Matthew 20:21 - Chishemanituu Utayimuwin: Kaa Uskaach Testament

²¹ Ekw Jesus kaa itaat, “Chekwaan netuweyihtaman.” Chii itikuu maak, “Uchii taapishkun nikusach chechii wiitapimiskwaau iskutak chisheuchimaawiyine, peyakw anite chinihiiwinihch chechii apit ekw an kutak anite chinimihchiiwinihch.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²¹ ᐁᒄ ᒌᓴᔅ ᑳ ᐃᑖᑦ, ᒉᒀᓐ ᓀᑐᐌᔨᐦᑕᒪᓐ᙮ ᒌ ᐃᑎᑰ ᒫᒃ, ᐅᒌ ᑖᐱᔥᑯᓐ ᓂᑯᓴᒡ ᒉᒌ ᐐᑕᐱᒥᔅᒀᐤ ᐃᔅᑯᑕᒃ ᒋᔐᐅᒋᒫᐎᔨᓀ, ᐯᔭᒄ ᐊᓂᑌ ᒋᓂᐦᐄᐎᓂᐦᒡ ᒉᒌ ᐊᐱᑦ ᐁᒄ ᐊᓐ ᑯᑕᒃ ᐊᓂᑌ ᒋᓂᒥᐦᒌᐎᓂᐦᒡ᙮

Matthew 20:21 Iomraidhean Croise

Matthew 18:1

Naanaacheshiish maak ekw Jesus kaa pechi nituwaapamikut aniyuu uchischinuhamuwaakanh, kaa kakwechimikut e itikut, “Awen maauch e niikaaneyihtaakusit anite kihchikiishikw chisheuchimaawinihch.”

Matthew 19:28

Ekw Jesus kaa itaat, “Chika cheshtinaahunaawaau, iskutak Iinuu Ukusisa apiyichen chisheuchimaau tehtapuunihch miin uskaache aschii, ekw kaye chiyawaau nichischinuhamuwaakanitikw che apiyekw niishushaap uchimaau tehtapuunih, che wiyaaskunekuch niishushaap kaa itiskaanesitwaau Israel iinuuch.

Matthew 20:22

Ekw Jesus kaa itaat aniyuu ukusiyuu, “Namui chichischeyihtenaawaau an chekwaan kaa ishi nitutamaayekw. Chika chii ihtinaawaau aa chechii minihkweyekw taan e ishi ihtakuhch niminihkwaakanihch menihkweyaan anuhchiish. Chika chii ihtinaawaau aa chechii siikahaahtaakuyekw muyaam niya taan che ishi siikahaahtaakuyaan.” Ekw kaa itikut, “Ehe, nika chii ihtinaan.”

Matthew 20:32

Jesus maak chii chipihchikaapuu, kaa wiishaamaat aniyuu naapeuh, kaa itaat, “Chekwaan netaweyihtamekw chechii ihtuutamaatakuch.”

Mark 10:51

Ekw Jesus kaa itaat uyuu naapeu, “Taan e ishi nitaweyihtaman chechii ihtuutamaataan.” Ekw an naapeu kaa itwet, “Utipeyihchikeu, miih chechii waapahtamaan.”

Mark 16:19

Paatimaa maak Jesus kaa chiishi ayimihaat uchischinuhamuwaakanh kihchikiishikuhch chii ishi uhpiskaau. Anite Chishemanituu unihiiwiniihch itehche ekute kaa ishi waweyapit.

Mark 6:22

Aniyuu maak Herodias utaanisa chii pechi niimiyuu ekw naashch kaa miyeyihtamiyich Herod kaye misiwe aniyuu aweyuu kaa wiishaamaakanuyich. Ekw chisheuchimaau Herod kaa itaat aniyuu ishkwesha, “Pechi wiihtamuu chekwaan chipaa miyeyihten ayaayin. Mikw che ishi nituweyihtamuwane eukun an che miitaan.”

Luke 18:41

“Taan e ishi nituweyihtaman chechii ihtuutamaataan.” An naapeu chii iteu, “Utipeyihchikeu, ihtuutuuh chechii waapahtamaan.”

Luke 19:11

Wetaach maak chii ati peshuwaapahtamuch Jerusalemiyuu anichii iinuuch e nuushuushkuwaatwaau Jesus. Aniyuu maak taan kaa ishi waawiihtamaakutwaau Jesus chii iteyihtamuch taapwe shaash tiiwehch che nuukuniyich Chishemanituu uchisheuchimaawiniyuu. Ekw maak Jesus uyuu chischinuhamaacheu tipaachimuwiniyuu kaa wiihtamuwaat mekwaach e ati pimuhtetwaau. Chii itweu maak,

Luke 22:24

Chii aashiteyimihiituuch maak chischinuhamuwaakanich, awen anit e tashitwaau maauch e ispeyihtaakusit.

John 15:7

Niya maak e ihtaayaan muush ishi pimaatisiyekwe kaye nititwewinh piihchishkaakuyekwe mikw taan che ishi nitutamaawekwe chekwaan eukun an che ihtuutamaakuyekw.

ᐊᐸᔅᑕᓚᒡ 1:6

Ekw maak miin peyakwaau e nishtuwiitwaau anichii apastalach chii kakwechimeuch Jesus e itaatwaau, “Utipeyihchikeu, shaash aa utihchipayuu che miitwaau Jewa iinuuch wiyawaau miin chechii pimipayihtwaasutwaau misiwe chekwaayuu anite utaschiiwaahch.”

Romans 12:10

Saachihiitukw wesh misiwe chiwiichishaanihtunaawaau. Chisteyimitukw chitehiiwaahch.

Romans 8:34

Namui maak awen chika chii nishuuwanaachimeu Chishemanituuh uwiyaapimaakaniyuuh chechii itwet e iteyihtaakuniyich chechii waweshihaakanuyich umachihtwaawiniyuu uhchi. Wesh namui mikw kuuhchi nipistamaakunuu Christ eyuu chii wanishkaanaakanuu nipuwinihch uhchi. Mekwaach maak Chishemanituuh unihiiwiniihch apuu e ayimiheshtamaatahkw.

Colossians 3:1

Chichischeyihtenaawaau kaa wanishkaanaat Chishemanituu Christ nipuwinihch uhchi mwehch kaye chiyawaau e chii wanishkaanikuyekw ekun e ishinaakuhch. Ekw maak muush chipaa naanitaweyihtenaawaau aniyuuh chekwaayuuh ishpimihch kaa ihtakuhkwaauh, anite e apit Christ Chishemanituuh unihiiwiniihch.