Matthew 20:4 - Chishemanituu Utayimuwin: Kaa Uskaach Testament

⁴ Ekw kaa itaat, namui aa kaye chiyawaau chiwii aapatisinaawaau anite nishuuminaahtikw nihtaauchihchikan aschiihch. Misiwe wesh chika miyu chiishiihkaatinaawaau atushkuyekwe. Ekw maak kaa ituhteyich chechii nituu aapatisiyich anite unihtaauchihchikan aschiihch.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴ ᐁᒄ ᑳ ᐃᑖᑦ, ᓇᒧᐃ ᐋ ᑲᔦ ᒋᔭᐙᐤ ᒋᐐ ᐋᐸᑎᓯᓈᐙᐤ ᐊᓂᑌ ᓂᔔᒥᓈᐦᑎᒄ ᓂᐦᑖᐅᒋᐦᒋᑲᓐ ᐊᔅᒌᐦᒡ᙮ ᒥᓯᐌ ᐌᔥ ᒋᑲ ᒥᔪ ᒌᔒᐦᑳᑎᓈᐙᐤ ᐊᑐᔥᑯᔦᑴ᙮ ᐁᒄ ᒫᒃ ᑳ ᐃᑐᐦᑌᔨᒡ ᒉᒌ ᓂᑑ ᐋᐸᑎᓯᔨᒡ ᐊᓂᑌ ᐅᓂᐦᑖᐅᒋᐦᒋᑲᓐ ᐊᔅᒌᐦᒡ᙮

Matthew 20:4 Iomraidhean Croise

Matthew 20:3

Ekw miin kaa chistuhtet wiyesh peyakushteu e ispayiyich e chechishepaayaayich, kaa waapamaat anite naapeu mikw e naaniipuyich ekaa wiyesh itaapatisiyich anite kaa chii nishtuwiitwaau awenichii.

Matthew 20:5

“Yaapihtaachiishikaayich maak, ekw maak miin nishtu e ispayiyich e chiishkwaapihtaachiishikaayich, miin chii ituhteu an uchimaau anite kaa chii nishtuwiyich aweyuu miin kutak aweyuu chechii utaaskunaat. Yaapach kiipaa ekun kaa itaat, che miyu chiishiihkuwaat.

Matthew 9:9

Ekw Jesus kaa chistuhtet anit uhchi, mekwaach maak e ati pimuhtet, chii waapameu naapeu e apiyich masinahiicheukamikuhch Matthew e ishinihkaasuyich, Chisheuchimaau shuuliyaayuu kaa maamuushtinamiyich e chii itaapatisiyich. Ekw Jesus kaa itaat, “Pechi papaawiicheu.” Ekw Matthew kaa pisikuut, kaa ati wiichewaat Jesus.

1 Corinthians 6:11

Pasch anit e tashiyekw ekun kaa chii ishi pimaatisiyekw. Mikw maak shaash chichii chishtaapawiikunaawaau, chichii payehchihiikunaawaau, kaye chichii kuiskunaakuhiikunaawaau Utipeyihchikeu Jesus Christ utishinihkaasuwinihch neshta Chishemanituu Utahchaahkuhch ishi.

Colossians 4:1

Chiyawaau kaa uchimaawiyekw misiwe taapituu ishi kanawaapamaahkuch chitaapachihaakanuwaauch taan e ihtuutawekuch kaye kuiskw ihtuutuwaahkuch. Chischisikw kaye chiyawaau e ihtaat awen kihchikiishikuhch wechimaamiyekw.

Titus 3:8

Taapwemakan uu kaa itweyaan. Chinituweyimitin chechii siihchimatwaau anichii kaa taapweyimaatwaau Chishemanituu che wii miyutuutamuwaatwaau kutak aweyuu. Wesh miywaayuu kaye chika miyu wiichihiikuuch uyuu ihtuutahkwaawenich.

1 Peter 1:13

Suuhk maak muush wii ayeskuweyihtamukw taan mikw che ati ispayikwe chekwaan kaye suuhk nanaakatuweyimisukw taan e ihtiyekw. Tekash mitun aspeyimututamukw an chishewaatisiiwin che miikuyekw iskutak miin takushihke Jesus Christ.