Matthew 20:22 - Chishemanituu Utayimuwin: Kaa Uskaach Testament

²² Ekw Jesus kaa itaat aniyuu ukusiyuu, “Namui chichischeyihtenaawaau an chekwaan kaa ishi nitutamaayekw. Chika chii ihtinaawaau aa chechii minihkweyekw taan e ishi ihtakuhch niminihkwaakanihch menihkweyaan anuhchiish. Chika chii ihtinaawaau aa chechii siikahaahtaakuyekw muyaam niya taan che ishi siikahaahtaakuyaan.” Ekw kaa itikut, “Ehe, nika chii ihtinaan.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²² ᐁᒄ ᒌᓴᔅ ᑳ ᐃᑖᑦ ᐊᓂᔫ ᐅᑯᓯᔫ, ᓇᒧᐃ ᒋᒋᔅᒉᔨᐦᑌᓈᐙᐤ ᐊᓐ ᒉᒀᓐ ᑳ ᐃᔑ ᓂᑐᑕᒫᔦᒄ᙮ ᒋᑲ ᒌ ᐃᐦᑎᓈᐙᐤ ᐋ ᒉᒌ ᒥᓂᐦᑴᔦᒄ ᑖᓐ ᐁ ᐃᔑ ᐃᐦᑕᑯᐦᒡ ᓂᒥᓂᐦᒀᑲᓂᐦᒡ ᒣᓂᐦᑴᔮᓐ ᐊᓄᐦᒌᔥ᙮ ᒋᑲ ᒌ ᐃᐦᑎᓈᐙᐤ ᐋ ᒉᒌ ᓰᑲᐦᐋᐦᑖᑯᔦᒄ ᒧᔮᒻ ᓂᔭ ᑖᓐ ᒉ ᐃᔑ ᓰᑲᐦᐋᐦᑖᑯᔮᓐ᙮ ᐁᒄ ᑳ ᐃᑎᑯᑦ, ᐁᐦᐁ, ᓂᑲ ᒌ ᐃᐦᑎᓈᓐ᙮

Matthew 20:22 Iomraidhean Croise

Matthew 26:35

Peter maak chii iteu, “Aat kaye niya wii nipahiikuyaane iskutak nipahiikuyine namui yaapach nika uhchi itwen ekaa chischeyimitaan.” Ekw anichii kutakach chischinuhamuwaakanich ekun kaye wiyawaau kaa itwetwaau aniyuu kaa itweyich Peter.

Matthew 26:39

Ekw anite iiche kaa ituhtet wiya, chii uchihchiihkunipuu maak, kaa ayimihaat e itwet, “Nuuhtaawii, chechii ishinaakunikwe pechi iichenamuuh uu taan che ishi wawiisacheyihtamaan, mikw maak chii chititeyihtamuwin chika ihtuutaakanuu, namui niya nititeyihtamuwin.”

Matthew 26:42

Ekw miin kaa nituu ayimihaat Jesus kaa itwet, “Nuuhtaawii ekaa chechii iichenikanuukwe uu che ishi wiisacheyihtamaan ekun kiipaa che ishi ihtuutamaan, chiya chititeyihtamuwin chechii ihtuutaakanuuhch.”

Matthew 26:56

Mikw maak shaakuuch misiwe tipapayuu taan kaa ishi masinahahkwaau anite Chishemanituu utayimuwiniihch aniyehkaanaanich uchischiwehiichesuuch. Iskutak maak uyuu kaa itaat ekw misiwe uchischinuhamuwaakan kaa ushimuyich e nakachipahiikut.

Mark 14:36

Chii itweu, “Nuuhtaawii, namui ihtakun chekwaan ekaa chechii ihtuutaman chiya. Iichenamuu maa uu taan nipaa ishi wiisacheyihten. Mikw maak chiya chititeyihtamuwin chika ihtuutaakanuu, namui niya nititeyihtamuwin.”

Luke 12:50

Wesh naashch taapwe kata aayiman chekwaan che ishi nachishkamaan nuwach maak nimukushkaateyihten kamaa shaash miyaaupayihch e iteyihtamaan.

Luke 22:42

Kaa itwet, “Nuuhtaa, pechi iichenamuu uu taan nipaa ishi wawiisacheyihten, mikw maak chii chititeyihtamuwin chika wii ihtuutaakanuu, namui niya nititeyihtamuwin.”

John 18:11

Ekw Jesus kaa itaat aniyuuh Peter, “Chiskashtaah an chinitupayuuhkumaan. Chititeyihtenaa ekaa che uhchi shaapushkamaan uu wiisacheyihtemuwin Nuuhtaawii kaa pechi miit.”

Romans 8:26

Ihtakun taan e ishpish ekaa saapeyihtamuhkw mikw maak ihtaau Kaa payehchisiit Ahchaahkw chechii wiichihiitahkw. Muyaam e ishinaakusiihkw niyaanikutehch ekaa chischeyihtamuhkw taan nihaau chipaa ishi ayimihaanaanuu. Ekut maak netutamaastamaatahkw Kaa payehchisiit Ahchaahkw uhchishkuu Chishemanituuh e ihtaayich e maamaatuweumuyihkw ekaa chii wiihtamuhkw taan nihaau e itamahchihuyihkw.

James 4:3

E nitutamaayekw namui chimiskenaawaau taan kaa ishi nitutamaayekw wesh namui miywaashuu chekwaan wehchi nitaweyihtamekw uyuuh chekwaayuuh. Chinitaweyihtenaawaau chekwaayuuh mikw chiyawaau chechii naniheyihtamihiisuyekw taan e ishi machi nituweyihtamekw.