Matthew 20:2 - Chishemanituu Utayimuwin: Kaa Uskaach Testament

² Chii iteu kiipaa an uchimaau che chiishiihkuwaat aniyuu kaa utaaskunaat, peyakw chiishikaau maak e ishpish aapatisiyich peyakw shuuliyaanaapiskwa che ishpish chiishiihkawaat. Chii niskumuyuu maak ekw kaa itishahwaat chechii aapatisiyich anite shuuminaahtikw nihtaauchihchikan aschiihch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᒌ ᐃᑌᐤ ᑮᐹ ᐊᓐ ᐅᒋᒫᐤ ᒉ ᒌᔒᐦᑯᐙᑦ ᐊᓂᔫ ᑳ ᐅᑖᔅᑯᓈᑦ, ᐯᔭᒄ ᒌᔑᑳᐤ ᒫᒃ ᐁ ᐃᔥᐱᔥ ᐋᐸᑎᓯᔨᒡ ᐯᔭᒄ ᔔᓕᔮᓈᐱᔅᑾ ᒉ ᐃᔥᐱᔥ ᒌᔒᐦᑲᐙᑦ᙮ ᒌ ᓂᔅᑯᒧᔫ ᒫᒃ ᐁᒄ ᑳ ᐃᑎᔕᐦᐙᑦ ᒉᒌ ᐋᐸᑎᓯᔨᒡ ᐊᓂᑌ ᔔᒥᓈᐦᑎᒄ ᓂᐦᑖᐅᒋᐦᒋᑲᓐ ᐊᔅᒌᐦᒡ᙮

Matthew 20:2 Iomraidhean Croise

Matthew 18:28

“Ekw an aapachihaakan kaa chistuhtet, kaa nachishkawaat wiich aapachihaakan e chii uhaasuumikut apishiish shuuliyaayuu. Ekw kaa maakunaat e wii chiputaaminaat kaa itaat, ‘Maachiih pechi chiiwemii an shuuliyaau taan kaa ishpish uhaasuumiyin.’

Matthew 20:1

“Maau e ishinaakuhch kihchikiishikw chisheuchimaawin. Chii ihtaau peyakwaau uchimaau e tipiyeusiit shuuminaahtikw nihtaauchihchikan aschiiyuu. Peyakwaau maak wiipach e chechishepaayaayich chii wiiwiyuu e nituu naanituweyimaat aweyuuh chechii utaaskunaat, chechii aapatisiyich anite ushuuminaahtikw nihtaauchihchikan aschiihch.

Matthew 20:13

“An maak kaa tipiyeusiit aniyuu nihtaauchihchikan aschiiyuu chii iteu aniyuu peyakw, ‘Niwiichewaakan, namui chichimutamaatin, wesh chichii ititin peyakw shuuliyaanaapiskw che ishpish chiishiihkaataan peyakw chiishikaau ishpish aapachihiitaane. Chichii niskumun maak.

Matthew 20:3

Ekw miin kaa chistuhtet wiyesh peyakushteu e ispayiyich e chechishepaayaayich, kaa waapamaat anite naapeu mikw e naaniipuyich ekaa wiyesh itaapatisiyich anite kaa chii nishtuwiitwaau awenichii.

Matthew 20:9

“Anichii maak naapeuch niyaayin kaa ispayiyich kaa utaaskunaakanuutwaau eukunich niishtam kaa chiishiihkuwaakanuutwaau. Peyakw shuuliyaanaapiskwa chii miyaakanuuch. Ekun maak kaa ishpish chiishiihkuwaakanuutwaau misiwe anichii kaa utaaskunaakanuutwaau aniyuu kaa chiishikaayich, kaye anichii niishtam kaa utaaskunaakanuutwaau.

Matthew 22:19

Pechi waapahtiikw maa an shuuliyaau e pahkwenamuwaakanuut chisheuchimaau.” Ekw kaa miikut shuuliyaanaapiskwa.

Matthew 9:37

Ekw kaa itaat aniyuu uchischinuhamuwaakanh, “Weyuutanh e chiishi nihtaauchihkwaau nihtaauchihtaakan mikw maak namui mihchetuuch anichii che maamuushtinahkwaau.

Mark 12:15

Nipaa chiishiihkenaan aa maak namui. Jesus maak chii chischeyimeu e wii pisiiwiikut uyuu e ishi kakwechimikut ekw kaa itaat, “Chekwaan wehchi wii pechi kakwechihiyekw. Peshuwaahkw maa shuuliyaawaapiskush, che kanawaapamak.”

Luke 1:15

Utipeyihchikeu chii wiyaapamikuu an awaash wesh chisteyihtaakuniyuu taan waa itaapachihiikut. Namui nihtaa kata uhchi minihkweu shuuminaapuuyuu kaye ishkutewaapuuyuu. Wesh Kaa payehchisiyich Ahchaahkwa tekash chika pimipayihiikuu aat eshkw mekwaach ukaawii kanuweyimikute uspayaayihch.

Luke 10:35

Miin chiyechishepaayaayich, kaa miyaat shuuliyaayuu aniyuu kaa naanaakachihtaayich aniyuu nipeukamikuyuu, ekw kaa itaat, ‘Naanaakachihii uu naapeu. Chika tipahamaatin taan an che ishpish masinahamaataan iskutak miin pimuhteyaane utah.’ ”

Luke 20:24

Pechi waapahtiikw shuuliyaawaapiskw. Awen maak utaashtamuhkw e nuukuniyich anit kaye awen aniyuu utishinihkaasun kaa masinaateyich.” Ekw maak kaa itwetwaau, “Rome chisheuchimaau Caesar aniyuu utaashtamuhkw kaye wiya anit masinaasuu.”

2 Timothy 3:15

Wesh chichischisinaache mekwaach e awaashiiwiyin shaash chichii chiskutamaakuun taan kaa ishi masinahiikanuyich Chishemanituu utayimuwinihch. Ekut kaa uhchi ayaayin kachehtaaweyihtamuwin chechii chischeyihtaman e taapweyimaat awen Christ Jesus ekut chechii uhchi pimaachihut.

Revelation 6:6

Ekw kaa pehtamaan pehtaakusuwin mwehch awen e ayimit e itihtaakuhch mekwesiinuu anichii neu kaa pimaatisiitwaau awenich e ihtaatwaau e uhtihtaakuhch. An awen kaa ayamit chii iteu, “Peyakw chiishikaauh e ishpish aapatisit awen mikw niishu tipaapekahiikan pahkweshikanh chika saakutahweu maak kutwaashch tipaapekahiikan ayuuminh. Mikw maak ekaawii wii wanaachihtaa an pimiih ekw maak an shuuminaapuuh.”