Matthew 20:7 - Chishemanituu Utayimuwin: Kaa Uskaach Testament

⁷ “Ekw kaa itikut, ‘Namui awen eshkw nuuhchi utaaskunikunaan.’ Ekw kaa itaat, ‘Kaye chiyawaau maataan nituu aapatisikw anite nishuuminaahtikw nihtaauchihchikan aschiihch.’ ”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷ ᐁᒄ ᑳ ᐃᑎᑯᑦ, ᓇᒧᐃ ᐊᐌᓐ ᐁᔥᒄ ᓅᐦᒋ ᐅᑖᔅᑯᓂᑯᓈᓐ᙮ ᐁᒄ ᑳ ᐃᑖᑦ, ᑲᔦ ᒋᔭᐙᐤ ᒫᑖᓐ ᓂᑑ ᐋᐸᑎᓯᒄ ᐊᓂᑌ ᓂᔔᒥᓈᐦᑎᒄ ᓂᐦᑖᐅᒋᐦᒋᑲᓐ ᐊᔅᒌᐦᒡ᙮

Matthew 20:7 Iomraidhean Croise

Matthew 20:1

“Maau e ishinaakuhch kihchikiishikw chisheuchimaawin. Chii ihtaau peyakwaau uchimaau e tipiyeusiit shuuminaahtikw nihtaauchihchikan aschiiyuu. Peyakwaau maak wiipach e chechishepaayaayich chii wiiwiyuu e nituu naanituweyimaat aweyuuh chechii utaaskunaat, chechii aapatisiyich anite ushuuminaahtikw nihtaauchihchikan aschiihch.

Matthew 20:6

Chekaat maak niyaayin chii ispayiyiche ekw miin kaa ituhtet anite kaa chii nishtuwiyich aweyuu miin maak chii waapameu naapeu anite e naaniipuyich, ekw kaa itaat, ‘Chekwaan wehch mikw naaniipuuyekw utah iskan chiishikaau ekaa chekwaan ihtuutamekw.’ ”

Matthew 20:8

“Iskutak maak wetaakusiyich, an uchimaau chii iteu aniyuu kaa naanaakachihaayich aniyuu kaa aapatisiitwaauh, ‘Wiisaamach anichii kaa aapachihiikwaau, misiwe che kachiishiihkuutwaau aniyuu kaa aapatisitwaau. Niishtam anichii maahchishtai kaa utaaskunaakanuutwaau chiishiihkuuch, ekw miin anichii kutakach taan mikw kaa ati itiskaatutwaau e utaaskunaakanuutwaau, che ati utihtahuutwaau anichii niishtam kaa utaaskunaakanuutwaau. Eukw uchii niishtam kaa utaaskunaakanuutwaau maahchishtai che chiishiihkuutwaau.’ ”

John 9:4

Chipaa atushkuwaanuu an kaa pechi itishahuut mekwaach e chiishikaach wesh shaash wiipach kata tipiskaau. Taapaa aapatisinaanuu e tipiskaach.

ᐊᐸᔅᑕᓚᒡ 4:16

Ekw kaa itwetwaau, “Taan che ihtuutuuhkwaau ekw uchii naapeuch. Misiwe awen utah Jerusalemihch chischeyihtam e chii miinuwaachihaakanuut an naapeu wiyawaau uhchi. Namui chika chii aanuwehtenaanuu.

Romans 16:25

Maamihchimaataau Chishemanituu. Wes wiya eukw keschihut chechii yaaichikaapuuhiitaakw chipimaatisiiwiniwaahch anit uhchi taan kaa ishi waawiihtamaatakuch miywaachimuwin. Ekut e aayimuumaakanuut uu Jesus Christ kaa tipaachimak. Eukw maak uyuu miywaachimuwiniyuu namui uhchi pachishtinam Chishemanituu chechii chischeyihtaakanuyich anite pechi weskach.

Ephesians 6:8

Wii chischeyihtamukw taapaa aahchiiuh kata uhchi ishi tipahamuweu Utipeyihchikeu aweyuu aat aniyuu kaa uchimaawiyich maak aniyuu kaa kuuhpaanewiyich. Mikw taan e ishi nuukuhtaayich e chii ishi miywaapatisiyich aweyuuh ekun che ishi tipahamuwaat.

Colossians 1:26

Uyuu maak kaa ishi miit chechii aayimuutamuch namui uhchi pachishtinam chechii chischeyihtaakunuyich anite pechi utaahch. Namui waawaach peyakw awen kaa ishpish chii pechi pimaatisiit utah aschiihch uhchi miyaakanuu chechii chischeyihtahk uyuu. Anuhchiish maak wii ekw pechishtinak chechii waawiihtamuwaakanuyich kaa taapwehtamiitwaauh.

Hebrews 6:10

Ehe, chitaapweucheyimitinaawaau e chii pimaachihuyekw. Nichischeyimaau Chishemanituu kuiskw e ihtuutawaat misiwe aweyuuh. Chichischeyimikuwaau taan kaa ishi miyutuutamuwekw kaye taan kaa ishi nuukuhtawekw e saachihekw e chii wiichihiimekw kaa taapwehtamiitwaauh kaye eshkw e wiichihiimekw. Namui maak chika uhchi wanichischisuu uyuu.