Matthew 20:11 - Chishemanituu Utayimuwin: Kaa Uskaach Testament

¹¹ Chii utineuch kiipaa aniyuu shuuliyaanaapiskwa kaa miyaakanuutwaau, namui mikw naashch uhchiwii mamiyuusinahweuch taan kaa ishi ayimitutuwaatwaau aniyuu kaa tipiyeusiyich aniyuu nihtaauchihchikan aschiiyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹¹ ᒌ ᐅᑎᓀᐅᒡ ᑮᐹ ᐊᓂᔫ ᔔᓕᔮᓈᐱᔅᑾ ᑳ ᒥᔮᑲᓅᑣᐤ, ᓇᒧᐃ ᒥᒄ ᓈᔥᒡ ᐅᐦᒋᐐ ᒪᒥᔫᓯᓇᐦᐌᐅᒡ ᑖᓐ ᑳ ᐃᔑ ᐊᔨᒥᑐᑐᐙᑣᐤ ᐊᓂᔫ ᑳ ᑎᐱᔦᐅᓯᔨᒡ ᐊᓂᔫ ᓂᐦᑖᐅᒋᐦᒋᑲᓐ ᐊᔅᒌᔫ᙮

Matthew 20:11 Iomraidhean Croise

Matthew 20:10

Iskutak maak anichii niishtam kaa utaaskunaakanuutwaau kaa chiishiihkawaakanuutwaau, chii iteyihtamuch wiyawaau etituu mistahii che chiishiihkuwaakanuutwaau, mikw maak yaapach peyakw shuuliyaanaapiskwa chii ishpish chiishiihkuwaakanuuch kaye wiyawaau.

Matthew 20:12

Chii iteuch, ‘Anichii maahchishtai kaa utaaskunaakanuutwaau chechii aapatisitwaau mikw peyakw tipahiikan chii aapatisuuch, niyaan maak wii iskan chiishikaau nichii aapatisinaan aat mekwaach anit kaa chishitech yaapach maak peyakunihch misiwe e ishpish chiishiihkuuyaahch.’ ”

Mark 14:5

Chii ataawet awen uyuu tuuminikaniyuu uste nishtwaau mitaahtumitanuu shuuliyaawaapiskwa chipaa miyaakanuu. An maak shuuliyaau kaa chistimaatisiitwaau awenichii chipaa chii miyaakanuuch.” Ekw kaa aanuweyimaatwaau aniyuu iskweu.

Luke 15:2

Phariseech, ekw maak anichii kaa chiskutamaachetwaau wiishuwewiniyuu chii aayimuumeuch Jesus e itwetwaau, “Uu naapeu wiichewaakanitutaweu aniyuu kaa machaatisiyich kaye wiichimiichisuumeu.”

Luke 19:7

Misiwe maak anichii iinuuch kaa waapamaatwaau Jesus e piihtakahiikuyich Zacchaeus memehch chii iteuch e itwetwaau, “Uu naapeu e nituu ihtaat anite umachihtwaau uwaaskaahiikanimiihch.”

Luke 5:30

Ekw maak Phariseech kaye anichii wiishuwewiniyuu kaa chiskutamaachetwaau kaa ayimihaatwaau Jesus uchischinuhamuwaakaniyuuh e itaatwaau, “Chekwaan wehchi wiichimiichisuumekuch anichii kaa maamushtinahkwaau chisheuchimaau shuuliyaayuu kaa itaapatisitwaau kaye anichii kutakach umachihtwaauch.”

John 6:41

Iskutak kaa chiishi ayimit Jesus, anichii Jewa iinuuch chekwaayuu chii iteyimeuch uyuu e chii itweyich, “Niya eukw an aaihkunaau kihchikiishikuhch kaa uhchi pachishtinaakanuut.”

John 6:61

Jesus maak chii chischeyimeu, aat ekaa uhchi wiihtamuwaakanuut, taan e itituyich ekw kaa itaat, “Kuushtuweyihtamihiikunaawaau aa uu kaa itweyaan.

ᐊᐸᔅᑕᓚᒡ 13:45

Iskutak maak anichii Jewa iinuuch wiyaapamaatwaau aniyuu mihchetu iinuu e wii nituhtamiyich, naashch chii uhteyihtamuch. Chiwii nishkuushtuweuch taan kaa itweyich Paul kaye chii maayeyimeuch.

1 Thessalonians 2:16

Waawaach nichii wii chipihchihiikunaanich e waawiihtamuumichiht aniyuuh ekaa Jewa kaa itiskaanesiyich aniyuu miywaachimuwiniyuu che pimaachihiikuyich. Ekut wehchi tepipayihtaatwaau taan muush kaa ishi pechi wanituutahkwaau. Ekw maak wetihchipayiyich chechii chishuwaahaatwaau kaye chechii waweshihiikutwaau Chishemanituuh.

Jude 1:16

Muush memehch itweuch uchii naapeuch. Muush kutak aweyuuh ataameyimeuch ekaa kekachihkaawaachipayitwaauh. Pisikw ihtuutamuch taan e ishi machi nituweyihtahkwaau chechii ihtitwaau. Naashch taapwe wii nanaapeumuuch. Aayaahch ihtuuch e miyu aayimuumaatwaau aweyuuh mikw e wii mamiyuupayihiisutwaau chechii ihtitwaau aniyuu taan waa ihtitwaau.