Matthew 20:12 - Chishemanituu Utayimuwin: Kaa Uskaach Testament

¹² Chii iteuch, ‘Anichii maahchishtai kaa utaaskunaakanuutwaau chechii aapatisitwaau mikw peyakw tipahiikan chii aapatisuuch, niyaan maak wii iskan chiishikaau nichii aapatisinaan aat mekwaach anit kaa chishitech yaapach maak peyakunihch misiwe e ishpish chiishiihkuuyaahch.’ ”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹² ᒌ ᐃᑌᐅᒡ, ᐊᓂᒌ ᒫᐦᒋᔥᑕᐃ ᑳ ᐅᑖᔅᑯᓈᑲᓅᑣᐤ ᒉᒌ ᐋᐸᑎᓯᑣᐤ ᒥᒄ ᐯᔭᒄ ᑎᐸᐦᐄᑲᓐ ᒌ ᐋᐸᑎᓲᒡ, ᓂᔮᓐ ᒫᒃ ᐐ ᐃᔅᑲᓐ ᒌᔑᑳᐤ ᓂᒌ ᐋᐸᑎᓯᓈᓐ ᐋᑦ ᒣᒀᒡ ᐊᓂᑦ ᑳ ᒋᔑᑌᒡ ᔮᐸᒡ ᒫᒃ ᐯᔭᑯᓂᐦᒡ ᒥᓯᐌ ᐁ ᐃᔥᐱᔥ ᒌᔒᐦᑰᔮᐦᒡ᙮

Matthew 20:12 Iomraidhean Croise

Matthew 20:11

Chii utineuch kiipaa aniyuu shuuliyaanaapiskwa kaa miyaakanuutwaau, namui mikw naashch uhchiwii mamiyuusinahweuch taan kaa ishi ayimitutuwaatwaau aniyuu kaa tipiyeusiyich aniyuu nihtaauchihchikan aschiiyuu.

Luke 12:55

Kaye e muushihtaayekw e shaawinihahch chititwenaawaau che chishitech, chishiteu maak.

Romans 3:27

Taan maak chechii ishi nanaapeumut ekw awen. Namui mitun ihtakuniyuu taan chechii ishi nanaapeumut. Namui awen chika chii iteu e kuiskunaakusit mikw e nanihiihtahk wiishuwewiniyuu. Wesh e taapweyimaat awen Jesus ekut mikw ukuiskutaatisiiu chechii ishi kanawaapamikut Chishemanituu, namui wii e nanihiihtamuwaat uwiishuwewiniyuu.

Romans 3:30

Wesh peyakushuu mikw Chishemanituu, taapishkun aniyuuh Jewa kaa itiskaanesitwaau ekw maak aniyuuh ekaa Jewa kaa itiskaanesitwaau kuiskutaatisiiwinihch chika ishi kanawaapameu taapweyimaatwaawenich Jesus.

1 Corinthians 4:11

Waawaach kaye mekwaach anuhchiish niyaanikutehch nisiiweyinaan. Niyaanikutehch nipaakutaahtenaan. Niyaanikutehch namui mitun chii ishinaakun nichekwaaniminaanh. Naashch niwii ihtuutaakunaan kaye maanh. Kaye namui ihtakun taanite chechii wiichiyaahch.

Ephesians 3:6

Eukw maak uu ekaa uhchi chischeyihtaakunuuhch anite weskach, An miywaachimuwin uhchi ekut wehchi nihiipayiniyich misiwe anichii ekaa Jewa kaa itiskaanesitwaau kaye wiyawaau che ayaatwaau taan che ishi miyaat Chishemanituu aniyuuh Jewa kaa itiskaanesiitwaauh. Chishemanituuh chii miikuuch Jewa iinuuch e ihtaayich chechii ishi masinaasutwaau kaye maak aniyuu e nuushuushkuwaatwaau Jesus kaye wiyawaau che ayaataau taan kaa ishi ashutamuwaat Chishemanituu Jewa iinuuh.

James 1:11

Iskutak chihchiwe e ati saakaashtuwet piisim ekwet ishkwaasahk nihtaauchihchikanh ekw piyaahpahchishtiniyikwaauh aniyuuh waapikunh. Wenaatahch an taan kaa ishi miywaashich. Ekun maak mwehch kaye wiya che ishinaakusit an awen kaa miisitisiit, kata puunipimaatisiyuu kaye wiya, che nakatahk misiwe utaapatisuwin.