chishemanituu uchisheuchimaawiniyuu, kaye e miinuwaachihaat aweyuuh nanaahkuu itaaspinewiniyuu e ayaayich.

ᐊᐸᔅᑕᓚᒡ 10:38

Chichii pehtenaawaau Jesus Nazareth kaa uhchiit e chii tuumiskunikut Chishemanituu kaye e chii miikut suuhkaatisiiwiniyuu kaye Kaa payehchisiyich Ahchaahkwa. Mikw maak taanite kaa ati aihtaat chii miyutuutamaacheu kaye chii miinuwaachiheu aniyuu iinuu machimanituu kaa nanehkaachihiikuyich wesh muush chii wiicheukuu Chishemanituu.