Matthew 20:14 - Chishemanituu Utayimuwin: Kaa Uskaach Testament

¹⁴ Shaash chichii tipahamaatin. ekute maak. Wesh uu kaa utaaskunitakuch misiwe taapituu chichii wii ishpish chiishiihkaatinaawaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁴ ᔖᔥ ᒋᒌ ᑎᐸᐦᐊᒫᑎᓐ᙮ ᐁᑯᑌ ᒫᒃ᙮ ᐌᔥ ᐆ ᑳ ᐅᑖᔅᑯᓂᑕᑯᒡ ᒥᓯᐌ ᑖᐱᑑ ᒋᒌ ᐐ ᐃᔥᐱᔥ ᒌᔒᐦᑳᑎᓈᐙᐤ᙮

Matthew 20:14 Iomraidhean Croise

Matthew 20:13

“An maak kaa tipiyeusiit aniyuu nihtaauchihchikan aschiiyuu chii iteu aniyuu peyakw, ‘Niwiichewaakan, namui chichimutamaatin, wesh chichii ititin peyakw shuuliyaanaapiskw che ishpish chiishiihkaataan peyakw chiishikaau ishpish aapachihiitaane. Chichii niskumun maak.

Matthew 20:15

Namui aa chichischeyihten mikw waa ihtuutamaan nishuuliyaam chechii ihtuutamaan. Namui aa chinaheyihtamihiitin e miyuhtwaayaan.’ ”

Matthew 6:16

“Iskutak maak ekaa utinamekwe miichim mikw e wii ayimihaayekw, ekaawii misimeyihtaminaakuhiisukw muyaam e ihtitwaau anichii kaa ayimihehkaasutwaau. Papaamuhteuch naashch e nanehkaashinaakuhiisutwaau muyaam naashch e wawaanihkatetwaau e ishinaakuhiisutwaau chechii waapamikutwaau kaye chechii chischeyimikutwaau aweyuuh ekaa miichisutwaau mikw ushaa e ayimihaatwaau. Chiwiihtamaatinaawaau shaash mitun tekash miskamuch utipahamaakusiiwinawaau e chii ihtuutuwaakanuutwaau aniyuu taan kaa ishi nituweyihtahkwaau chechii ishi chistimaacheyimaakanuutwaau.

Matthew 6:2

“Ekw maak e miyat awen chekwaayuu e ishi nuuhtepayit, ekaawii ihtuut uu misiwe awen chechii chischeyihtahk, wesh wiyawaau anichii kaa ayimihehkaasutwaau naashch wii kaa chescheyihtaakuhuuch taan e ishi miyutuutahkwaau. Mikw e iteyihtamihiikutwaau chechii maamihchimikutwaau aweyuuh. Chiwiihtamaatinaawaau taapwe, shaash chiisaach miyaakanuuch utipahamaakusiiwinawaau.

Matthew 6:6

Maak e ayimihaayin, chinipeukamikuhch chipaa chipahuusun, iskutak maak chii chipahuusuyine ekw che ayimihiit Kuuhtaawii kaatinihch kaa ihtaat. Chiwaapamukw wii taan e ihtuut ekaa kutak awen waapamiskw, wiya maak chika tipahamaakw.”

Luke 15:31

Uhtaawii maak chii itikuu, ‘Nikus, muush e ihtaayaan chitihtaan, misiwe e ishi ayaayaan chitipiyeusiyin kaye chiya.

Luke 16:25

“Ekw Abraham kaa itaat, ‘Chichischisin aa nikus, mekwaach kaa pimaatisiyin anite aschiihch miyu chekwaan chichii ayaan, Lazarus maak namui uhchi miyu ayaau chekwaayuu. Ekw maak anuhchiish miyeyimuu wiya utah, chiya maak chinanehkaateyimun.

John 17:2

Wesh chichii miyaau tipeyihchichewiniyuu misiwe aweyuu chechii tipeyimaat. Ekw maak kaachiche pimaatisiiwiniyuu chechii miyaat misiwe aniyuuh aweyuuh kaa miyat.

Romans 3:19

Chichischeyihtenaanuu anichii kaa miyaakanuutwaau uyuu wiishuwewiniyuu chipaa nanihiihtamuch misiwe taan e itashuwemakaniyich. Eukw maak uu che uhchi ekaa mitun chii itwet awen ekaa uhchi chischeyihtahk e chii machituutahk kaye maak ekun wehchi misiwe awen utah aschiihch ishinaakuniyich chechii wiyaaskunikut Chishemanituuh.

Romans 3:4

Namui kiipaa, namui mitun chika chii ishinaakuniyuu ekaa maamuyaam chechii ihtit Chishemanituu. Taapweu wiya Chishemanituu aat misiwe awen e nanatayit. Itashteu Chishemanituu utayimuwinihch wiya Chishemanituu e aayimuumaakanuut, Ayimiine misiwe awen chika chischeyihtam e taapweyin. Ekw maak mamishimikuyine e itikuyin e machituutaman chika nuukun taapwe ekaa uhchi ihtuutaman taan e ishi mamishimikuyin.