Matthew 21:1 - Chishemanituu Utayimuwin: Kaa Uskaach Testament

¹ Jesus ekw maak aniyuu uchischinuhamuwaakan anite Jerusalemihch chii wii ituhteuch. Iskutak e ati peshuwaapahtahkwaau chii utihtamuch aniyuu ihtaawiniyuu Bethphage kaa ishinihkaateyich. Anite wachii Olives kaa ishinihkaatech ekute kaa ihtakuhch uu ihtaawin. Ekut maak utah Jesus kaa niikaanitishihwaat niishu uchischinuhamuwaakanh e itaat,

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᒌᓴᔅ ᐁᒄ ᒫᒃ ᐊᓂᔫ ᐅᒋᔅᒋᓄᐦᐊᒧᐙᑲᓐ ᐊᓂᑌ ᒉᕉᓴᓚᒥᐦᒡ ᒌ ᐐ ᐃᑐᐦᑌᐅᒡ᙮ ᐃᔅᑯᑕᒃ ᐁ ᐊᑎ ᐯᔓᐙᐸᐦᑕᐦᒀᐤ ᒌ ᐅᑎᐦᑕᒧᒡ ᐊᓂᔫ ᐃᐦᑖᐎᓂᔫ ᐯᑦᐯᐃᒡ ᑳ ᐃᔑᓂᐦᑳᑌᔨᒡ᙮ ᐊᓂᑌ ᐗᒌ ᐊᓕᕕᔅ ᑳ ᐃᔑᓂᐦᑳᑌᒡ ᐁᑯᑌ ᑳ ᐃᐦᑕᑯᐦᒡ ᐆ ᐃᐦᑖᐎᓐ᙮ ᐁᑯᑦ ᒫᒃ ᐅᑕᐦ ᒌᓴᔅ ᑳ ᓃᑳᓂᑎᔑᐦᐙᑦ ᓃᔓ ᐅᒋᔅᒋᓄᐦᐊᒧᐙᑲᓐᐦ ᐁ ᐃᑖᑦ,

Matthew 21:1 Iomraidhean Croise

Matthew 20:34

Jesus maak chii chistimaacheyimeu, kaa taahtinamuwaat uschiishikuyuu, tiiwehch maak chii waapahtamiyuu, ekw kaa ati nuushuushkaakut.

Matthew 21:2

“Ituhtekw anite ane ihtaawin, iskutak maak utihtamekwe chika waapamaawaau uhkaan muyaam e apishiishit kaapalakaskweu kaa ishinaakusit, ukusisa e wiichikaapuushtaakut. Aapihkunaahkw ekw maak che peshuwekuch taapishkun anichii awesiisach.

Matthew 24:3

Mekwaach maak Jesus e apit anit e iipetaauhkaayich aniyuu wachiyuu Olives kaa ishinihkaateyich, iskutak ekaa kaa ihtaayich aniyuu iinuu, chii pechi nituwaapamikuu uchischinuhamuwaakanh ekw kaa itikut, “Pechi wiihtamuunaan aahch taaishpish che ispayihkwaau uyuu chekwaayuu. Taanite che uhchi chischeyihtamaahch utihchipayihche miin che takushiniyin. Ekw maak taanite che uhchi chischeyihtamaahch che iskwaapayihch aschii.”

Matthew 26:30

Iskutak maak kaa nikamutwaau ayimiheunikamuwiniyuu ekw kaa ituhtetwaau anite Olives kaa ishinihkaateyich wachiyuu.

Mark 13:3

Mekwaach maak e apit anite Olives wachiihch tipiskuuch anit aniyuu chisheayimiheukamikuyuu kaa ihtakuniyich, chii naatikuu Peter, James, John ekw maak Andrew chechii kakwechimikut mekwaach mikw wiyawaau e ihtaatwaau.

Mark 14:26

Iskutak maak kaa nikamutwaau ayimiheu nikamuwiniyuu ekw anite aniyuu wachiyuu Olives kaa ishinihkaateyich kaa ituhtetwaau.

Luke 21:37

Eshikum chiishikaau maak chii chiskutamaacheu Jesus anite chisheayimiheukamikuhch. Ekw maak e ati utaakushiyich anite aniyuu wachiyuu Olives kaa ishinihkaateyich ekute kaa chii ituhtet, chechii ihtaat aniyuu che tipiskaayich.

Luke 22:39

Chii nakatam maak Jesus aniyuu utenaayuu ekw anite Olives wachiihch kaa ituhtet. Eukw uyuu kaa chii ihtikupane maan. Uchischinuhamuwaakanh maak chii wiicheukuu.

John 8:1

Anite maak Olives kaa ishinihkaatech wachii ekute kaa ituhtet wiya Jesus.

ᐊᐸᔅᑕᓚᒡ 1:12

Ekw anichii apastalach kaa chistuhtetwaau anite aniyuu wachiyuu Olives kaa ishinihkaateyich kaau kaa chiiwetwaau anite Jerusalemihch. Wiyesh aapihtuu aschiiyuu tipahiikan chii ishpishinaakuniyiche uyuu ihtaawiniyuu anit kaa uhchi chistuhtetwaau.